10.4 C
Pontevedra
Xoves, 28 de Marzo de 2024
Máis
    HomeComarcasRedondelaBrillante arranque do «KiteFest Cesantes Trofeo Xacobeo»

    Brillante arranque do «KiteFest Cesantes Trofeo Xacobeo»

    Vento, sol e público nunha xornada que desvela os primeiros líderes desta cuarta edición.

    Espectacular xornada inaugural do KiteFest Cesantes Trofeo Xacobeo, proba organizada polo TMKiteClub e o Concello de Redondela. A enseada de San Simón, os riders e o público non defraudaron, proporcionando bo ambiente e deportividade mantendo as medidas de prevención do Covid-19 que marcan as autoridades sanitarias.

    Con case un centenar de participantes de ata catro países, esta cuarta edición arrincaba oficialmente ás 10:00 horas coa entrega de dorsais aos riders. Cara ás 14:00 horas a frota de Foil era a encargada de dar o pistoletazo de saída na auga, cun vento de entre 10 e 12 nós que lle permitiu completar ata catro probas. Mario Martínez, do local TMKiteClub, fiou fino, sendo o primeiro líder provisional da súa categoría.

    Algo máis tiveron que esperar o resto de clases que, #ante a mirada de toda a praia, vían como ás 17:00 horas chegaba a súa quenda e tamén como o vento subía en intensidade chegando aos 16 nós superando todas as previsións. Todas as categorías completaron dúas mangas resultando como líderes provisionais David Marín (surf), Antonio Fernández ( twintip), Jorge González (windsurf) e Juan Pedrosa ( wingfoil). Ademais, nas categorías amateur de twintip e surf, David Tojeiro e Nuno Figueiredo reinan polo momento.

    Gran abanico de actividades gratuítas en terra

    Esta cuarta edición do KiteFest Cesantes Trofeo Xacobeo conta cun amplo programa de actividades gratuítas en terra, tal e como puideron constatar todos os que se achegaron ao village da praia de Cesantes. Hoxe, a primeira Master Class do evento correu a cargo do rider de Eleveight David Marín, campión de España de Strapless, e o portugués Nuno Stru, primeiro kitesurfista en surfear unha onda xigante na localidade portuguesa de Nazaré, que compartiron as súas experiencias co público.

    Tamén houbo unha charla sobre nutrición, mindfulness e clases de ioga, mentres que os máis pequenos puideron gozar dun taller de cometas, unha serie de probas de equilibrio sobre corda, unha yinkana nas inmediacións do village e bautismos de kitesurf, unha divertida forma de iniciarse no ‘ kite’

    Entre os nomes institucionais que visitaron hoxe o evento estiveron o vicepresidente da Xunta, Alfonso Rueda, a alcaldesa de Redondela, Digna Rivas, a delegada territorial da Xunta en Vigo, Marta Fernández-Tapias e o concelleiro de deportes Nacho González.

    Hoxe domingo, xornada de clausura

    O KiteFest Cesantes Trofeo Xacobeo comezará a xornada do domingo con dúas novas Master Class impartidas polos riders Felipe Moure e Tiago Rocha.

    As primeiras probas en formato regata están previstas se as condicións de vento permíteno para as 13:00 horas. Tras elas, a continuación, o público poderá gozar da espectacularidade dos saltos e trucos propios do kite, grazas a unha exhibición de Freestyle, Big Jump e Strapless.

    Na parte máis lúdica, continuará a posibilidade de practicar pádel surf e asistir a clases de ioga. Os máis pequenos tamén poderán participar nunha ‘Procura do Tesouro’ ás 12:00 horas e pas de praia ás 16:00, hora á que tamén haberá un taller de Primeiros Auxilios RCP impartido por protección civil de Redondela. O programa completo de actividades e horarios está dispoñible en www.tmkiteclub.com.

    O IV KiteFest Cesantes está organizado polo TMKiteClub e o Concello de Redondela, contando co apoio da Xunta de Galicia, a Deputación de Pontevedra e o patrocinio de Abanca e Mercedes- Benz Louzao.

    CLASIFICACIÓN XERAL PROVISIONAL FOIL – DÍA 1

    1. Mario Martínez, 2+3+2+1=8
    2. Marco Moreira, 7+2+1+2=12
    3. Roi Guitián, 4+7+3+3=17

    CLASIFICACIÓN XERAL PROVISIONAL SURF – DÍA 1

    1. David Marín, 2+1=3
    2. Santiago Gómez, 1+3=4
    3. Gustavo Visier, 5+2=7

    CLASIFICACIÓN XERAL PROVISIONAL SURF AMATEUR – DÍA 1

    1. Nuno Figueiredo, 1+1=2
    2. Isidro Albor, 2+6/ DNC=8
    3. Iñigo González, 3+6/ DNC=9

    CLASIFICACIÓN XERAL PROVISIONAL TWINTIP – DÍA 1

    1. Antonio Fernández, 1+1=2
    2. Iván Carballo, 3+2=5
    3. Pedro de Castro, 2+3=5

    CLASIFICACIÓN XERAL PROVISIONAL TWINTIP AMATEUR – DÍA 1

    1. David Tojeiro, 1+1=2
    2. Pablo Beltrán, 2+2=4
    3. Xabier Silva, 5+3=8

    CLASIFICACIÓN XERAL PROVISIONAL WINDSURF – DÍA 1

    1. Jorge González, 1+1=2
    2. Eduardo Reguera, 2+3=5
    3. Mauricio Villadoniga, 4+2=6

    CLASIFICACIÓN XERAL PROVISIONAL WINGFOIL – DÍA 1

    1. Juan Pedrosa, 1+1=2
    2. Miguel Castelao, 2+2=4
    3. Sebastián Ducos, 7/ DNC+7/ DNC=14

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.