16.1 C
Pontevedra
Sábado, 18 de Maio de 2024
Máis
    HomeO CondadoPonteareasConcello de Ponteareas, Estado e Xunta asinan o convenio para a ampliación...

    Concello de Ponteareas, Estado e Xunta asinan o convenio para a ampliación e reforma da Depuradora da Moscadeira

    As obras, cun investimento de 11,7 millóns de euros, permitirán solucionar dous graves problemas históricos de Ponteareas, a contaminación do Tea e a falta de saneamento no rural

    Fito histórico para Ponteareas, que acada o maior investimento da súa historia nun equipamento municipal. O Concello, a Xunta de Galicia e o Estado asinaron este venres 28 o convenio de colaboración que permitirá levar a cabo en 2023 as obras de ampliación e reforma da estación depuradora de augas residuais (EDAR) da Moscadeira. Estas obras son imprescindíbeis para solucionar dous graves problemas históricos de Ponteareas, a contaminación do Tea e a falta de saneamento no rural.

    A actual depuradora construíuse en 1995 e polas súas reducidas dimensións veu recibindo dende a súa entrada en funcionamento máis augas residuais das que pode tratar. Esa incapacidade de depuración provoca vertidos habituais ao río Tea e sancións económicas e impide, ademais, que o Concello poda facer novas obras de saneamento, xa que a súa conexión á depuradora provocaría maiores vertidos ao río.

    A alcaldesa de Ponteareas, Cristina Fernández Davila, participou no acto de sinatura celebrado en Santiago de Compostela xunto á Ethel Vázquez, conselleira de Infraestruturas e Mobilidade, e Mª Rosa Cobo, directora de Acuaes (Aguas de las Cuencas de España), dependente do Ministerio para la Transición Ecológica y el Reto Demográfico.

    “Para nós é un momento histórico. O convenio permitirá levar a cabo en 2023 o maior investimento da historia de Ponteareas nun equipamento municipal, case 12 millóns de euros. Como goberno marcámonos como obxectivo recuperar o río Tea e convertelo nun gran espazo natural protexido para o desfrute da veciñanza. E ademais propuxémonos chegar canto antes co saneamento ao 100 % da poboación das parroquias. Este acordo fará realidade esas dúas aspiracións: termos un río excepcional e todas as parroquias con saneamento”, destacou a alcaldesa.

    Fernández Davila lembrou que “as negociacións co Estado para acadar este grande investimento foron iniciadas polo anterior alcalde, Xosé Represas. Tras varios anos de conversas e innumerábeis xestións, o Concello logrou o compromiso doutras dúas administracións, Estado e Xunta, nun exemplo de colaboración institucional e entendemento en beneficio de Ponteareas. Esa capacidade de xestión permitiu que poidamos acometer unha obra cun investimento millonario que nunca estaría ao noso alcance”.

    A alcaldesa tamén salientou o grande esforzo que realizará o Concello e, polo tanto, a veciñanza, ao achegar 3,5 millóns de euros, o 30 % do custo da obra, mentres que o Estado con fondos europeos se fai cargo do 50 % e a Xunta do 20%. Segundo o acordo, a ampliación da depuradora e dos colectores xerais de nova creación que rodearán o centro urbano deberán estar rematados en 2023.

    Ademais da ampliación da EDAR da Moscadeira, o acordo tamén contempla obras de mellora do saneamento, reducindo as filtracións e separando as augas procedentes da choiva que até o de agora aumentaba o caudal que recibía a depuradora. Isto suporá un antes e un despois para o sistema de saneamento ponteareán, deseñado para pouco máis de 10 000 habitantes e que na actualidade recibe o equivalente a 16 000, traballando por riba da súa capacidade.

    A execución destas obras permitirá ampliar a capacidade de tratamento a 20 000 persoas e rematar así con vertidos e sancións e ampliar a rede de saneamento a máis parroquias.

    O Goberno municipal está traballando de xeito paralelo no proxecto de nova depuradora para atender as necesidades de saneamento das parroquias situadas na cunca do río Uma, que non poden empregar a depuradora da Moscadeira.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.