16.1 C
Pontevedra
Sábado, 18 de Maio de 2024
Máis
    HomeO CondadoPonteareasPonteareas actualiza a taxa de vaos para non discriminar a pequenos garaxes...

    Ponteareas actualiza a taxa de vaos para non discriminar a pequenos garaxes e pequeno comercio fronte ás grandes superficies

    Ponteareas vén de dotarse dunha ordenanza reguladora de concesión e de taxa por entrada de vehículos a través de beiravías, beirarrúas, reservas de vía pública, aparcamento exclusivo, parada de vehículos e carga e descarga de mercadorías. Así o aprobou inicialmente o Pleno da Corporación Municipal na sesión celebrada este martes.

    A alcaldesa de Ponteareas, Cristina Fernández Davila, explica que “ata o de agora non contabamos cunha normativa específica para vaos. Agora, establecemos esta ordenanza para garantir unha aplicación máis equitativa das taxas, en función da intensidade de uso, de xeito que non se discrimine ao pequeno comercio fronte ás grandes superficies, ou aos pequenos garaxes fronte aos que dispoñen dun gran número de prazas”.

    A nova ordenanza, segundo indica o concelleiro de Facenda, Pancho Alonso, “inclúe unha tarifa reducida dun 20 % a aqueles establecementos que só queiran ter a reserva de espazo público durante o horario laboral. Así mesmo, mantense a dedución do 40% nas vivendas situadas nas aforas da vila ou nas parroquias, así como o prezo da concesión da sinal oficial de vaos”.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.