22.6 C
Pontevedra
Xoves, 28 de Setembro de 2023
Máis
    HomeO CondadoSalvaterra de MiñoSalvaterra de Miño, primeiro concello en obter autorización de aproveitamento lúdico da...

    Salvaterra de Miño, primeiro concello en obter autorización de aproveitamento lúdico da auga

    Xustamente a semana a seguir da entrada en vigor da LEI 8/2019 do 23 de decembro de regulación de aproveitamento lúdico das augas termais de Galicia, o Concello de Salvaterra de Miño comezaba cos trámites oportunos para acadar a autorización de aproveitamento lúdico do seu Espazo Termal de Teans, Oleiros. A solicitude de autorización foi acompañada dun proxecto xeral de aproveitamento e do estudo xustificativo do perímetro de protección.

    Click para ampliar

    Foi a comezos do ano 2019 cando Salvaterra inauguraba o seu Espazo Termal logrando atraer a moitos visitantes da provincia e norte de Portugal, contabilizando una media de 200 usuari@s ao día. Por una banda polo privilexiado da súa ubicación e por outra polas características das propias augas, que conteñen un amplo abano de propiedades e que xa dispuñan da Declaración de Augas Termais e Mineromedicinais pola Consellería de Economía, Emprego e Industria, condición previa para a tramitación do aproveitamento lúdico das augas.

    Por mor da COVID 19 e das obras de mellora do recinto, o Espazo Termal foi pechado temporalmente en marzo do ano 2020, coa previsión de remate das mesmas e da nova apertura a finais deste ano 2021, sempre que a situación sanitaria o permita. Estas instalacións contan entre o espazo termal e a zona recreativa, con máis de 17.000 m2, para que as persoas que se acheguen poidan relaxarse e gozar das augas termais e dun lugar tan acolledor como tranquilo.

    LIBROS

    Alberto Mancebo, «O que me quedaba por dicirche»

    Poderiamos afirmar que nos últimos meses algo se está a mover na literatura galega pola aparición de novos autores que nos sorprenden gratamente pola frescura das súas propostas.

    Antón Riveiro Coello, «Hotel Carioca»

    Antón Riveiro Coello volve a demostrar a súa rara habilidade para a construción de historias nas que xoga a mantenta coas personaxes e mais co lector.

    Branca Novoneyra, «As cunchas baleiras»

    Logo dunha longa década de escrita íntima e de reflexión, Branca Novoneyra decide facer público un novo poemario de clara vocación estética e simbólica como é «As cunchas baleiras», que ela mesma concibe como unha «antoloxía» dos versos que saíron da súa pluma ao longo de todo este tempo.