16 C
Pontevedra
Domingo, 14 de Xullo de 2024
Máis
    HomeO CondadoPonteareasGrande acollida do libro de Esther Sestelo, no que enxalza o Corpus...

    Grande acollida do libro de Esther Sestelo, no que enxalza o Corpus de Ponteareas e as súas alfombras florais

    O Corpus Christi de Ponteareas quentou motores esta fin de semana coa presentación do novo libro de Esther Sestelo Longueira, Clara e o seu diario, nunha experiencia marabillosa, un acto que tivo unha grande acollida por parte do público, que se achegou ata a sala multiúsos do auditorio municipal para gozar desta obra que enxalza a festividade do Corpus e as súas alfombras florais.

    “Para nós é un luxo contar cunha embaixadora tan comprometida coa difusión da nosa festa, unha arte efémera que xa é un dos sinais de identidade de Ponteareas no mundo”, destacou durante a presentación a alcaldesa, Cristina Fernández.

    Pregoeira do Corpus no ano 2022, a musicóloga e historiadora achegou ao público detalles desta novela de literatura infantil e xuvenil na que Sestelo debulla para os lectores e lectoras a experiencia de vivir o Corpus a través da visión da súa personaxe principal, Clara. Trátase dun libro en edición bilingüe castelán galego publicado pola editorial Belagua, a cuarta aventura da serie ‘Clara e o seu diario’, co que a protagonista volve contar historias a través do seu diario falado.

    “A través dos ollos de Clara convido ás persoas lectoras a vivir intensamente unha festividade moi especial para todas as ponteareás e ponteareáns, uns días únicos e inesquecíbeis, de plena cor e xenerosidade, que no libro marca a personalidade e sensibilidade da protagonista”, explicou a autora.

    Ademais de escritora, Esther Sestelo Longueira é doutora, musicóloga e historiadora en Ciencias da Música, catedrática de conservatorio, profesora de universidade e académica. Sestelo cedeu os dereitos de autoría do libro para colaborar coas necesidades escolares e culturais das nenas e nenos de Ponteareas.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.