12 C
Pontevedra
Quarta-feira, 26 de Fevereiro de 2020

Tag: ponteareas

A Corporación de Ponteareas, de xeito unánime, condena a violencia machista

A Corporación do concello de Ponteareas (BNG, PSOE, PP E ACIP) condena os feitos acontecidos na noite de onte na que unha veciña era vítima da violencia machista e rexeita de cheo todo tipo de violencias. Todas e todos os membros da Corporación fan un chamamento á cidadanía para traballar de xeito conxunto na erradicación da violencia de xénero.

O PP alerta sobre a proposta do Goberno local de Ponteareas de endebedar ao Concello en máis de 4 millóns de euros

O PP de Ponteareas vén de expresar públicamente o seu rexeitamento á postura adoptada polo Goberno local de "torpedear" o traballo dos grupos da oposición. As manifestacións da portavoz popular, Belén Villar, foron realizadas logo de que o seu grupo recibira o venres pasado o documento dos Orzamentos 2020 e foran convocados ás comisións informativas esta semana.

A Asociación ADAPTA de Ponteareas organiza un obradoiro de pintura

A Asociación ADAPTA de Ponteareas vén de anunciar a posta en marcha dun obradoiro de pintura enmarcado dentro do programa 'En-red.arte', que cofinancia a Conselleira de Cultura da Xunta de Galicia. A iniciativa diríxese fundamentalmente ás persoas con discapacidade, aínda que tamén poderán participar persoas sen discapacidade.

Comezan en Ponteareas as obras de ampliación e mellora do vial público en Duca

A concelleira de Vías e Obras, Chus Garrote, visitou xunto cos técnicos responsables do proxecto o vial de Duca no que mañá comezarán as obras de ampliación e mellora. As obras deste vial público, sito na parroquia de Santiago de Oliveira, foron adxudicadas por 128.109,04 € e dotarán dunha axeitada accesibilidade á zona de actuación.

As e os participantes no curso de Teatro en Fozara, Ponteareas, reciben os seus diplomas

A concelleira de Formación e Emprego do Concello de Ponteareas, Vanesa Fernández, a tenenta de alcalde Cristina Fernández e a deputada de Cultura, María Victoria Alonso entregaron os diplomas do Curso 'Teatro' do programa 'Conectadas' da Deputación de Pontevedra no que participaron unha quincena de persoas

Ponteareas fai chegar aos fogares o programa cultural do primeiro trimestre do 2020

A Concellería de Cultura, que dirixe Fernando Groba, e a Concellería de Eventos, que dirixe a tenenta de alcalde Cristina Fernández, veñen de anunciar que xa está a disposición da cidadanía o novo programa cultural trimestral que ao longo destes días chegará a todos os fogares de Ponteareas, tanto do centro urbano como das parroquias.

Ponteareas súmase á celebración do «Día das persoas usuarias das bibliotecas»

A Biblioteca Pública Municipal de Ponteareas, dependente da Concellería de Cultura que dirixe Fernando Groba, vén de sumarse á celebración do día das persoas usuarias das bibliotecas que terá lugar o vindeiro luns día 13 de xaneiro. A partir das 18:30 horas o centro bibliotecario acollerá distintos actos e actividades para recoñecer a fidelidade de usuarias e usuarios e dar a coñecer e poñer en valor os distintos servizos que ofrece.

Ponteareas reafírmase na súa loita contra a violencia machista

Facer que a mocidade se dea de conta do que está a acontecer na sociedade na que vivimos reivindicando a igualdade e a loita contra as violencias machistas foron os obxectivos da acción de 'Mulleres en acción. Violencia Zero' da Deputación de Pontevedra levada a cabo onte en Ponteareas.

O PP de Ponteareas asegura que o Concello rexeitou pedir á Deputación fondos para os campos de Angoares e San Mateo

O PP de Ponteareas denunciou que BNG e PSOE votaran en contra da moción popular na que instaban á Deputación de Pontevedra a dotar de céspede artificial o campo de Angoares e renovar o mantemento do de San Mateo.

Ponteareas inicia a humanización da rúa Fernández Vega

O Concello de Ponteareas comezou hoxe as obras de de humanización da rúa Fernández Vega, que afectan ao espazo comprendido entre o Auditorio Municipal e a Praza de Abastos, e que suporán unha remodelación total dun dos espazos que máis afluencia de persoas rexistran ao longo do día. Paralelamente, a Concellería de Mobilidade e Tráfico, que xestiona Roberto Mera, puxo en marcha a regulación de tráfico temporal derivada da execución destes traballos.

Nin Xunta de Galicia nin Monbús informaron ao Concello de Ponteareas sobre os cambios nas liñas de autobuses

O concelleiro de Mobilidade e Tráfico, Roberto Mera, lamentou a falta de información por parte da Xunta e de Monbús en relación cos cambios operados desde o 1 de xaneiro nas concesións do servizo de transporte de viaxeiros que afecta a Ponteareas. Mera lembrou que “o Concello de Ponteareas sigue xestionando a Estación de Autobuses mentres negocia un novo acordo coa Xunta e nin a administración autonómica nin a empresa con novas concesións, Monbús, nos comunicaron os cambios”.

A San Silvestre Solidaria de Ponteareas leva máis de dúas toneladas de axuda para as persoas máis necesitadas

'Cada ano, máis solidariedade'. Esta sería unha boa frase coa que definir a San Silvestre Solidaria de Ponteareas que, un ano máis, bateu un novo rédord de recadación de alimentos destinados ao Centro de Reparto Local e ás familias que máis o precisan.

Caramelos sen glute, sen lactosa e para persoas diabéticas na cabalgata de Ponteareas

A cabalgata dos Reis Magos de Ponteareas agasallará ilusión e caramelos aptos para toda a cidadanía e por vez primeira disporá de caramelos aptos para diabéticos traballando de xeito conxunto coa Asociación de Diabéticos de Ponteareas. A concellería de Eventos, que dirixe a tenenta de alcalde Cristina Fernández, explica que todos os caramelos que repartirán os Magos de Oriente serán sen glute e mesmo algúns sen glute e sen lactosa.

Ponteareas amplía nunha hora o peche da hostalería en Fin de Ano

A Xunta de Galicia vén de autorizar a ampliación dos horarios de peche da hostalería ponteareá na noite de Fin de Ano logo da petición realizada polo Concello atendendo a diferentes peticións de profesionais do sector.

A Ludoteca de Ponteareas, motivo dun novo enfrontamento entre o PP e o Goberno local

As declaracións formuladas polo PP nas que aseguraba o Goberno local –co apoio por certo de todos os grupos agás o PP– aprobaba un regulamento no que excluía "aos nenos e nenas de 2 a 5 anos", vén de marcar un novo enfrontamento entre os populares e o Goberno ponteareán que, indignado, lémbralle á concelleira Balén Villar que "nunca se admitiu a nenos e nenas de esas idades, tampouco na época de Goberno do PP".

Ribadetea prepárase para vivir un Rancho de Reis, o primeiro dende hai máis de medio século

O domingo 29 de decembro, a parroquia ponteareá de Ribadetea vivirá un Rancho de Reis, o primeiro dende hai máis de medio século e que chega da man do Rancho de Reis de Fozara nunha iniciativa da Asociación de Veciños de Ribadetea que busca, entre outras cousas, poñer en valor unha tradición centenaria.

O «Pavillón Álvaro Pino» de Ponteareas acolle o sábado o III Torneo Solidario de Bádminton

O Club Bádminton Ponteareas en colaboración co Concello de Ponteareas e a Deputación de Pontevedra organiza, este sábado 28 de Decembro dende as 16:30 horas, o III Torneo Solidario de Bádminton no Pavillón Alvaro Pino de Ponteareas.

Ponteareas xa conta cun novo vehículo para traballos medio ambientais

A concellería de Medio Ambiente, que dirixe Rosa Covelo, informa que xa está a disposición do persoal do seu departamento o novo vehículo adquirido con fondos propios e coa subvención outorgada polo Fondo de Compensación Ambiental da Xunta de Galicia.

Os bombeiros de Ponteareas desenvolven 60 intervencións polo temporal nunha semana

O forte temporal que nestes días afecta a Galicia non só se deixa sentir na costa senón que tamén o fai no interior. Os bombeiros de Ponteareas, no corto espazo dunha semana, levan realizadas máis de 60 actuacións para solventar incidencias provodadas pola meteoroloxía adversa.

A Concellería de Alumeado de Ponteareas consegue máis de 3 millóns dos fondos europeos FEDER

A concellería de Vías, Obras e Alumeado do Concello de Ponteareas, que dirixe Chus Garrote deu conta da consecución de máis de tres millóns de euros do Instituto para Diversificación e o Aforro Enerxético (IDAE) –dependente do Ministerio para a Transición Ecolóxica– para a renovación total das instalacións de alumeado exterior en todo o concello.

Ponteareas convértese, o domingo, na ‘capital’ das Danzas de Reis

A concellería de Cultura que dirixe Fernando Groba vén de convidar á veciñanza e visitantes a participar no II Festival Internacional de Danzas de Reis que terá lugar este domingo día 22 de decembro a partir das cinco da tarde, hora na que os ranchos percorrerán as rúas do centro urbano de Ponteareas. Un espectáculo, sinala Groba, "que difunde unha das nosas tradicións máis xenuinas e que Ponteareas foi quen de conservar".

O PP de Ponteareas afirma non ter recibido o documento dos Orzamentos 2020

O PP de Ponteareas vén de denunciar o que, ao seu entender, é unha "falta de respecto" da Alcaldía cara aos grupos da oposición aos que "continuamente obstaculiza o seu traballo". Belén Villar asegura que, sobre a intención do alcalde de aprobar os orzamentos de 2020 o próximo 26 de decembro non teñen máis información "que o publicado estes días polos medios de comunicación".

O «Calendario Galego de Ponteareas» descobre recunchos máxicos da súa paisaxe

A concellería de Cultura, que dirixe Fernando Groba, vén de animar á veciñanza á participación no acto de presentación do 'Calendario Galego de Ponteareas' este sábado día 21 ás 18 horas no salón de plenos da Casa do Concello, un calendario froito da escolma fotográfica realizada polo xurado do concurso de fotografía convocado para o deseño deste calendario que nos acompañará ao longo do ano 2020.

ADENCO festexa os seus 30 anos de actividades micolóxicas

O Grupo Ecoloxista ADENCO festexou o sábado, no Salón de Plenos do Concello de Ponteareas e arroupado por numeroso público e representantes políticos da Comarca, os seus 30 anos de actividades micolóxicas continuadas.

O auditorio de Ponteareas acolle o concerto da Banda de Música do Conservatorio de Vigo

A Banda de Música do Conservatorio Superior de Vigo actuará no auditorio municipal Reveriano Soutullo de Ponteareas este mércores, 18 de decembro, ás 18:30 horas.

Ponteareas prepárase para correr a San Silvestre en axuda das familias máis necesitadas

Como cada ano a lona da carreira solidaria San Silvestre recibe ás e aos que chegan a Ponteareas na entrada da avenida de Galicia. O vindeiro 31 de decembro a cidadanía volverá xuntarse para facer deporte e para amosar que un gran de area pódese converter en toneladas de axuda para o centro de reparto de alimentos de Ponteareas.

O “plantón” dos sindicatos á Mesa de Negociación atrasa a aprobación do Orzamento de Ponteareas

A previsión do goberno do BNG e PSOE de aprobar os presupostos de 2020 no vindeiro pleno ordinario do día 26 vén de quedar truncada logo do "plantón" que, segundo o Goberno local, lle deron os os sindicatos ao non presentarse á mesa de negociación convocada o pasado mércores.

O BNG de Ponteareas urxe á xunta a que informe das previsións para o saneamento de Ribadetea

O BNG, a través do seu deputado Luís Bará, presentou unha iniciativa que se debaterá no Parlamento Galego para urxir á Xunta a que cumpra os seus compromisos en relación co saneamento da parroquia ponteareá de Ribadetea. Luís Bará e Xosé Represas reuníronse en Ribadetea coa Plataforma polo Saneamento para darlle a coñecer a iniciativa do BNG demandando á Xunta informe das previsións para a redacción do proxecto integral de saneamento.

O Goberno de Ponteareas cualifican de “despropósito” o pintado da Avenida de Castelao

A concelleira de Vías e Obras, Chus Garrote, e o concelleiro de Tráfico e Mobilidade, Roberto Mera, tacharon de "despropósito" e "grave irresponsabilidade" o pintado da Avenida de Castelao por parte da Xunta de Galicia. Ambos edís lembraron que as obras de asfaltado concluiron hai uns dous meses e o pintado continua incompleto.

«Merca Nadal» de Ponteareas abre as súas este domingo

O Centro Comercial Aberto 'Banastra' de Ponteareas abrirá as súas portas este domingo 15 de decembro, en horario ininterrompido, para que todas as familias poidan facer as súas compras de nadal sen presas. O Merca Nadal abrirá as súas portas na carpa da praza Maior de 11 h a 20 horas.

Representantes do Consello da Infancia e da Adolescencia de Ponteareas, nas xornadas «Cidades Amigas da Infancia»

O consello da Infancia e da Adolescencia de Ponteareas estivo hoxe presente nas III Xornadas Formativas de Cidades Amigas da Infancia en Galicia, organizado pola FEGAMP en colaboración con UNICEF. Acompañadas da concelleira de Ensino e tenenta de alcalde, Cristina Fernández, e do concelleiro de Mocidade, Miguel Bouzó, Hirut Philippon Salinas e Nicolás Paul Quiroga Snyder representaron ao Consello ponteareán para falar de asuntos relacionados co Ensino.

ADENCO presenta a revista conmemorativa dos 30 anos de «Xeiras Micolóxicas no Condado»

A Asociación Ecoloxista ADENCO celebrará este sábado 14 de decembro, no Salón de Plenos do Concello de Ponteareas, un acto público a partir das 20 h no que se presentará a revista conmemorativa dos 30 anos de Xeiras Micolóxicas. O acto está aberto á asistencia da cidadanía, de xeito libre, sen necesidade de apuntarse previamente, entregándose a revista que se presenta aos asistentes.

Vinte persoas desempregadas comezan en Ponteareas o obradoiro «Coidar de Nós II»

A concelleira de Emprego, Vanesa Fernández e o alcalde de Ponteareas, Xosé Represas inauguraron hoxe un novo obradoiro de emprego 'Coidar de Nós II' que dará unha oportunidade laboral a vinte persoas desempregadas, ofrecendo por vez primeira formación para o sector forestal.

Onde está Larry? de «Teatro Calavera», nova actividade de Apego en Ponteareas

Este este venres, día 13 de decembro ás 18 horas, o auditorio municipal 'Reveriano Soutullo' acolle unha nova actividade de Apego, un programa colectivo dirixido a fomentar e a facilitar a transmisión do galego como lingua inicial e a socialización dos nenos e das nenas entre 0 e 6 anos no noso idioma.

Ponteareas remata as obras de acondicionamento da casa de autopsias

A concelleira de Medio Ambiente do Concello de Ponteareas, Rosa Covelo e a concelleira de Vías e Obras, Chus Garrote, visitaron as obras de acondicionamento da casa de autopsias do cemiterio municipal, financiadas con fondos propios a través do Plan Concellos da Deputación de Pontevedra e que supuxeron un investimento de 38.216,05 € (IVE incluído).

O alcalde de Ponteareas, satisfeito “co interese da Xunta” en cofinanciar a ampliación da depuradora

O Alcalde de Ponteareas, Xosé Represas, amosou a súa satisfacción polo “enorme interese” da Xunta de Galicia en cofinanciar a ampliación da depuradora da localidade. A Conselleira de Infraestruturas e Mobilidade, Ethel Vázquez, explicou onte que ven de solicitar “a celebración dunha xuntanza urxente para que a Xunta e o Goberno de España poidan abordar conxuntamente, o antes posible, o financiamento (…) da depuradora de Ponteareas”.

«Mozart á galega», un xeito diferente de amosar a música

O auditorio municipal Reveriano Soutullo de Ponteareas acolle, este venres día 6 de decembro ás 19 horas e con entrada totalmente de balde, o concerto 'Mozart á galega', unha actividade novidosa que correrá a cargo do frautista Luís Soto acompañado dun trío de cordas.

Ponteareas abre o prazo para solicitude de bolsas ás e aos deportistas

A concellería de Deportes do Concello de Ponteareas vén de poñer en coñecemento de todos os interesados e interesadas que ata o día 10 de decembro, as e os deportistas federados de ponteareas poderán solicitar a axuda da bolsa que o Concello concede para a preparación das diferentes competicións nas que vaian participar.

«Venres polo planeta» trasládase ao xoves 5 para actuar no monte de Prado

A actividade 'Venres polo planeta' do Concello de Ponteareas que busca, a través da Concellería de Mocidade que dirixe Miguel Bouzó, "cambiar o futuro indo máis aló das palabras e deseñando accións participativas", adiántase esta vez ao xoves 5 de decembro, dada a festividade do Día da Constitución do venres 6.

Ponteareas da un paso adiante na instauración da normalidade e a igualdade de xénero

"Ponteareas da un paso máis para acadar a igualdade e a normalidade", así o resume a concelleira de Benestar Social e Igualdade, Verónica Carrera, que puxo en marcha os cursos de linguaxe inclusiva programados no Plan de Igualdade e desenvoltos no marco da estratexia EDUSI financiada cos Fondos de Desenvolvemento Rexional (FEDER) da Unión Europea e con fondos propios.

Colaboradores