16.5 C
Pontevedra
Martes, 4 de Outubro de 2022
Máis
    HomeO CondadoPonteareasO Concello destinará 70.000 euros ás subvencións ás comunidades de augas de...

    O Concello destinará 70.000 euros ás subvencións ás comunidades de augas de consumo de Ponteareas

    As axudas permitirán realizar obras nas instalacións ou mellorar os equipamentos, o que redundará nun incremento da calidade do servizo

    O Concello xa ten aberto o prazo de presentación de solicitudes para as subvencións municipais ás comunidades de usuarios de augas de consumo de Ponteareas, unhas axudas ás que destinará 70.000 euros para a mellora das instalacións durante o ano 2022.

    A través destas subvencións en réxime de concorrencia competitiva que se levan adxudicando dende 2018, o goberno municipal busca colaborar coas traídas veciñais “para que realicen investimentos que redunden na melloría do servizo, que sirvan para fomentar o asentamento no rural, para promover o emprego local e para dinamizar o asociacionismo veciñal na nosa vila”, explica a alcaldesa Cristina Fernández Davila.

    As entidades interesadas poden acceder ás bases xunto aos formularios en formato editábel a través da sede electrónica do Concello ou na páxina web. A data límite de presentación é o vindeiro 19 de setembro. Estas axudas, financiadas con fondos propios do Concello, cobren ata o 80% do investimento a realizar cun límite de 18.000 euros por traída.

    Con estas axudas as comunidades de usuarios de augas de consumo poderán financiar a contratación de obras, a adquisición de materiais, a man de obra ou equipamentos asociados a melloras na captación de augas, no sistema de almacenamento e potabilización, na rede de distribución de auga e na renovación das instalacións.

    Esta liña de subvencións é un paso máis no compromiso do goberno municipal coas traídas de augas veciñais para a xestión dun recurso “de vital importancia, por iso debemos colaborar todo o que poidamos coas comunidades, que están a facer un labor fundamental para que a gran maioría da veciñanza rural conte con este servizo básico e prioritario. Por iso non podemos máis que agradecerlles a súa implicación e garantirlles que dende o Concello continuaremos colaborando con elas e con todos os veciños e veciñas no que precisen”, destaca a rexedora.

    COLABORACIÓNS

    Heterodoxos

    A editorial Galaxia vén de sacar do prelo unha nova colección que, baixo a denominación xenérica de «Heterodoxos», pretende darlle voz a autores ou obras que, polas súas peculiaridades, non teñen cabida dentro das coleccións habituais das editoriais.

    Teatro para nen@s

    Sempre fun dos que defenden a valía do teatro como asignatura en todos os niveis da educación. Polas súas evidentes compoñentes pedagóxicas e pola súa capacidade para aprender a expresarnos en público e a empatizar con outros, tan distintos de nós, merecería un espazo de honra no noso curriculo educativo. Por iso non quero deixar pasar o inicio do novo curso escolar sen facer un par de recomendacións de pezas teatrais dirixidas aos máis pequenos da casa.

    Ramón D. Veiga, «Zoom»

    En ocasións, a literatura xorde dun puro divertimento, dun simple xogo que alicerza a escrita e do que o autor ou autora se fai partícipe dende o inicio. Hai exemplos numerosos ao respecto, ás veces concibidos como simples exercicios de estilo, outras, como argalladas transgresoras coas que experimentar un xeito determinado de escribir. O que hoxe traemos a este espazo parece encaixar perfectamente nese prantexamento lúdico.

    ¡Galicia negra!

    En estos últimos días, mejor dicho ya semanas, estamos volviendo a la cruda realidad de ver a nuestra Galicia de nuevo ennegrecida por el humo y por los incendios. No es algo que nos pille de sorpresa, por desgracia ya es algo habitual desde hace muchos años aunque, este año, se ha adelantando en el tiempo, ya que lo que solía ocurrir principalmente a finales de verano, debido a la climatología de este año, ya está sucediendo en estos meses.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    69 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS