19.7 C
Pontevedra
Sábado, 8 de Outubro de 2022
Máis
    HomeO CondadoPonteareasPonteareas amosa a súa satisfacción polo principio de acordo coa Xunta para...

    Ponteareas amosa a súa satisfacción polo principio de acordo coa Xunta para mellorar a estación de autobuses

    A alcaldesa, Cristina Fernández Davila, destaca que “será moi positivo para os intereses da veciñanza de Ponteareas”

    O Concello de Ponteareas amosa a súa satisfacción ante o principio de acordo acadado coa Xunta de Galicia para a reforma e explotación da Estación de Autobuses. Segundo a alcaldesa, Cristina Fernández Davila, “logo de bastantes meses de intensas negociacións, o acordo está encarreirado para acometer no vindeiro ano unha mellora substancial tanto das instalacións como do propio servizo”.

    A comisión negociadora coa Consellaría de Infraestruturas e Mobilidade estivo formada pola propia rexedora, así como polo primeiro e pola segunda tenente de alcalde, Roberto Mera e Chus Garrote, respectivamente. Nas numerosas reunións e contactos mantidos ao longo do último ano concretouse o proxecto de remodelación do edificio atendendo os intereses municipais e avaliáronse os termos económicos do acordo e a futura xestión do servizo de Estación de Autobuses.

    Cristina Fernández salientou que o acordo a pechar nos vindeiros días “será moi beneficioso para os intereses da veciñanza de Ponteareas”. Por unha banda, a remodelación integral da Estación converterá a súa primeira planta nun novo espazo administrativo do Concello que contará con até once oficinas para servizos municipais e unha sala de xuntas.

    A planta baixa destinada a Estación tamén será reformada e mellorada de maneira substancial. Ao mesmo tempo, a Xunta licitará e adxudicará o servizo de Estación de Autobuses que até agora prestaba o Concello asumindo os custos e o déficit que xeraba, “unha boa nova polo aforro que suporá para as arcas municipais”, como explicou a segunda tenente de alcalde, Chus Garrote.

    A alcaldesa puxo en valor “a capacidade de diálogo e negociación do goberno municipal. Logramos con outra administración, e nunha ardua negociación, un principio de acordo que será moi positivo para Ponteareas e cuxos resultados se verán de inmediato coa mellora do servizo de Estación e con novas instalacións de calidade no mesmo edificio destinadas a outros servizos municipais”.

    COLABORACIÓNS

    Heterodoxos

    A editorial Galaxia vén de sacar do prelo unha nova colección que, baixo a denominación xenérica de «Heterodoxos», pretende darlle voz a autores ou obras que, polas súas peculiaridades, non teñen cabida dentro das coleccións habituais das editoriais.

    Teatro para nen@s

    Sempre fun dos que defenden a valía do teatro como asignatura en todos os niveis da educación. Polas súas evidentes compoñentes pedagóxicas e pola súa capacidade para aprender a expresarnos en público e a empatizar con outros, tan distintos de nós, merecería un espazo de honra no noso curriculo educativo. Por iso non quero deixar pasar o inicio do novo curso escolar sen facer un par de recomendacións de pezas teatrais dirixidas aos máis pequenos da casa.

    Ramón D. Veiga, «Zoom»

    En ocasións, a literatura xorde dun puro divertimento, dun simple xogo que alicerza a escrita e do que o autor ou autora se fai partícipe dende o inicio. Hai exemplos numerosos ao respecto, ás veces concibidos como simples exercicios de estilo, outras, como argalladas transgresoras coas que experimentar un xeito determinado de escribir. O que hoxe traemos a este espazo parece encaixar perfectamente nese prantexamento lúdico.

    ¡Galicia negra!

    En estos últimos días, mejor dicho ya semanas, estamos volviendo a la cruda realidad de ver a nuestra Galicia de nuevo ennegrecida por el humo y por los incendios. No es algo que nos pille de sorpresa, por desgracia ya es algo habitual desde hace muchos años aunque, este año, se ha adelantando en el tiempo, ya que lo que solía ocurrir principalmente a finales de verano, debido a la climatología de este año, ya está sucediendo en estos meses.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    69 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS