7.9 C
Pontevedra
Venres, 29 de Marzo de 2024
Máis
    HomeO CondadoPonteareasPonteareas inicia a promoción dun dos seus Corpus máis especiais e agardados...

    Ponteareas inicia a promoción dun dos seus Corpus máis especiais e agardados en Silleda e Vigo

    Concello e Asociación de Alfombristas do Corpus Christi promocionan na Semana Verde de Silleda esta Festa de Interese Turístico Internacional

    Coa celebración do Corpus Christi ás portas, o Concello en colaboración coa Asociación de Alfombristas de Ponteareas comeza unha campaña de promoción para achegar esta Festa de Interese Turístico Internacional máis alá da vila. O pistoletazo de saída foi este mesmo xoves 2 de xuño coa participación na Feira Internacional Abanca Semana Verde de Silleda, onde o Concello porá a disposición dos e das visitantes un stand informativo no que durante catro días persoal experto achegará información turística tanto do Corpus como de Ponteareas en xeral.

    Para acompañar este stand, a Asociación de Alfombristas do Corpus Christi realizaron unha das súas creacións de arte floral efémera co Camiño de Santiago como progatonista. A alfombra poderá ser visitada polo público durante os catro días que durará a feira.

    “Queremos que o público que aínda non coñeza a nosa vila e o Corpus descubra todo o que podemos ofrecer en Ponteareas. E animamos a todo o mundo a compartir con nós a nosa festa grande nesta volta á normalidade tras dous anos de pandemia, a volta a días de traballo, de goce e de arrecendo a flores que vivimos con intensidade”, explica a alcaldesa, Cristina Fernández Davila.

    A campaña continuará esta fin de semana no centro comercial Vialia de Vigo, onde a Asociación de Alfombristas do Corpus Christi de Ponteareas creará este sábado 4 de xuño unha nova peza de seis metros de diámetro preto da entrada principal. As e os alfombristas empregarán materiais secos, buganvílea, tuia verde moída e outros materiais para crear unha alfombra que perdure ata o vindeiro 20 de xuño. Esta arte efémera irá acompañada da exposición ‘O Corpus no tempo’, unha mostra fotográfica que recolle 20 imaxes con alfombras dos diferentes tramos.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.