A Asociación de Alfombristas do Corpus Christi de Ponteareas foi convidada polo Concello de Sevilla para participar na procesión do Corpus Christi 2022, onde fará unha particular ofrenda floral, elaborando unha alfombra de flores, con motivo da Celebración da Festividade da, como as que se fan en Ponteareas con motivo da festa do Corpus Christi.
A alfombra reproduce a bóveda de crucería da Catedral de Sevilla que será realizada con flores e elementos vexetais. Este manto floral instalarase na Praza de San Francisco para que o Santísimo pase por encima, como ocorre coas alfombras que se fan en Ponteareas para o paso da procesión, tamén, do Corpus Christi.
Un equipo de vinte alfombristas de Ponteareas desprazarase a Sevilla para a confección desta ofrenda floral. Os traballos de elaboración comezan co plasmado do debuxo no chan, logo realízase o perfilado. A continuación do perfilado, e tras un traballo previo de esfolle, énchense os ocos con caraveis, e diversos elementos vexetais como a túa verde e marrón, breixo negro, cáscaa de piñeiro ou a cascase de arroz.
A vila de Ponteareas, no sur da Provincia de Pontevedra, alcanzou especial renome pola celebración da festividade de Corpus Christi, onde os veciños confeccionan artísticas alfombras de flores naturais para o paso da procesión do Santísimo Sacramento.
Trátase dunha obra colectiva que expresa a cultura popular das xentes de Ponteareas que, ao longo de douscentos anos, souberon conservar e promover esta celebración, recoñecida como “Festa de Interese Turístico Internacional”. É pois a festa do Corpus Christi a máis representativa de Ponteareas. Esta confección das alfombras florais serviulle a Ponteareas para ser coñecida como “A Vila do Corpus”. Pola súa historia e tradición secular Ponteareas é “o berce do alfombrismo español”.
