Tag: corpus christi

O conselleiro de Cultura, Lingua e Xuventude, José López Campos, participou hoxe nun dos actos do Corpus Christi de Ponteareas, a ofrenda en homenaxe aos alfombristas falecidos, na que é a primeira edición que se celebra como festa declarada Ben de Interese Cultural, tras a súa publicación no Diario Oficial de Galicia o pasado mes de maio.

Persoas usuarias da asociación ADAPTA realizarán no Corpus Christi de Ponteareas unha alfombra de flores solidaria dedicada a impulsar o proxecto da Fundación Miguel Lago de Axuda á Infancia Dominicana, a Escola Taller Palmeritas en la Nieve, un proxecto nado desde o amor e que ten como obxectivo axudar á infancia.

Ponteareas inaugurou oficialmente os actos centrais da celebración do Corpus Christi coa lectura do pregón a cargo do director e compositor Rogelio Groba Otero, que estivo acompañado no acto oficial pola alcaldesa, Nava Castro, polo tenente de alcaldesa, Juan Carlos González e pola deputada provincial Sandra Bastos e o deputado Alejandro Lorenzo. Esta emotiva cita levanta o telón dun completo programa de festas que se prolongará ata o próximo 9 de xuño, tendo a xornada do domingo día 2 como a data máis esperada do programa.

O Concello de Ponteareas lanza a primeira edición do concurso Balcóns Floridos, unha competición na que se valorarán as distintas decoracións florais dos balcóns da vila para incentivar a decoración das vivendas e recibir ao Corpus Christi. O certame xorde como unha iniciativa coa que poder reforzar o lazo entre a veciñanza e os espazos da vila mediante unha ornamentación acorde ás tradicións locais.

O BNG amosou hoxe a súa satisfacción pola aprobación no Consello da Xunta do Decreto polo que se declara Ben de Interese Cultural (BIC) do Patrimonio Inmaterial o Corpus Christi de Ponteareas, solicitado polo goberno local do Bloque no 2017 e que suporá “un novo recoñecemento e unha nova ferramenta para a difusión e a posta en valor da maior obra de arte colectiva do noso pobo”.

O Ministerio de Cultura do Goberno de España, presentou a mediados de marzo, a candidatura de "A tradición da creación de alfombras florais e composicións rituais con materiais naturais" á Unesco na súa sede de Paris, para entrar na lista representativa do Patrimonio Cultural Inmaterial da Humanidade, que será avaliada en 2025.

O Concello presentou o cartel que anuncia a celebración do Corpus Christi para este ano 2024. Trátase dun deseño do ponteareán Sergio de Arcos no que pon en valor o traballo de debullar a flor así como a unión da veciñanza para confeccionar as famosas alfombras da vila. A proposta é a gañadora do concurso que celebrou a administración local.

As persoas que desexen presentar as súas propostas para o concurso que escollerá o cartel do Corpus Christi deste ano dispoñen ata o próximo 8 de febreiro para formalizar a súa solicitude. Deberán entregar os traballos no rexistro de entrada do Concello e para garantir o anonimato, estarán asinados baixo un pseudónimo. O certame está dotado cun premio de 1.000 euros.

Ponteareas prepárase para celebrar o seu Corpus por todo o alto. A uns días de que arranque unha nova edición da festa grande da vila, o Concello aprobou este martes en pleno por unanimidade a concesión das Medallas de Prata do Corpus Christi 2023 aos alfombristas propostos polas entidades de cada tramo.

Ponteareas e A Orotava conmemoran 40 anos de unión, de experiencias e tradicións compartidas no Corpus. A alcaldesa da vila, Cristina Fernández, presidiu a recepción oficial ás delegacións convidadas este ano a participar no Corpus Christi 2023 coas catro décadas de irmandade coa vila tinerfeña moi presente.

Esta fin de semana celebrase a festividade do Corpus na vila da Guarda e dende fai semanas moitas persoas traballan con moito esforzo e dedicación na preparación dos diferentes materiais que se empregarán dende a tarde do sábado e ao longo da madrugada deste domingo para a confección das Alfombras Florais.

O Corpus abre as portas aos 150 anos de historia da Banda de Música Unión de Guláns. O vestíbulo do auditorio municipal Reveriano Soutullo acolle ata o vindeiro luns 12 de xuño unha exposición.

Leva dende os 17 anos vivindo fóra de Ponteareas, pero cada vez que cruza de norte a sur a ponte de Rande sinte que está preto da súa casa. Así o explicaba o catedrático Jorge Sobral, pregoeiro do Corpus Christi 2023, que ante o público que ateigou a sala multiúsos do auditorio municipal foi tecendo a alfombra da súa vida nunha vila na que “música, xogos, tempos lentos, amizades... todo iso é a Ponteareas do meu maxín”.

Ponteareas prepárase para celebrar o seu Corpus por todo o alto. A uns días de que arranque unha nova edición da festa grande da vila, o Concello aprobou este martes en pleno por unanimidade a concesión das Medallas de Prata do Corpus Christi 2023 ás e aos alfombristas propostos polas entidades de cada tramo.

O aeroporto de Peinador conta cunha alfombra de flores para despedir ou recibir a todas e todos os pasaxeiros. A Asociación de Alfombristas confeccionou esta fin de semana no hall do aeroporto vigués unha alfombra floral para continuar coa promoción da festa do Corpus Christi 2023.

Ponteareas xa recende a Corpus. A vila prepárase para celebrar unha nova edición da súa festa grande coas súas tradicionais alfombras florais, con moitas ganas e ilusión e cunha ampla programación na que animación, música, exposicións e recendo a flores serán as grandes protagonistas.

Dende diferentes recunchos de Europa a Ponteareas. A vila prepárase para levar un ano máis as súas alfombras florais ás rúas sumando novas e novos integrantes que achegarán o seu gran de area a esta Festa de Interese Turístico Internacional.

Ponteareas xa ten pregoeiro para o seu Corpus Christi 2023. Será Jorge Sobral Fernández, catedrático en Psicoloxía da Universidade de Santiago de Compostela e un dos maiores expertos en psicoloxía criminal, autor de varios libros e numerosos artigos en publicacións científicas especializadas.

Ponteareas prepárase para celebrar un ano máis o seu Corpus Christi levando a súa festa grande máis alá da vila. Por segundo ano consecutivo, Concello e Asociación de Alfombristas de Ponteareas comezaron unha campaña de promoción para achegar esta festa de Interese Turístico Internacional a Vigo cunha completa exposición no centro comercial Vialia na que a fotografía e a arte efémera camiñan da man.

Ponteareas arranca con forza os preparativos do seu tradicional Corpus Christi. A alcaldesa, Cristina Fernández; a concelleira de Turismo e Promoción Económica, Eva Gil; e o concelleiro de Eventos, Miguel Bouzó, presentaron este xoves xunto ao ilustrador Pablo Prado o cartel que será a imaxe dunha nova edición desta festa tradicional.

O Corpus Christi de Ponteareas quentou motores esta fin de semana coa presentación do novo libro de Esther Sestelo Longueira, Clara e o seu diario, nunha experiencia marabillosa, un acto que tivo unha grande acollida por parte do público, que se achegou ata a sala multiúsos do auditorio municipal para gozar desta obra que enxalza a festividade do Corpus e as súas alfombras florais.

O Corpus Christi de Ponteareas segue estando moi presente na literatura. A musicóloga e historiadora Esther Sestelo Longueira, pregoeira do Corpus o pasado ano, presentará na vila o seu novo libro, unha novela de literatura infantil e xuvenil na que a autora a través da súa personaxe principal, Clara, divulga e enxalza a festividade do Corpus Christi de Ponteareas e as súas alfombras florais.

A alcaldesa Cristina Fernández daba comezo ao acto de presentación do documental ‘As mans do Corpus’, unha peza audiovisual que amosa “cunha gran sensibilidade o sentir de todas e todos os ponteareáns” por esta festa histórica.

A alcaldesa de Ponteareas, Cristina Fernández Davila, reuníuse esta mañá coa directora xeral do Patrimonio Cultural da Consellaría de Cultura, María del Carmen Martínez Insua, para coñecer as previsións da Xunta en relación coa declaración das alfombras do Corpus Christi ponteareán como Ben de Interese Cultural Inmaterial, solicitada polo Concello no ano 2017.

Esta fin de semana celebrase a festividade do Corpus na vila da Guarda e dende fai semanas moitas persoas traballan con moito esforzo e dedicación na preparación dos diferentes materiais que se empregarán na madrugada deste domingo para a confección das Alfombras Florais.

A Asociación de Alfombristas do Corpus Christi de Ponteareas foi convidada polo Concello de Sevilla para participar na procesión do Corpus Christi 2022, onde fará unha particular ofrenda floral, elaborando unha alfombra de flores, con motivo da Celebración da Festividade da, como as que se fan en Ponteareas con motivo da festa do Corpus Christi.

Ponteareas porá fin en poucas semanas ás obras de renovación do seu alumeado público, a través do que se substituíron as luminarias públicas nas parroquias e no centro urbano por tecnoloxía LED e telexestión, o que permitirá un maior aforro enerxético, mellorar a seguridade cidadá e axustar a iluminación ás necesidades da vila.

Ponteareas xa ole a Corpus. A vila prepárase para volver celebrar a súa festa grande con total normalidade, coas súas alfombras florais ao 100 %, moita ilusión e unha ampla programación na que música, actividades e recendo a flores serán as grandes protagonistas.

Ponteareas quere achegar a arte efémera do seu Corpus Christi 2022 a todas as persoas, eliminando calquera barreira e convertendo esta Festa de Interese Turístico Internacional nun encontro o máis accesible posible.

Coa celebración do Corpus Christi ás portas, o Concello en colaboración coa Asociación de Alfombristas de Ponteareas comeza unha campaña de promoción para achegar esta Festa de Interese Turístico Internacional máis alá da vila.

Ponteareas continúa preparando todo para un Corpus Christi que volve á normalidade. A apenas dúas semanas da celebración máis grande da vila, o Concello aprobou por unanimidade en pleno a concesión das medallas de prata do Corpus 2022.

As rúas de Ponteareas convértense dende este sábado en Museo do Corpus a ceo aberto, o primeiro de Galicia. Grazas ás novas tecnoloxías, veciñanza e turistas poderán gozar da arte efémera de xeito sinxelo e inmersivo en calquera momento do día os 365 días ao ano. “Contamos xa coa ferramenta que nos permite poñer en valor a hora historia e cultura floral, a nosa maior obra de arte colectiva, e continuaremos a partir de hoxe incrementando o seu contido con todo tipo de materiais.

O Concello de Ponteareas continúa a traballar para poder gozar das alfombras florais do Corpus durante todo o ano.

Ponteareas celebra este ano o seu Corpus de xeito comedido, seguro e íntimo. A vila prepárase xa para esta Festa de Interese Turístico Internacional que, dada a situación sanitaria, incluirá actividades exclusivas para a súa veciñanza e retransmisións en directo a través das redes sociais do Concello para o resto da poboación.

Maite Isla, natural de Mondariz pero veciña de Ponteareas dende a infancia, será a pregoeira do Corpus 2021 de Ponteareas. A pregoeira garda unha gran relación co Corpus ponteareán, grazas á súa colaboración coa festividade e á súa labor como alfombrista en distintos tramos alfombrados ao longo da súa vida.

As e os alfombristas de Gondomar celebraron hoxe a festividade do Corpus Christi logo de decidir o párroco o atraso da mesma dúas semanas da data inicialmente prevista no calendario litúrxico.

A crise sanitaria provocada pola COVID-19, o confinamento e as fases medidas de desescalada que se están a desenvolver, fan que celebracións senlleiras téñanse que reinventar. O Corpus Christi de Ponteareas, declarado Festa de Interese Turístico Internacional é un bo exemplo.

A concellería de Eventos, que dirixe a tenenta de alcalde Cristina Fernández, convida a toda a veciñanza a adornar os seus balcóns e ventás nesta semana de Corpus na que serán moitos os medios de comunicación que comezan a achegarse para recoller o ambiente da vila de maior tradición de arte floral.

A imposibilidade de celebrar a Festa do Corpus Christi como tradicionalmente se viña facendo polas restricións provocadas pola pandemia da COVID-19, non impedirá que Ponteareas teña a súa festa grande. Así que a máis emblemática festa ponteareá se reinventará para, tal e como anunciou o alcalde de Ponteareas, Xosé Represas, converterse nunha recreación virtual na que " as novas tecnoloxías e canles de comunicación serán a ferramenta para continuar co legado herdado dos e das nosas maiores".