Tag: cristina fernández

A preocupación cidadá ante o desmantelamento paulatino e sistemático do sistema de sanidade pública e a conseguinte desprotección na Atención Primaria é evidente. A medida que nos afastamos dos grandes núcleos urbanos e entramos na Galicia rural, esa preocupación transfórmase en algo máis parecido á crispación ao mirar como o dereito á sanidade digna, recoñecido pola propia Constitución, e vulnerado de xeito continuado.

A alcaldesa, Cristina Fernández Davila, asinou xa a documentación que autoriza o inicio das obras de impermeabilización e reparación dos danos que sufriu o auditorio municipal de Ponteareas tras anos de filtracións e os graves danos causados polos arranxos executados de forma incorrecta no ano 2010 e que obrigaron ao seu peche hai dous anos para garantir a seguridade dos usuarios e usuarias. A previsión é que esta instalación volva estar aberta ao público en primavera.

Os ‘Obradoiros’ da Facultade Ágora remataron hoxe en Ponteareas cun aplauso xeral ao modelo da vila implantado dende a chegada do actual goberno local, que permitiu aumentar a calidade de vida da veciñanza e que gañou, só nos últimos tres anos, 40.000 metros cadrados de espazo público para as persoas retirándollelo aos coches.

O Concello xa ten aberto o prazo de presentación de solicitudes para as subvencións municipais ás comunidades de usuarios de augas de consumo de Ponteareas, unhas axudas ás que destinará 70.000 euros para a mellora das instalacións durante o ano 2022.

Ponteareas vén de dotarse dunha ordenanza reguladora de concesión e de taxa por entrada de vehículos a través de beiravías, beirarrúas, reservas de vía pública, aparcamento exclusivo, parada de vehículos e carga e descarga de mercadorías. Así o aprobou inicialmente o Pleno da Corporación Municipal na sesión celebrada este martes.

O Concello de Ponteareas dá novos pasos para que a transformación da nave de Aceros del Tea nun equipamento sociocultural e de lecer innovador sexa unha realidade. Xa se adxudicou a redacción do proxecto básico e de execución, do informe de eficiencia enerxética e da dirección da obra de rehabilitación destas instalacións industriais situadas no corazón do centro urbano, uns traballos que “suporán profundo cambio en toda a contorna e que permitirán seguir recuperando espazos para as persoas.

O Concello de Ponteareas aprobou inicialmente en pleno a nova ordenanza fiscal reguladora da taxa de apertura de establecementos e de licencias de actividade, un novo regulamento que establecera unhas tarifas “máis xustas e equitativas” ao tempo que permitirá actualizar e modernizar os procedementos vixentes dando resposta ás necesidades presentadas polo comercio local ponteareán.

A literatura de Daniel Asorey caracterízase pola férrea defensa de calquera tipo de víctimas da inxustiza e do abuso.

A alcaldesa de Ponteareas, Cristina Fernández Davila, lamentou a negativa da Xunta de Galicia a pagar ao Concello de Ponteareas a cantidade debida pola xestión da Estación de Autobuses dende 2011. Nun escrito remitido á alcaldesa, a Consellaría de Infraestruturas e Mobilidade alega que as perdas da Estación a pagar se limitan ao período 2011-2016 e se compensan coa ocupación de parte das instalacións por parte de colectivos sociais como Ponte Solidario.

Ponteareas remodelará a Casa do Concello para mellorar a eficiencia enerxética de todo o inmoble, construído en 1898 e catalogado como ben de Patrimonio Cultural. Xa está aberto o proceso de licitación para a primeira fase da rehabilitación enerxética da envolvente térmica e a reforma interior de varios espazos do edificio, o que suporá unha optimización da enerxía consumida e mellorará o confort interior das estancias.

Ponteareas quere dotar aos servizos de Emerxencias e Protección Civil da comarca do parque móbil necesario para poder atender as incidencias que se producen ao longo do ano. Por este motivo, o Concello solicita á Xunta dous novos vehículos que permitan ampliar e renovar a flota actual e “que dous servizos básicos para a veciñanza da nosa vila e da comarca poidan operar coa maior eficacia”, explica a alcaldesa, Cristina Fernández Davila.

O Concello de Ponteareas contará proximamente cun novo parque público que se situará na Avenida Sarmiento Rivera, nas inmediacións do actual aparcadoiro público situado fronte ao cuartel da Garda Civil. O novo espazo de lecer terá 2.775 m2 e será cedido gratuitamente ao Concello como consecuencia da aprobación do Plan Xeral de Ordenación Urbana o pasado mes de decembro.

O Concello continúa a traballar para un desenvolvemento urbano sostible de Ponteareas. A Xunta de Goberno Local vén de aprobar os proxectos da posta en marcha do Centro de Dinamización Empresarial e de ampliación da rede urbana de calor, iniciativas cofinanciadas polo Fondo Europeo de Desenvolvemento Rexional (FEDER) a...

Novos pasos para que a nova depuradora de Ponteareas sexa unha realidade. O consello de administración de ACUAES (Aguas de las Cuencas de España), dependente do Ministerio para la Transición Ecológica y el Reto Demográfico, aprobou este martes os pregos de licitación do contrato para a redacción do proxecto, execución e posta en marcha das obras de mellora e ampliación da estación depuradora da Moscadeira, unha intervención que suporá un investimento total de 14,1 millóns de euros.

Fito histórico para Ponteareas, que acada o maior investimento da súa historia nun equipamento municipal. O Concello, a Xunta de Galicia e o Estado asinaron este venres 28 o convenio de colaboración que permitirá levar a cabo en 2023 as obras de ampliación e reforma da estación depuradora de augas residuais (EDAR) da Moscadeira. Estas obras son imprescindíbeis para solucionar dous graves problemas históricos de Ponteareas, a contaminación do Tea e a falta de saneamento no rural.

O comezo dun novo ano é sempre algo esperanzador. Esperamos que o mellor que nos aconteceu no ano que deixamos atrás, sexa o peor que nos poida pasar no novo que temos diante. No caso de Ponteareas, o 2022 non so marca o iniciou dun ano novo, senón dunha nova etapa ao entrar o municipio do Tea no 'club', case que exclusivo, dos concellos galegos que contan cun Plan Xeral de Ordenación Municipal.

O Concello e a Asociación Avelaíña continúan traballando da man para mellorar a calidade de vida e favorecer a integración social das persoas afectadas. A alcaldesa, Cristina Fernández Davila, e a presidenta da asociación, Mª Fernanda Orduna, renovaron o convenio de colaboración entre ambas entidades por un importe de 5.000 euros que permite apoiar o “Servizo de información e asesoramento en saúde mental para previr a exclusión social”.

A mocidade dos institutos de Ponteareas sumarase este venres ao Correlingua 2021, unha xornada que ten como lema “Inmunízate co galego”, para apelar á defensa do galego fronte ás linguas maioritarias, á cultura dominante, aos prexuízos lingüísticos e á exclusión social.

A alcaldesa de Ponteareas, Cristina Fernández Davila, e o primeiro e a segunda tenente de alcaldesa, Roberto Mera e Chus Garrote, mantiveron un encontro con numerosos colectivos das parroquias de Ponteareas afectadas pola rede viaria do Estado na localidade, así coma cos grupos municipais.

O alumnado con necesidades específicas do CEIP Mestre Ramiro Sabell Mosquera de Ponteareas leva catro anos aprendendo xunto a cans. Con eles e un equipo especializado avanzan no seu percorrido educativo, reforzan a súa autoestima e melloran as súas capacidades físicas e de concentración. Resultados constatados polo Concello e o equipo educativo do centro, e que, en palabras da alcaldesa e concelleira de Educación, Cristina Fernández Davila, mostran que “a terapia con cans é moi exitosa”.

Ponteareas da un paso máis para a protección das mulleres vítimas de violencia de xénero no municipio. O Concello acaba de formalizar na Xunta Local de Seguridade a súa adhesión á rede VioGén, o Sistema de Seguimento Integral dos Casos de Violencia de Xénero, dependente da Secretaría do Estado de Seguridade.

O Concello de Ponteareas amosa a súa satisfacción ante o principio de acordo acadado coa Xunta de Galicia para a reforma e explotación da Estación de Autobuses. Segundo a alcaldesa, Cristina Fernández Davila, “logo de bastantes meses de intensas negociacións, o acordo está encarreirado para acometer no vindeiro ano unha mellora substancial tanto das instalacións como do propio servizo”.

O BNG, a través do seu deputado Luís Bará, denunciou nunha visita ao Centro de saúde de Ponteareas a situación “grave de deterioro e desmantelamento da sanidade pública, especialmente no que afecta á Atención primaria”.

O Concello de Ponteareas presenta o programa das Festas de Setembro para encher de cultura e de lecer a vila durante todo o mes. Máis de 30 propostas culturais e deportivas completarán unha oferta para todos os públicos, en todos os espazos da vila, e adicada a festexar con seguridade e diversión os seus días festivos.

O goberno de Ponteareas (BNG-PSOE) presentou onte ás asociacións e colectivos da vila o proxecto do primeiro Centro Cívico de Ponteareas que ofrecerá máis de 900m2 para servizos de alta demanda e espazos para mocidade, infancia, asociacións e colectivos e para a realización de obradoiros, cursos ou exposicións. “O primeiro edificio público destas características en Ponteareas posibilitará o encontro da cidadanía e apoiará o asociacionismo con espazos versátiles e flexíbeis”, explicou a alcaldesa Cristina Fernández Davila na presentación da reunión.

Dende esta semana é posible obter o certificado COVID e a Chave 365 no Centro de Servizos Sociais de Ponteareas, no número 10 da rúa Oriente en horario de 08.00 a 14.30 horas. O Concello cedeu este espazo á xerencia do Sergas da Área Sanitaria de Vigo para poder ofrecer este servizo aos veciños e veciñas da vila e tamén da comarca.

Ponteareas será un lenzo en branco para os pintores e pintoras galegas esta fin de semana. Un lugar onde inspirarse e descubrir novas creacións artísticas. A vila estrea a primeira edición da mostra PonteArt que organizan a Federación de comercio, hostalaría e servizos de Ponteareas –Banastra– e o Concello, co obxectivo de achegar “a toda a veciñanza ás artes pictóricas”, destaca a alcaldesa, Cristina Fernández Davila.

O BNG, a través do seu deputado Luís Bará, anunciou a presentación no Parlamento Galego dunha serie de iniciativas para que o goberno da Xunta “dea explicacións e poña solución á precaria situación na que se atopa o centro de saúde de Ponteareas”.

Ponteareas, ao igual que os municipios que ven como día a día deteriórase a súa asistencia primaria, conta xa cunha Plataforma en defensa da sanidade pública. E a resposta á continua degradación e empeoramento do servizo de atención primaria no Centro de Saúde do municipio. Defíneses como "plural, apartidista e representativa" e cun obxectivo claro e preciso: "reinvindicar máis medios materiais e sobre todo humanos, para que a veciñanza de Ponteareas poida recibir un servizo asistencial de calidade".

Cristina Fernández Davila é alcaldesa de Ponteareas, cargo que viña desempeñando en funcións dende decembro do 2020 por enfermidade de Xosé Represas e que asume definitivamente tralo seu pasamento. Non é allea ao reto que se lle presenta –Xosé Represas deixou o listón ben alto– pero posúe a vantaxe de ter sido, durante os seis últimos anos, a man dereita do finado alcalde.

O Sergas, debido a falta de persoal facultativo que poda substituír baixas ou vacacións, decidiu interromper todas as consultas ordinarias en horario de tarde no centro de saúde de Ponteareas, e derivar aos pacientes de urxencia ou que xustifiquen que non puideron acudir de mañá ao PAC.

A alcaldesa de Ponteareas, Cristina Fernández, e a presidenta da Asociación Solidariedade Galega co Pobo Saharauí, Maite Isla, asinaron hoxe un convenio de colaboración co que a administración local se compromete a destinar 6.000 euros ao programa 'Axuda alimentaria para a poboación refuxiada Saharauí en Tindouf (Alxeria)', co cal se pretende dar solución á falta de alimentos básicos nos campos de refuxiados desa zona alxerina.

Onte concluíu unha quincena de activades para os máis de 100 cativos e cativas que asistiron ao aos campus de verán do Concello de Ponterareas. A alcaldesa e a responsable da Concellaría de Ensino de Ponteareas, Cristina Fernández, quixo agradecer aos menores o seu bo comportamento cunha entrega de libros, mochilas, e material de debuxo. “Foron moi responsables coas normas sanitarias e merecen un recoñecemento”, destacou.

O Consello Escolar de Ponteareas pechou o curso 2020/21 con balance positivo. A alcaldesa, Cristina Fernández, recoñeceu o bo facer do alumnado e o profesorado durante un ano tan difícil, e destacou as actuacións desenvolvidas dende a concellaría de Educación. Na xuntanza, ademais de analizar todas as actividades desenvolvidas durante o curso, tamén se aproveitou para revisar a nova normativa contra a Covid e iniciar así o curso con total seguridade.

Un proxecto educativo integral no que a innovación, a participación e a implicación de nenas, nenos e docentes son a base principal. É do que desfruta o alumnado do CEIP Santiago de Oliveira, que dende hai anos aposta pola innovación educativa nas súas aulas e que vén de rematar o seu primeiro curso como centro E-Dixgal, un proxecto que lle permitiu incorporar recursos dixitais ao seu día a día nas aulas.

A alcaldesa de Ponteareas, Cristina Fernández Davila, visitou as instalacións que ten en Cristiñade Galinsect, unha empresa ponteareá pioneira na cría de vermes a escala industrial en todas as súas fases. Unha granxa de insectos coa que se busca a cría e comercialización do Tenebrio molitos como fonte de alimentación rica en proteína, natural e de alta calidade para gandaría ou mesmo para abono ecolóxico.

Ponteareas converterase, a lo menos durante uns días, na capital do libro da provincia coa celebración da Feira do Libro que foi presentada, na mañá do xoves 1 de xullo, na Casa do Concello nun acto presidido pola alcaldesa, Cristina Fernández, acompañada por Victoria Alonso, deputada de Cultura; Fernando Groba, concelleiro de Cultura; Carlos Blanco, representante da Federación de Libreiros e Editores de Galicia e o ilustrador e caricaturista Pablo Prado –que o fixo a través de videoconferencia– que será o pregoeiro desta quinta edición da Feira do Libro de Ponteareas.

Ducias de persoas concentráronse este luns 28 diante da Casa do Concello de Ponteareas para conmemorar o Día Internacional do Orgullo, unha xornada que busca reivindicar os dereitos da comunidade LGBTQ+, loitar pola diversidade e denunciar as actitudes homófobas.

O Goberno de Ponteareas vén de dar un novo paso no seu obxectivo de humanizar o centro urbano e cambiar por completo o modelo de mobilidade e uso do espazo público no casco urbano. No marco da Rede Ágora, promovida pola Deputación de Pontevedra, e da súa liña de subvencións convocada recentemente para a redacción de proxectos de humanización, o Concello de Ponteareas aposta por elaborar un proxecto de reforma e mellora urbana das rúas do entorno da Praza de Bugallal.

A Semana das Ciencias de Ponteareas chega, neste mércores, ao seu ecuador. A pandemia, as lóxicas precaucións e medidas de seguridade sanitaria, fixeron que esta edición tivera que reinventarse, literalmente falando, para manter unha iniciativa que logo de cinco anos, é un referente a seguir tanto dentro coma fora de Galicia.