16.6 C
Pontevedra
Venres, 14 de Xuño de 2024
Máis
    HomeO CondadoPonteareasO Pregón de Rogelio Groba Otero inaugura as primeiras festas de Corpus...

    O Pregón de Rogelio Groba Otero inaugura as primeiras festas de Corpus Christi declaradas Ben de Interese Cultural

    O pregoeiro estivo acompañado pola alcaldesa, Nava Castro, polo tenente de alcaldesa, Juan Carlos González, e polos deputados provinciais Sandra Bastos e Alejandro Lorenzo

    Ponteareas inaugurou oficialmente os actos centrais da celebración do Corpus Christi coa lectura do pregón a cargo do director e compositor Rogelio Groba Otero, que estivo acompañado no acto oficial pola alcaldesa, Nava Castro, polo tenente de alcaldesa, Juan Carlos González e pola deputada provincial Sandra Bastos e o deputado Alejandro Lorenzo. Esta emotiva cita levanta o telón dun completo programa de festas que se prolongará ata o próximo 9 de xuño, tendo a xornada do domingo día 2 como a data máis esperada do programa.

    A edición de 2024 desta Festa de interese turístico internacional pasará á historia como a primeira na que tamén é recoñecida como Ben de Interese Cultural, o que aumenta aínda máis o seu atractivo turístico e a súa repercusión tanto dentro como fóra de Galicia.

    Rogelio Groba Otero, o pregoeiro desta edición tan especial do Corpus Christi de Ponteareas, dirixiu despois da súa lectura á Orquestra de Cámara de Galicia, agrupación na que leva 25 anos á batuta, nun emotivo concerto na casa do Concello. Ademais, nesta primeira xornada central de festexos quedou inaugurada a exposición “Corpus en Flor” no Auditorio Reveriano Soutullo.

    A alcaldesa, Nava Castro, adicou palabras de agarimo ao protagonista do acto ao salientar que “Rogelio procede dunha familia intimamente ligada ao mundo da música, dun xeito excepcional. Estamos moi orgullosos de poder compartir este momento contigo, Rogelio, que ademais levas o nome de Ponteareas por bandeira. Tanto orgullo se percibe sempre en ti pola túa vila, como o que nós sentimos con cada un dos pasos que das na túa carreira”. Na mesma liña, Juan Carlos González, destacou que “contar cun referente coma ti na vila é un orgullo para Ponteareas”.

    Como colofón a esta xornada, o Concello inaugurou un videomaping conmemorativo do Corpus Christi, que será visible sobre a fachada do propio edificio consistorial nas noites dos venres e dos sábados, en horario de 22:30h a 02:00h. Ademais, a noite do Corpus haberá unha proxección ampliada, que arrancará á mesma hora (22:30h) e se prolongará ata as 06:00 horas.

    Un completo programa de actividades para todos os públicos

    O Corpus Christi 2024 en Ponteareas presenta un amplo e diversificado programa de actividades para todos os públicos, pensado tanto para os veciños e veciñas da vila como para o turismo que tradicionalmente ven a vivir esta festa única.

    Os actos comezaron xa o pasado 11 de maio coa apertura dos portais alfombristas e continuarán ata o domingo 9 de xuño coa Oitava do Corpus Christi. Ata entón, máis de dúas semanas de festexos con música, xogos populares, confección de alfombras, entrega de medallas, concurso de balcóns floridos, actividades deportivas e relixiosas, e sobre todo, a xornada grande do domingo 2 de xuño con desfile de carrozas, batalla de flores e fogos artificiais entre outros moitos contidos.

    O programa completo para as festas está dispoñible na páxina web do Concello de Pontereas: www.ponteareas.gal

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.