23.5 C
Pontevedra
Venres, 3 de Xullo de 2020

Tag: ponteareas

A Concellería de Medio Ambiente de Ponteareas pide a colaboración cidadá para rematar cos vertedoiros incontrolados

A concellería de Medio Ambiente do Concello de Ponteareas, que dirixe Rosa Covelo, lamentou a aparición dun novo vertedoiro incontrolado no Confurco. Covelo solicita a colaboración cidadá para atopar aos e ás responsables destes vertidos que supoñen un atentado para o medio ambiente pero tamén unha falta de consideración e respecto polos bens comúns e polo resto da veciñanza.

O Concello de Ponteareas, orgulloso da súa comunidade educativa

A concellería de Educación, que dirixe a tenenta de alcalde Cristina Fernández, quere trasladar os seus parabéns a toda a comunidade educativa por ter superado un terceiro trimestre e un final de curso completamente improvisado fóra da normalidade. A concelleira participou nestes días nos distintos consellos escolares nos que se avaliou a situación vivida e se adiantaron ideas e propostas para reforzar o sistema educativo de cara ao vindeiro curso.

O PP de Ponteareas solicita a devolución das comisións cobradas a centos de Ponteareáns por Abanca

Os populares de Ponteareas levaron ao Pleno do pasado martes, 30 de xuño, unha moción de urxencia para que toda a Corporación Municipal acordase solicitar á entidade financeira Abanca a retirada e a devolución inmediata das comisións bancarias cobradas aos veciños/ as de Ponteareas por consideralas abusivas no momento actual.

Ponteareas adxudica en máis de 420.000 € as obras que transformarán a rúa Redondela

O goberno de Ponteareas do BNG-PSOE informa que vén de adxudicar por 424.654,18 euros as obras que transformarán por completo a rúa Redondela. Adxudicación realizada despois dun concurso público ao que se presentaron máis dunha ducia de empresas.

Ponteareas tínguese de diversidade, respecto e dignidade

A Casa do Concello de Ponteareas tínguese, nestas noites, coas cores do Arco da Vella. Bérrase, a través de luces, a favor da igualdade das persoas independentemente da súa orientación sexual. As cores LGTBIQ+, tan diversas como iguais, falan de diversidade e de respecto pero, sobre todo de dignidade.

Máis de 250 alumos e alumnas realizarán as probas de selectividade en Ponteareas

A concellería de Educación, que dirixe a tenenta de alcalde Cristina Fernández, informa que 252 alumnos e alumnas de secundaria realizarán as probas de selectividade en Ponteareas. O alumnado dos centros de ensino secundario dos concellos da Cañiza, As Neves, Mondariz Balneario e Salvaterra achegaránse os vindeiros días 7, 8 e 9 de xullo para realizar xunto ao alumnado ponteareán as probas que lle permitirán acceder ao sistema universitario.

A asociación ‘Ponte Solidario’ organiza un proxecto de apoio educativo

A asociación 'Ponte Solidario' de Ponteareas vén de poñer en marcha un máis que interesante proxecto dirixido ao alumnado con dificultades para seguir a teleformación durante o confinamento. Ante a discriminación de que estaban sendo obxecto estes nenos e nenas, Ponte Solidario optou por ofrecerlles clases de reforzo gratuítas, co obxectivo de mellorar o seu nivel académico de cara ao próximo curso. As clases serán impartidas por mestras voluntarias durante os meses de xullo e agosto.

Bara anuncia que o BNG creará dende a Xunta unha nova Lei de Financiamento Local para “rematar co reparto partidista e discrecional do PP”

O cabeza de lista do BNG, Luís Bará, mantivo hoxe en Ponteareas unha reunión de traballo cos alcaldes do Condado na que propuxo a creación dunha nova Lei de Financiamento Local para realizar un reparto xusto e igualitario dos fondos entre os concellos galegos. O nacionalista destacou que é preciso crear un Fondo Único que aglutine os recursos autonómicos en materia de cooperación cos concellos e reduza as subvencións.

Ponteareas conta xa con ‘Comercio Seguro’

O alcalde de Ponteareas, Xosé Represas, e a concelleira de Promoción Económica, Eva Gil, asistiron á entrega dos primeiros selos de 'Comercio Seguro', enmarcada na campaña que desenvolve a asociación de comerciantes Banastra en colaboración coa Federación provincial de Comercio, Turismo e Mercados.

O Concello de Ponteareas convoca ao Consello Municipal da Infancia e da Adolescencia

O Concello de Ponteareas vén de convocar ao Consello Municipal da Infancia e da Adolescencia para manter unha nova reunión, nesta ocasión virtual, o vindeiro 18 de xuño ás cinco da tarde. O alcalde ponteareán, Xosé Represas, quere dialogar coa infancia e coa mocidade da vila sobre o tempo de confinamento e a actualidade da desescalada co obxectivo de afondar naquelas preocupacións que os abordaron nestes tempos e coñecer cales foron as súas necesidades.

A Asociación de Alfombristas do Corpus Christi impulsan varias iniciativas para que o Corpus siga a ser a festa grande

A crise sanitaria provocada pola COVID-19, o confinamento e as fases medidas de desescalada que se están a desenvolver, fan que celebracións senlleiras téñanse que reinventar. O Corpus Christi de Ponteareas, declarado Festa de Interese Turístico Internacional é un bo exemplo.

Ponteareas abre a preinscrición para o Campus-Tea urbano

A Concellería de Educación, que dirixe a tenenta de alcalde Cristina Fernández, informa que ata o vindeiro 18 de xuño estará aberta a preinscrición para o Campus-Tea urbano. Un ano máis, o campamento facilitará ás familias a conciliación familiar e laboral abrindo as súas portas para os e as cativas de educación infantil e primaria en horario de 9 a 14 horas, existindo tamén a posibilidade de solicitar aula matinal en horario de 07:30 a 09:00 horas.

Luís Bará destaca en Ponteareas “o exemplo de mobilización do pobo galego” diante da carencia de material de protección na crise da COVID-19

O cabeza de lista do BNG por Pontevedra, Luís Bará, recoñeceu hoxe “o exemplo de mobilización do pobo galego” diante da situación de carencia de material de protección na crise da COVID-19. Así o fixo nunha visita en Ponteareas ao ‘Equipo batas, máscaras e gorros de SOGAPS’ que agrupou dende o inicio da pandemia a máis de 300 persoas voluntarias que confeccionaron máis de 200.000 máscaras, traxes e gorros para sanitarios de toda Galiza.

Ponteareas destina 50.000 euros de subvencións para apoio á cultura

O concelleiro de Cultura, Fernando Groba, informa que a partir de hoxe mércores, 10 de xuño, xa se poden presentar as solicitudes de apoio á cultura logo da publicación, no Boletín Oficial da Provincia de onte, da convocatoria de subvencións destinada a casas e centros culturais do Concello de Ponteareas.

O alcalde de Ponteareas pide ao PP que “respecte o Corpus” e que “non enrede con mentiras e falsidades”

O alcalde de Ponteareas Xosé Represas, saíu ao paso das declaracións da portavoz do Partido Popular, Belén Villar, sobre o covenio coa Xunta de Galicia para o Corpus. Represas amosouse sorprendido coas afirmacións realizadas pola portavoz municipal do PP e a súa falta de respecto coa celebración do Corpus Christi que sempre estivo á marxe de partidismos.

A arte floral de Ponteareas, protagonista nos medios de comunicación

A concellería de Eventos, que dirixe a tenenta de alcalde Cristina Fernández, convida a toda a veciñanza a adornar os seus balcóns e ventás nesta semana de Corpus na que serán moitos os medios de comunicación que comezan a achegarse para recoller o ambiente da vila de maior tradición de arte floral.

Nace a plataforma cidadá ‘Vivir Ponteareas’

A recen creada plataforma 'Vivir Ponteareas', remitiu aos medios de comunicación un manifesto no que amosa, con claridade, o seu concepto de vila. Unha idea, por certo, que se segue dende hai tempo nos núcleos urbanos de Europa –independentemente do seu tamaño– que apostan pola máxima de "as cidades para as persoas".

Ponteareas implanta unha nova regulación do aparcadoiro da Praza de Abastos para facilitar as compras aos seus clientes

A concellaría de Mobilidade e Tráfico, que dirixe Roberto Mera, conxuntamente coa de Promoción Económica, da que é responsábel a concelleira Eva María Gil, puxeron en marcha unha nova regulación do aparcadoiro exclusivo da Praza de Abastos tras deseñala conxuntamente coa asociación de praceiros e praceiras. Segundo os edís nacionalistas, coas novas normas que rexen desde hoxe no estacionamento “asegurarase que este cumpra o seu cometido, que é facilitar e promocionar o consumo no Mercado Municipal” que conta actualmente cuns trinta postos de venda activos.

O Concello de Ponteaeras restablece a atención presencial a partires do luns con cita previa

O alcalde de Ponteareas, Xosé Represas, anunciou o restablecemento da atención presencial nos servizos municipais a partires deste luns. Para chegar a este punto foi necesario durante as últimas semanas adaptar os postos de traballo e os lugares de atención ás novas esixencias sanitarias

Ponteareas entre os concellos galegos que máis obras licitaron en 2020

O Concello de Ponteareas é un dos nove concellos galegos que lideran o ránking con licitación de obra pública superior ao millón de euros nos catro primeiros meses do ano. Ponteareas sitúase así por diante de grandes cidades e de varios concellos con maior poboación, segundo o informe realizado pola Federación Galega da Construcción sobre a actividade no primeiro cuadrimestre do ano, por diante de cidades como Vigo, Santiago e Ourense.

O Ministerio para a Transición Ecolóxica confirma un investimento de máis de 14 millóns de euros para ampliar a depuradora da Moscadeira

A sociedade mercantil estatal Augas das Concas de España (ACUAES), dependente do Ministerio para a Transición Ecolóxica e o Reto Demográfico, vén de anunciar a contratación dos servizos de asistencia técnica para a elaboración do estudo de alternativas, dos estudos ambientais e a redacción do anteproxecto de mellora da EDAR da Moscadeira e do proxecto dos interceptores xerais de Ponteareas.

Ponteareas procede a una nova retirada de vertedoiros incontrolados

A concellería de Medio Ambiente, que dirixe Rosa Covelo, pide a colaboración cidadá para rematar coa imaxe do lixo e dos enseres abandonados tanto en puntos espallados como na contorna dos colectores de lixo. Nesta semana vén de retirar varios vertedoiros incontrolados en distintos puntos do concello ademais de atopar colectores de lixo rodeados de enseres e bolsas que non foron deitadas dentro do contenedor.

Ponteareas sinaliza o límite a 20 km/h en todos os accesos ao centro urbano

A concellaría de Mobilidade e Tráfico do Concello de Ponteareas concluíu a instalación da sinalización vertical que limita a velocidade no centro urbano a 20 km/h dando ademais prioridade na calzada aos peóns. A sinalización instalouse en todas as rúas que dan acceso ao centro urbano: Fermín Bouza Brey, Sarmiento Rivera, Xoán Trobador García de Guillade, Paseo Matutino, Castañal, Avenida de Galicia, Rúa da Braña e Rúa Amieiros. A única avenida que non conta con esta regulación é a de Castelao, de titularidade autonómica.

Concellos galegos súmanse ao manifesto ‘Cooperación contra o coronavirus’

Un total de 15 concellos galegos aprobaron xa o manifesto 'Cooperación contra o coroavirus' que promove no eido estatal a Confederación de Fondos de Cooperación y Solidaridad, da que forman parte nove fondos que representan a máis de 1.300 administracións locais, entre eles o Fondo Galego de Cooperación e Solidariedade.

EU Ponteareas solicita ao concello un cambio no balizamento da zona de baño da Freixa

Esquerda Unida de Ponteareas vén de solicitar ao Concello un cambio no sistema de balizamento da praia da freixa ao entender, como xa o fixo o pasado ano, que o sistema de 'corcheras' non é o máis adecuado ao provocar que se acumulen restos na zona de baño algo, sinala EU "algo que resulta como mínimo molesto para as persoas bañistas e que eventualmente podería ser contraproducente dende o punto de vista da hixiene".

O Concello de Ponteareas abre as pistas de tenis muncipais desinfectándoas para cada uso

A concelleira de Deportes do Concello de Ponteareas, Nahir Covelo, acompañada polo concelleiro de Mocidade, Miguel Bouzó, supervisou as tarefas de desinfección e limpeza realizadas nas pistas de tenis municipais co obxectivo de abrilas ao público nas mellores condicións sanitarias e de hixiene.

Ponteareas aposta pola ampliación dos espazos peonís

O Concello de Ponteareas continua habilitando novos espazos para os peóns na vila. Tras crear máis dun quilómetro de itinerarios peonís durante o mes de maio, a Concellaría de Mobilidade e Tráfico que dirixe Roberto Mera adoptou novas medidas dirixidas a recuperar espazos para as persoas. Por unha banda peonalizouse completamente a rúa Paseo Matutino no seu primeiro tramo entre Avenida de Galicia e a rúa Castañal.

Ponteareas convoca axudas para colectivos de carácter social

O Concello de Ponteareas publicou no Boletín Oficial da provincia o anuncio da convocatoria de subvencións, por procedemento de concurrencia competitiva, a asociacións e entidades sen ánimo de lucro para a realizaciòn de programas de carácter social no presente ano 2020. O prazo de admisión de solicitudes será de 20 días naturais contado a partir do día seguinte ao do levantamento do estado de alarma.

Ponteareas habilita unha liña de axuda de 10.000 euros para colectivos culturais, veciñais, comunidades de montes e regantes

A concelleira de Vías, Obras e Alumeado, Chus Garrote, anuncou hoxe que xa están subidas na páxina web do Concello as bases e formularios para solicitar as axudas para investimentos destinada a colectivos de interese veciñal, dotadas con 10.000 €.

O Concello de Ponteareas inicia o pagamento das axudas directas a negocios afectados pola COVID-19

O goberno do BNG-PSOE informa que nestas primeiras semanas, dende o inicio do prazo de presentación de solicitudes, o Concello de Pontearas recibíu algo máis de 500 peticións de subvencións de 500 euros por peche de actividade ou de 300 euros por perdas superiores ao 40%. O prazo de presentación estará aberto ata 30 días despois de finalizado o estado de alarma.

Ultimas semanas para participar no concurso/sorteo ‘Eu Creo Na Casa’, campaña de apoio ao comercio local de Ponteareas

O Concello de Ponteaeras mantén aberta a oportunidade de participar no concurso 'Eu Creo Na Casa', organizado pola Concellería de Promoción Económica e que ten como finalidade descubrir a potencialidade creativa realizada nas vivendas de todas e todos os ponteareáns durante o estado de alarma, por mor da Covid-19.

O 1 de xuño ábrese o prazo para solicitar plaza na Escola Infantil Municipal de Ponteareas

A concelleira de Benestar Social e Igualdade, Verónica Carrera, deu conta hoxe que na páxina web do Concello xa están a disposición das familias intereadas os impresos para solicitar praza na escola infantil municipal. O prazo abriráse o día 1 de xuño e rematará o 15 do mesmo mes.

O PP de Ponteareas esixe que o Concello ordee limpar as parcelas cheas de entullos ás empresas adxudicatarias de obra municipal

O Grupo Municipal do PP vén de solicitar ao Concello de Ponteareas que se proceda a desescombrar "canto antes" distintas parcelas do municipio nas que se acumulan entullos de obras municipais. Estes "vertedoiros improvisados" sinala a portavoz popular Belén Villar, "están a xerar malestar entre a veciñanza e pode derivar en problemas de insalubridade".

ACiP urxe ao Goberno local a crear novos aparcadoiros públicos gratuítos

Alternativa Ciudadana de Ponteareas, a través do seu portavoz, Juan Carlos González Carrera, vén de demandar ao Goberno local que as instalacións do Colexio Virxe dos Remedios "sexan destinadas, de maneira provisional, a aparcamento gratuíto para vehículos" e lembra que, amais "de reunir condicións" xa foi utilizado en anos anteriores a este fin "en épocas puntuais".

A Audiencia Provincial considera que a concelleira Vanesa Fernández non cometeu ningún tipo de irregularidade

A concelleira socialista do Concello de Ponteareas, Vanesa Fernández, deu a coñecer hoxe aos medios de comunicación a resolución firme da Audiencia Provincial de Pontevedra que desestima a denuncia por prevaricación interposta por tres membros de Protección Civil de Ponteareas cando Fernández ostentaba o cargo de Concelleira de Seguridade Cidadá e Mobilidade no ano 2019.

Os reis de España agradecen a invitación da Asociación de Alfombristas do Corpus Christi de Ponteareas

Os reis de España Felipe VI e Leticia Ortíz, a través dun escrito enviado polo xefe do gabinete de planificación e coordinación da casa da súa Maxestade o Rey, Emilio Tomei de la Vega, e dirixido ao presidente da asociación de alfombristas do corpus Christi de Ponteareas Miguel Angel García Correa, "lamentan sinceramente a noticia da suspensión do Corpus Christi 2020" ao mesmo tempo que agraceden a invitación "para asistir á festividade do próximo ano".

O PSOE de Ponteareas valora positivamente o “apoio unánime” da oposición á modificación orzamentaria

O PSdeG-PSOE de Ponteareas fixo público un comunicado de prensa no que quere recoñecer públicamente, "como membro do goberno municipal", o apoio dos grupos da oposición (PP e ACiP) para unha modificación presupostaría "que permiten mellorar a situación dos nosos veciños, autónomos e pemes".

O Pleno de Ponteareas aproba, por unanimidade, modificar o orzamento para paliar os efectos da COVID-19

O Concello de Ponteareas aprobou este luns por unanimidade a modificación do orzamento por un importe de 1.137.000 euros, dos que máis de 650.000 € teñen como finalidade intentar paliar os efectos da crisis sanitaria do coronavirus no Concello. Este foi o segundo punto da orde do día da sesión extraordinaria e urxente celebrada onte, sendo o primeiro pleno virtual da historia de Ponteareas, utilizando o sistema telemático que permite a realización de Plenos, Comisións e Xuntas de Goberno Local non presenciais.

Ponteareas reafirma a súa aposta pola eficiencia enerxética co investimento de máis de 100.000 euros na Escola Infantil

O Goberno municipal do BNG-PSOE de Ponteareas anuncioua adxudicación das obrasde rehabilitación enerxética da escola infantil municipal, traballos que contarán cun investimento de 104.342,01 € e que dan contiuidade aos esforzos do Concello ponteareán "de conseguir melloras na calidade de vida da cidadanía".

O PSdeG-PSOE de Ponteareas lamenta a oposición “irresponsable e mentireira” do PP ponteareán

Os socialistas de Ponteareas veñen de denunciar o que cualifican de "última falcatruada" dos concelleiros do PP de Ponteareas difundindo entre o persoal municipal "a mentira de que o Goberno Municipal coa colaboración de ACIP" tiña a intención de baixarlle o soldo os traballadores "atrevéndose incluso a dicirlles que ían quedar sen paga extra", afirma o PSdeG-PSOE.

Colaboradores