21.5 C
Pontevedra
Venres, 19 de Abril de 2024
Máis
    HomeÉ NoticiaSanidade habilita o 900 400 116 para obter o certificado de vacinación

    Sanidade habilita o 900 400 116 para obter o certificado de vacinación

    A Consellería de Sanidade, vén de habilitar unha nova modalidade para obter o certificado de vacinación covid-19, a través do número de teléfono 900 400 116.

    Deste xeito, as persoas que así o desexen poderán solicitar o seu documento oficial de vacinación por medio dunha chamada telefónica, tras a que recibirán unha mensaxe SMS cunha ligazón na que estará dispoñible o seu certificado para descargar.

    Esta nova opción engádese ás xa existentes até o de agora: a través do portal E-Saúde do Servizo Galego de Saúde, por medio das aplicacións Sergas Móbil e Passcovid, ou ben, solicitando a súa impresión nas oficinas de farmacia galegas.

    Na actualidade, un total de 383.282 persoas xa contan co certificado galego de vacinación. Así mesmo, e no que atinxe aos diferentes certificados europeos vencellados á covid, 426.984 persoas descargaron o certificado de vacinación comunitario –dos que 249.942 se expediron pola vía dixital-; 4.998 persoas solicitaron o certificado de recuperación, mentres que 2.325, descargaron o certificado de probas europeo.

    Máis de 4.000 persoas solicitan a súa vacinación por medio da autocita

    En canto ao sistema de autocitación posto en marcha pola Xunta de Galicia para vacinarse, e cuxos destinatarios iniciais son a poboación estudantil internacional e as persoas maiores de 50 anos que aínda non recibiran ningunha das doses da vacina, nestes intres, un total de 4.326 persoas xa concertaron a súa cita por este medio. Nomeadamente, estas solicitudes foron rexistradas por 1.198 estudantes internacionais, e 3.128 persoas maiores de 50 anos.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.