10.4 C
Pontevedra
Xoves, 28 de Marzo de 2024
Máis
    HomeO CondadoPonteareasO Consello Escolar de Ponteareas pecha o curso cun positivo balance

    O Consello Escolar de Ponteareas pecha o curso cun positivo balance

    A alcaldesa, Cristina Fernández, recoñeceu o bo facer do alumnado e o profesorado durante un ano tan difícil

    O Consello Escolar de Ponteareas pechou o curso 2020/21 con balance positivo. A alcaldesa, Cristina Fernández, recoñeceu o bo facer do alumnado e o profesorado durante un ano tan difícil, e destacou as actuacións desenvolvidas dende a concellaría de Educación. Na xuntanza, ademais de analizar todas as actividades desenvolvidas durante o curso, tamén se aproveitou para revisar a nova normativa contra a Covid e iniciar así o curso con total seguridade.

    No Consello destacáronse varias actividades realizadas durante o curso pese as dificultades, e que interesa manter no futuro. Entre elas está a Semana das Ciencias, programa de conferencias, seminarios, e exposición de experimentos nos centros educativos, a actividade Mulleres en Acción, organizada entre o Concello e a Deputación, e o proxecto Flores para as Meninas, un traballo de recadación de fondos en cada centro para doar a unha entidade sen ánimo de lucro, este ano foi AFAGA, no que alumnado desenvolveu varios traballos florais expostos o día do Corpus.

    Un dos proxectos máis destacados é o Entre Nós, un servizo de atención psicolóxica dirixido ao alumnado con problemas educativos en educación secundaria, no que participan cinco centros escolares, tres institutos e dous centros concertados. Se todo vai conforme o planificado, no vindeiro ano subscribirase un convenio coa FANPO para a contratación directa deste servizo.

    No Consello Escolar tamén destacaron a innovadora terapia educativa con cans que se desenvolveu no CEIP Ramiro Sabell Mosquera. Este ano propoñerase a ANPA do colexio un convenio para desenvolver esta actividade co alumnado con necesidades específicas de apoio educativo.

    Ademais o Concello solicitou a Consellería de Educación que se poida facer cargo da xestión destes dous proxectos con “tan bos resultados” en Ponteareas e noutros municipios que o precisen para vindeiros cursos.

    Dende Alcaldía aproveitaron o Consello para anunciar a inversión de máis de 25.000 euros para o mantemento das instalacións e actividades educativas. Fondo que se suma aos 20.000 euros que o Concello destina ás Axudas Municipais para Libros e Material Escolar. Estas bolsas poden ser solicitadas polo alumnado de estudos non obrigatorios e o prazo está aberto ata o próximo 20 de agosto.

    No próximo curso a Aula Matinal de Ponteareas amplíase ao CEIP Feliciano Barrera de Guláns. Tanto neste centro como no CRA A Picaraña hai pouco alumnado anotado, soamente tres alumnos, pero a intención da Alcaldía é apostar plenamente por dotar de servizos ao rural, dando a oportunidade de que se animen máis familias e estes centros manteñan o número mínimo de alumnado exixible.

    Na xuntanza tamén se volveu reiterar o deber da Xunta de Galicia de xestionar directamente o comedor escolar do CEIP Fermín Bouza Brey, un servizo que con 70 persoas usuarias, das 90 autorizadas, e acordouse solicitar ao Goberno autonómico a ampliación das instalación do IES Pedra da Auga.

    Por último, celebrouse a declaración de Ponteareas como Cidade Amiga da Infancia por UNICEF. O próximo outono haberá unha entrega oficial deste recoñecemento, xa de xeito presencial.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.