17.9 C
Pontevedra
Xoves, 5 de Agosto de 2021
Máis
    HomeBaixo MiñoOiaA Delegación da Xunta en Pontevedra celebra a súa primeira Comisión Territorial...

    A Delegación da Xunta en Pontevedra celebra a súa primeira Comisión Territorial de Coordinación Itinerante en Oia

    O delegado territorial, Luis López, salienta, tras presidir o encontro de traballo cos xefes territoriais, que a iniciativa vai ter continuidade polas demais bisbarras e se enmarca na política de “máxima proximidade” cos concellos e os cidadáns

    A Delegación Territorial da Xunta de Galicia en Pontevedra celebrou este mediodía a súa primeira Comisión Territorial de Coordinación itinerante e descentralizada no Centro Cultural de Pedornes, no Concello de Oia, no marco dunha iniciativa que pretende achegar aínda máis o labor do executivo autonómico a todo o territorio e aos cidadáns.

    O delegado territorial, Luis López, presidiu este encontro de traballo, de periodicidade mensual e que contou coa participación de todos os xefes territoriais das once consellerías, e anunciou que estas reunións itinerantes van ter continuidade ao longo do resto da lexislatura nas distintas bisbarras da área territorial.

    “Queremos afondar aínda máis na política de máxima proximidade cos concellos e cos cidadáns e por iso imos trasladar algunhas destas reunións ás comarcas dos 47 municipios que conforman a área territorial de Pontevedra, porque deste xeito estableceremos, todo o equipo, un contacto moito máis directo coas alcaldesas e alcaldes cos que xa temos unha comunicación moi fluída”, aseverou, despois de manter un encontro e unha breve recepción coa rexedora de Oia, Cristina Correa.

    Ademais, na Comisión Territorial de Coordinación da Delegación da Xunta en Pontevedra tamén se aproveitou para facer un repaso dos investimentos recentes ou en marcha e das distintas achegas e programas do executivo autonómico na bisbarra do Baixo Miño, que agora mesmo se beneficia dunha vintena de actuacións impulsadas polo Goberno galego.

    Así, abordáronse as obras da VAC entre o enlace de Areas e a autovía A-55, en Tui, cun investimento de 21 millóns de euros, o programa Rexurbe na vila tudense, as melloras educativas no CEIP de Caldelas de Tui, o IES A Sangriña, a escola infantil da Guarda e no IES Antón Alonso Ríos de Tomiño, para o que se busca encaixe urbanísticoo ou as actuacións patrimoniais no Mosteiro de Oia e no Pazo Episcopal da Catedral de Tui.

    As infraestruturas da zona tamén coparon parte do encontro coa senda da PO-404 en Tui, a renovación do firme e das sendas da PO-552 con 1,8 millóns de euros, que benefician principalmente a Oia despois que se mellorara a seguridade nesta estrada entre Tui e Tomiño, e o desdobramente da recta de Figueiró, na PO-552 en Tomiño, para a súa conversión nunha autovía urbana.

    Tamén se tratou a recente implantación da Unidade de Saúde Mental en Tui, a reforma do mercado do Rosal, a concesión de 150.000 euros para o Plan de Abastecemento de Oia e de 61.000 para a execución dun plan Hurbe neste mesmo municipio.

    “A Xunta de Galicia executou ou está a piques de executar en torno a unha vintena de actuacións de envergadura na bisbarra do Baixo Miño cun investimento de máis de 28 millóns de euros, que é unha cantidade moi importante que responde ás necesidades da zona e á que hai engadir os máis de 2 millóns de euros concedidos aos empresarios e hostaleiros nos dous plans de rescate, os 206.000 euros de axudas ás terrazas, os 100.000 euros para contratacións de persoal ou o apoio ao comercio a través dos Bonos Activa, que teñen adheridos 124 establecementos nesta zona”, detallou Luis López.

    COLABORACIÓNS

    O Morrazo e O Salnés, éxito asegurado

    Con motivo del día de la patria gallega esta publicación está dedicada a nuestra mágica tierra. “Miña terra galega, donde el cielo es siempre gris” cantaba Siniestro Total allá por los 80.

    Santiago Lopo, «A carteira»

    Santiago Lopo volve a sorprendernos cunha novela na que demostra a súa habilidade para conxugar unha chea de elementos que semellan dispares e que, baixo a súa pluma, combinan á perfección, e facelo dun xeito ameno sen que iso signifique deixar de lado nin a fondura de pensamento nin certa capacidade reivindicativa.

    Clafoutis, un postre clásico francés a base de cerezas

    Os presento uno de los postres más conocidos de la repostería francesa, el Clafoutis. Un postre sencillo, con una elaboración y una combinación de ingredientes que le dan una textura y sabor exquisitos. La combinación de almendra y cereza veréis que es realmente deliciosa.

    Colaboradores

    Alberto Aliaga Sola
    8 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    3 POSTS0 COMMENTS
    Manrique Fernández
    43 POSTS0 COMMENTS
    Paz de la Peña
    34 POSTS0 COMMENTS
    Ricardo Canosa Bastos
    1 POSTS0 COMMENTS
    Roberto Mera
    2 POSTS0 COMMENTS