16 C
Pontevedra
Martes, 21 de Maio de 2024
Máis
    HomeO CondadoPonteareasO Concello de Ponteareas agrecede o magnífico comportamento dos nenos e nenas...

    O Concello de Ponteareas agrecede o magnífico comportamento dos nenos e nenas participantes nos campus de verán

    A alcaldesa, Cristina Fernández, premiou aos máis de 100 menores que asistiron durante esta quincena pola súa actitude e responsabilidade coas normas sanitarias

    Onte concluíu unha quincena de activades para os máis de 100 cativos e cativas que asistiron ao aos campus de verán do Concello de Ponterareas. A alcaldesa e a responsable da Concellaría de Ensino de Ponteareas, Cristina Fernández, quixo agradecer aos menores o seu bo comportamento cunha entrega de libros, mochilas, e material de debuxo. “Foron moi responsables coas normas sanitarias e merecen un recoñecemento”, destacou.

    Arredor de 111 nenos e nenas gozaron durante esta quincena dun verán cheo de actividades no Campus Tea e no Verán Rural. A través destes campamentos, o Concello promove actividades lúdicas e didácticas para ofrecer un tempo de lecer de calidade aos máis pequenos e pequenas. Combinando xogo e saídas didácticas con actividades creativas, culturais e de coñecemento, estes campamentos teñen por obxectivo espertar a curiosidade das e dos participantes, ampliar o seu coñecemento sobre a vila e a súa contorna a través dunha pedagoxía de lecer baseada na educación en igualdade, en hábitos de vida saudábeis e no respecto ao medio ambiente.

    Durante o mes de agosto estes xogos continuarán, xa que tanto a primeira como a segunda quincena, teñen máis de 100 menores inscritos, entre o Campus de Tea, que se desenvolve nas instalación do colexio público Nosa Señora dos Remedias e a última quenda do Verán Rural en Angoares.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.