17.4 C
Pontevedra
Martes, 16 de Xullo de 2024
Máis
    HomeO CondadoPonteareasPonteareas acada a distinción "Sendero azul" para a senda do río Tea

    Ponteareas acada a distinción “Sendero azul” para a senda do río Tea

    A Senda do Río Tea vén de recibir o premio ‘Bandera Sendero Azul’, concedido pola ‘Asociación de Educación Ambiental y del Consumidor’. Un recoñecemento que destaca o compromiso pola recuperación de itinerarios que poñan en valor a educación ambiental e o desfrute responsable do entorno.

    Para poder acceder a esta distinción, débense cumprir unha serie de criterios e indicadores, definidos en catro categorías distintas: características das sendas e trazados; información, sinalética e infraestruturas nos sendeiros; conservación e xestión do patrimonio natural e cultural; e uso público dos sendeiros. 

    A ruta do Tea ten unha distancia total de 17 quilómetros e vai dende a praia Fluvial da Freixa, en Ponteareas, ata o parque da Canuda (xa no termo municipal de Salvaterra do Miño), nun camiño liso que mostra unha paisaxe natural impecable.

    Galicia é a comunidade autónoma que máis sendeiros premiados acumula, cun total de 49, sendo Pontevedra a provincia con maior coidado dos seus carreiros, seguida da Coruña. A rede total de camiños naturais premiados ascende ata os 319 quilómetros.

    A lista completa está composta por un total de 128 ‘Senderos Azules’, repartidos en 115 municipios de 21 provincias e 11 Comunidades Autónomas de todo o conxunto do Estado español.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.