16.6 C
Pontevedra
Venres, 14 de Xuño de 2024
Máis
    HomeO CondadoPonteareasA Asociación Adapta confecciona unha alfombra solidaria de axuda á infancia no...

    A Asociación Adapta confecciona unha alfombra solidaria de axuda á infancia no Corpus de Ponteareas

    Persoas usuarias da asociación ADAPTA realiza no Corpus Christi de Ponteareas unha alfombra de flores solidaria dedicada a impulsar o proxecto da Fundación Miguel Lago de Axuda á Infancia Dominicana, a Escola Taller Palmeritas en la Nieve, un proxecto nado desde o amor e que ten como obxectivo axudar á infancia.

    É un marabilloso proxecto “nun barrio moi necesitado de axuda, na provincia de San Pedro de Macorís”, explican. A Fundación Miguel Lago de Axuda á Infancia Dominicana acolle agora mesmo a 36 nenos de entre 3 e 8 anos en situación de extrema vulnerabilidade co obxectivo de alfabetizalos, ensinarlles operacións matemáticas básicas e garantirlles unha comida ao día.

    O domingo dia 2 de Xuño e antes do paso da procesión contarase coa presenza do cónsul da República Dominicana na Coruña, Emilio Vicente Pérez Fontal, para agradecer o traballo realizado pola asociación ADAPTA. Tamén espérase a asistencia de Miguel Lago, presidente da Fundación, que tentará chegar ese mesmo día desde Madrid.

    ADAPTA é unha asociación sen ánimo de lucro e a súa misión é conseguir a plena inclusión das persoas con discapacidade en todos os ámbitos da sociedade, a través da defensa e promoción dos seus dereitos, da reivindicación do cambio social e da prestación de servizos que satisfagan as súas necesidades e expectativas.
    Ten como visión unha entidade consolidada e amplamente recoñecida pola sociedade en xeral, polos seus valores, compromiso e liderado nas metodoloxías de traballo e na procura da excelencia nas actuacións dirixidas ao grupo social de persoas con discapacidade. ADAPTA tamén contempla a colaboración, orientación e coordinación con outras asociacións, entidades ou organismos oficiais. Este proxecto de alfombra que realizarán os usuari@s de ADAPTA englóbase na colaboración con outras fundacións para dar visibilidade ao seu traballo.
    Desde a Asociación de Alfombristas Do Corpus Christi de Ponteareas, queremos agradecer ao os usuari@s e xerentes de ADAPTA a súa colaboración neste proxecto e o poder facer posible esta alfombra de flores cun claro significado social que traspasa continentes.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.