22.4 C
Pontevedra
Mércores, 4 de Agosto de 2021
Máis
    HomeÉ NoticiaA Deputación recibe ao nadador Chano Rodríguez e concede axudas a cada...

    A Deputación recibe ao nadador Chano Rodríguez e concede axudas a cada deportista paraolímpico

    O nadador, que é o atleta máis veterano dos que participarán na cita olímpica de Tokio, non descarta continuar ata París 2024

    A Deputación de Pontevedra recalca o seu apoio aos deportistas da provincia que competirán nos Xogos Olímpicos e Paralímpicos de Tokio cunha recepción ao nadador Sebastián (“Chano”) Rodríguez Veloso, que mantivo un encontro co deputado Gorka Gómez. O deputado de Deportes explicou que este ano creouse unha liña de axudas de 75.000 euros, que será repartida cunha subvención nominativa lineal de 5.000 euros a cada deportista olímpico e paralímpico.

    Gorka Gómez recoñeceu o traballo do deportista vigués, que vivirá en Tokio a súa sexta cita olímpica despois de ter pasado por Sidney, Atenas, Pekín, Londres e Río de Xaneiro, acumulando un total de 16 medallas (oito de ouro, catro de prata e catro de bronce). Rodríguez é o deportista español en activo con maior número de ouros. O deputado lembrou que o deporte de élite da provincia xa dispón das liñas de axudas DepoDan e DepoPromesa, cunha dotación total de 250.000 euros. Este ano, ao coincidir con ciclo olímpico, as achegas provinciais increméntanse nestes 75.000 euros para os que compitan na capital xaponesa.

    Chano Rodríguez, con 64 anos, será o participante máis veterano dos Xogos Olímpicos e, a pesar diso, afirma que non renuncia a participar en París 2024: “dende que comecei en Sidney levan preguntándome se vou participar nos seguintes e con esta van seis, así que digo o mesmo, aínda que xa sei que na casa vou ter lea”. O nadador afirma que estes van ser uns Xogos “moi raros” polas restricións derivadas da pandemia. “Tiven a enorme sorte de vivir xa cinco citas olímpicas e en todas teño o costume de almorzar, comer e cear cada día cun país distinto, e este ano non vou poder facelo, mesmo hai rumores de que teremos que comer nas habitacións; síntoo por min, pero sobre todo pola xente nova que vai participar nas súas primeiras Olimpíadas”. O deportista expresou o seu agradecemento á Deputación polo apoio ao deporte e a el e afirmou estar “encantado de levar o nome de Galicia, de Vigo e de Pontevedra alá onde compito”. Sobre a súa preparación, concluíu, que está a ser moi esixente, dado que este ano vai competir na distancia de 200 metros “por cousas da idade”, cando a súa distancia ideal era, ata o de agora, os 50 metros.

    COLABORACIÓNS

    O Morrazo e O Salnés, éxito asegurado

    Con motivo del día de la patria gallega esta publicación está dedicada a nuestra mágica tierra. “Miña terra galega, donde el cielo es siempre gris” cantaba Siniestro Total allá por los 80.

    Santiago Lopo, «A carteira»

    Santiago Lopo volve a sorprendernos cunha novela na que demostra a súa habilidade para conxugar unha chea de elementos que semellan dispares e que, baixo a súa pluma, combinan á perfección, e facelo dun xeito ameno sen que iso signifique deixar de lado nin a fondura de pensamento nin certa capacidade reivindicativa.

    Clafoutis, un postre clásico francés a base de cerezas

    Os presento uno de los postres más conocidos de la repostería francesa, el Clafoutis. Un postre sencillo, con una elaboración y una combinación de ingredientes que le dan una textura y sabor exquisitos. La combinación de almendra y cereza veréis que es realmente deliciosa.

    Colaboradores

    Alberto Aliaga Sola
    8 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    3 POSTS0 COMMENTS
    Manrique Fernández
    43 POSTS0 COMMENTS
    Paz de la Peña
    34 POSTS0 COMMENTS
    Ricardo Canosa Bastos
    1 POSTS0 COMMENTS
    Roberto Mera
    2 POSTS0 COMMENTS