20.7 C
Pontevedra
Domingo, 25 de Setembro de 2022
Máis
    HomeO CondadoPonteareasO programa Mocidade Viva de Ponteareas inicia o verán cun obradoiro de...

    O programa Mocidade Viva de Ponteareas inicia o verán cun obradoiro de iniciación á astronomía

    Organiza un obradoiro este 14 de xullo (21 h) destinado a rapaces e rapazas maiores de 12 anos. É necesaria inscrición previa

    O programa Mocidade Viva regresa de novo este verán a Ponteareas cunha programación de lecer saudábel e alternativo para rapaces e rapazas de máis de 12 anos. O vindeiro mércores 14 de xullo (21.00 h) desenvolverase a primeira das actividades programadas nesta nova edición, un obradoiro de iniciación á astronomía e observación do ceo nocturno no Observatorio Astronómico do Parque Forestal de Couso, en Guláns.

    Este obradoiro dividirase en dúas partes. A primeira será máis teórica e nela mozos e mozas poderán introducirse ao mundo da astronomía; á mecánica do universo, dos planetas, asteroides, cometas ou meteoros; e á observación do propio ceo.

    Tras esta introdución as persoas participantes subirán ao alto de San Cibrán para a segunda parte da actividade, a observación. Guiados por expertos e expertas, achegaranse a nocións básicas para aprender a orientarse e situarse no ceo nocturno, aprenderán sobre a problemática da contaminación luminosa e coñecerán as estrelas máis brillantes e as constelacións de verán e todas as lendas e tradicións que as rodean.

    O concelleiro de Mocidade, Miguel Bouzó, anima a participar a todos os rapaces e rapazas “interesados en iniciarse nun mundo tan descoñecido para moitas persoas”. “Para nós é un orgullo poder ofrecer á mocidade unha oferta formativa e lúdica diferente que sirva para crear espazos de socialización seguros e saudábeis”, recalca.

    A actividade será de balde e con prazas limitadas, polo que é necesaria inscrición previa en mocidadeviva@ponteareas.gal. O obradoiro contará con todas as medidas de prevención marcadas polas autoridades sanitarias.

    COLABORACIÓNS

    Heterodoxos

    A editorial Galaxia vén de sacar do prelo unha nova colección que, baixo a denominación xenérica de «Heterodoxos», pretende darlle voz a autores ou obras que, polas súas peculiaridades, non teñen cabida dentro das coleccións habituais das editoriais.

    Teatro para nen@s

    Sempre fun dos que defenden a valía do teatro como asignatura en todos os niveis da educación. Polas súas evidentes compoñentes pedagóxicas e pola súa capacidade para aprender a expresarnos en público e a empatizar con outros, tan distintos de nós, merecería un espazo de honra no noso curriculo educativo. Por iso non quero deixar pasar o inicio do novo curso escolar sen facer un par de recomendacións de pezas teatrais dirixidas aos máis pequenos da casa.

    Ramón D. Veiga, «Zoom»

    En ocasións, a literatura xorde dun puro divertimento, dun simple xogo que alicerza a escrita e do que o autor ou autora se fai partícipe dende o inicio. Hai exemplos numerosos ao respecto, ás veces concibidos como simples exercicios de estilo, outras, como argalladas transgresoras coas que experimentar un xeito determinado de escribir. O que hoxe traemos a este espazo parece encaixar perfectamente nese prantexamento lúdico.

    ¡Galicia negra!

    En estos últimos días, mejor dicho ya semanas, estamos volviendo a la cruda realidad de ver a nuestra Galicia de nuevo ennegrecida por el humo y por los incendios. No es algo que nos pille de sorpresa, por desgracia ya es algo habitual desde hace muchos años aunque, este año, se ha adelantando en el tiempo, ya que lo que solía ocurrir principalmente a finales de verano, debido a la climatología de este año, ya está sucediendo en estos meses.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    69 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS