As e os alfombristas de Gondomar celebraron hoxe a festividade do Corpus Christi logo de decidir o párroco o atraso da mesma dúas semanas da data inicialmente prevista no calendario litúrxico.
Os e as alfombristas elaboraron dúas fermosas alfombras. Unha no atrio da igrexa con motivos sobre a pandemia que estamos a padecer e outra na Praza do Concello, onde se pon o altar dende que o cura párroco realiza a bendición a todo o concello de Gondomar.
A alfombra tiña como motivo central o escudo da comisión xestora de Entidades Alfombristas do Camiño de Santiago que os alfombristas de Gondomar, membros fundadores da mesma, quixeron reproducir no tapiz floral.
Os e as alfombristas de Gondomar son membros fundadores da Comisión Xestora de Entidades Alfombristas e que o ano que ven preparan o maior evento alfombrista a escala mundial.
A día de hoxe, esta organización de alcance muncial, conta xa con case 200 cidades repartidas por 23 países a pouco menos de de un ano da súa fundación o 16 de xullo de 2019. Constitúe todo un éxito xa que é a maior organización mundial de alfombristas que engloba a tal cantidade de artistas en todo o mundo.