9 C
Pontevedra
Domingo, 5 de Febreiro de 2023
Máis
    HomeLouriñaSalceda de CaselasSalceda xa conta coun dous proxectos inscritos no Rexistro de Absorcións de...

    Salceda xa conta coun dous proxectos inscritos no Rexistro de Absorcións de CO2 do Ministerio de Transición Ecolóxica

    As comunidades de montes de San Esteban de Budiño e de Parderrubias, que se viran afectadas por lumes no 2017, plantaron máis de 28.000 árbores para recuperar as superficies afectadas

    As comunidades de montes de San Esteban de Budiño e de Parderrubias, ambas de Salceda de Caselas, impulsaron senllos proxectos de restauración ambiental nos seus montes, afectados polos incendios acontecidos en outubro do 2017. A iniciativa das comunidades, nas que participan máis de 160 familias comuneiras, permitiu a recuperación forestal de 27 hectáreas de superficie, que foron plantadas con piñeiros do país e frondosas caducifolias (castiñeiros e carballos).

    As superficies restauradas, nas que se instalaron máis de 28.000 árbores, veñen de inscribirse no Rexistro de Absorcións de CO2 do Ministerio de Transición Ecolóxica, o que permitirá que as dúas comunidades poidan recibir fondos daquelas empresas interesadas en compensar a súa pegada de carbono.

    Os fondos que se capten serán destinados, de xeito íntegro, ao mantemento do monte, o que permitirá completar os traballos silvícolas previstos para acadar o obxectivo de que esas masas forestais cheguen a adultas.

    Ambas comunidades comprometéronse a manter esas masas en pé un mínimo de 45 anos. Durante ese tempo, está previsto que sexan capaces de absorber máis de 9.000 toneladas de CO2 da atmosfera, o que equivale ás emisións anuais de arredor de 3.000 automóbiles.

    Restauración ambiental

    Os traballos de restauración consistiron na plantación de piñeiro do país e frondosas caducifolias (castiñeiro, carballo). Estas frondosas ubicáronse nas franxas laterais das pistas, co obxectivo de que sirva de protección contra os incendios forestais.

    Toda a zona reforestada conta con certificación FSC e PEFC, o que é unha garante de que a súa xestión desenvólvese cun criterio de sostibilidade. É de destacar que ambos montes reservaron máis de 15 hectáreas destinadas a unha función protectora -non produtiva-, nas que principalmente hai masas de frondosas caducifolias.

    Ambos proxectos de restauración contaron co apoio e coordinación da Asociación Forestal de Galicia, e están incluídos dentro dun plan de restauración de superficies degradadas que se está a desenvolver a nivel autonómico. O obxectivo principal deste plan, que se realiza simultaneamente nas catro provincias galegas, é o de captar financiamento daquelas empresas que estean interesadas en compensar de xeito voluntario a súa pegada de CO2.

    Con eses fondos preténdese acelerar o proceso de recuperación dos montes que fosen afectados polos incendios forestais nos últimos anos, ou ben promover a reforestación daquelas superficies que se atoparon rasas ao longo dos últimos 30 anos.

    COLABORACIÓNS

    Antía Otero, «Barroco»

    É posible que todo viñese suxerido polo título do novo poemario de Antía Otero, «Barroco», pero ao mergullarme nas súas páxinas vivín a sensación de pasear por unha galería de arte na que cada un dos poemas era, en realidade, un cadro ou unha peza escultórica que a autora describía con detalle.

    Ponteareas e a filla pródiga: o novo espectáculo do Circo da Dereita

    Aínda que o pareza, non é un déjà vu, non. É real como a vida mesma. A dereita en Ponteareas regresa ao seu pasado, non sabemos se por convicción nostálxica ou, como parece máis evidente, por non atopar nada mellor que ofrecer. Se cadra, en realidade non hai tal regreso a un pasado que esa dereita nunca abandonou, por máis que durante os últimos anos algúns quixeran convencer a Ponteareas, pleno tras pleno e eleccións tras eleccións, de que aquel negro pasado nada tiña que ver con eles nin cun Partido Popular que, reescribindo a nosa historia política, tería nacido en 1998 coa chegada a Ponteareas dun Salvador chamado para redimir, como novo candidato popular, os imperdonabeis pecados orixinais da dereita ponteareán encarnada até ese momento por un alcalde orgulloso do seu pasado franquista.

    María Solar, «A culpa»

    A metade de camiño entre a novela negra e o thriller, María Solar vén de presentar un novo traballo para adultos no que pescuda nas interioridades da parte máis escura da alma humana a través dun trío de mulleres, protagonistas do relato.

    Antón Riveiro Coello, «Días de intemperie»

    A nova achega de Antón Riveiro Coello, «Días de imtemperie», é unha proposta que contén nove relatos de temática e transfondo diferentes, mais que teñen un elemento en común, como é a guerra no sentido máis amplo da palabra.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    78 POSTS0 COMMENTS
    Paz de la Peña
    41 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    6 POSTS0 COMMENTS
    Avatar
    1 POSTS0 COMMENTS