Chega a vindeira fin de semana "A HERDANZA", última película do Grupo San Roquiño de Goián.

Este domingo 20 celébrase na Praia de Patos a primeira proba da liga Galega de Surf Junior e Grom na que competirán as categorías Sub 10 mixto, Sub 12/14 masculino e feminino.

O mércores 16 de marzo presentouse ante os medios de comunicación a regata XXI Bandeira Concello da Guarda - Memorial Antonino Torrón, acto ao que asistiron Antonio Lomba Baz, alcalde da Guarda; Montserrat Magallanes, concelleira de Deportes; Fernando Rodríguez Freitas, representante da Xunta Directiva do Clube de Remo Robaleira e Jesús Manuel Pérez Martínez, representante de ORPAGU - patrocinador principal do Clube de Remo Robaleira.

Visibilizar a importancia da ciencia no noso día a día e conectar á cidadanía ponteareá coa ciencia é o obxectivo da Semana das Ciencias, así o resume a alcaldesa e concelleira de Ensino, Cristina Fernández Davila, que dende hai seis anos organiza e desenvolve esta exitosa programación.

Onte deron comezo as obras de saneamento e acondicionamento da Fonte de San Sebastián, que permanece sen subministro tras detectarse contaminación na súa auga.

A Xunta garantirá o correcto funcionamento da estación de autobuses de Ponteareas. A Consellería de Infraestruturas e Mobilidade adxudicou en febreiro o contrato para a explotación das estacións de autobuses de Cambados, Cangas, Ponteareas e Vigo para os vindeiros 5 anos, por un valor estimado de máis de 2,4 millóns de euros (sen IVE).

O Concello de Redondela, a través da Concellería de Medio Ambiente que xestiona Alberto Álvarez, vén de sumarse á celebración do Día Mundial da Auga que se conmemora o vindeiro 22 de marzo como recordatorio da importancia que ten e auga no ciclo da vida e, por ese motivo, contribuír a mantela fora de calquera fonte de contaminación.

O Concello de Salvaterra de Miño vén de recibir un novo camión de lixo, adquirido polo municipio por máis de 140.000 € e financiado a través do Plan Concellos 2021 da Deputación de Pontevedra.

Todo está listo para a gran noite do turismo galego. A Gala Provincial de Turismo da Deputación encherá este próximo xoves de cor, son e imaxe o Auditorio Mar de Vigo cun grande espectáculo audiovisual cheo de sorpresas.

O Concello de Nigrán ven de facer realidade a proposta do pintor Rafel Jiménez Ambel para homenaxear aos bombeiros do GES Val Miñor cun mural alusivo á loita contra os incendios de 2017 en Chandebrito.

Os xardíns da Estación Fitopatolóxica de Areeiro agochan tesouros de gran valor científico, medioambiental e patrimonial dos que centos de persoas desfrutan acotío da man da “Ruta da Ciencia Areeiro”. Tal é o éxito destas visitas impulsadas pola Deputación e que xa realizaron máis de 400 persoas, que as e os deputados provinciais Ana Laura Iglesias, Noemí Outeda, Raquel Giráldez, Manuel González, Gorka Gómez e Gregorio Agís non quixeron perder a ocasión de realizar dunha destas rutas coas que a Estación acadou o certificación Observer como destino de turismo científico.

A parlamentaria socialista Leticia Gallego presentou onte en Mos unha batería de iniciativas parlamentarias para que a Xunta explique a previsión de execución do polígono industrial da Arrufana, situado en Louredo, no Concello de Mos.

O Concello de Ponteareas apoia e felicita a ‘Iniciativa polo audiovisual galego’, impulsada pola Mesa de Normalización Lingüística, co obxectivo de buscar a igualdade para o galego na dobraxe, audiodescricións e financiamento de produción.

Borja Cachaldora, de 29 anos de idade é o novo axente da Policía Municipal de As Neves. Incorouse ao seu posto a semana pasada, logo de competar os 6 meses de adestramento regulamentario, a metade deles en Ponteareas e os outros tres na Academia Galega de Seguridade Pública (AGASP) na Estrada.

Ponteareas converterase este 18 de marzo en escenario dunha nova cita co 8º festival cultural Convergências Portugal-Galicia, que achega á vila dúas propostas de artistas de ambos lados do río Miño para que a veciñanza poida gozar das súas interesantes creacións.

Sarabela Teatro presenta este venres, 18 de marzo, ás 21 h no Teatro Municipal, 'A Lingua das Bolboretas', unha montaxe pola que recibiron catro Premios María Casares 2021 ao Mellor Espectáculo, dirección (Gonçalo Guerreiro), actor secundario (Fran Lareu) e adaptación-tradución (Fernando Dacosta e Gonçalo Guerreiro). Gonçalo Guerreiro é o responsable...

A Deputación de Pontevedra dará este próximo venres, 18 de marzo, o pistoletazo de saída á exposición itinerante 'Camiños do Sur', que impulsa no marco do proxecto europeo 'Camiños Xacobeos do Oeste Peninsular', para valorizar o patrimonio natural e cultural das vías transfronteirizas que descorren pola provincia cara Compostela, en concreto o Camiño Portugués e o Camiño Portugués pola Costa.

O vindeiro sábado, 19 de marzo, e o domingo, día 20, o Multiusos Mercado de Sabarís acollerá o I Festival Poético do Concello de Baiona 'Baiverso' un evento no que se combinan a poesía e a música nunha actividade que forma parte da ampla e variada oferta cultural que vén de poñer en marcha o Concello de Baiona a través da Concellería de Cultura que xestiona Miriam Costas.

Durante toda a pasada semana PSOE e BNG mantiveron diversas reunións de traballo a fin de acadar un acordo sobre os orzamentos municipais para este ano 2022. ven de reunirse durante a semana pasada co BNG para pechar un acordo satisfatorio sobre os orzamentos municipais do ano en curso.

Coñecedores da importancia económica e turística do ferri entre A Guarda e Caminha, neste ano xacobeo 2022, os socialistas esixen á Xunta que sexa responsable das súas competencias e repare a infraestrutura portuaria de atraque do transbordador. Representantes do Grupo Municipal Socialista da Guarda presentaron no rexistro municipal unha moción para que sexa debatida no próximo pleno ordinario do mes de marzo.

O GDR Condado Paradanta vén de publicar as bases do novo certame “Visións do territorio: III concurso artístico do Condado Paradanta”, que nesta nova edición contará con catro categorías, fotografía, vídeo, pintura e deseño gráfico.

A Concellería de Participación Cidadá organiza, dentro do programa municipal ‘Ocio en Familia’, unha actividade que se realizará o domingo 20 de marzo en conmemoración do Día Internacional da Síndrome de Down que terá lugar ao día seguinte.

O Concello de Nigrán ven de investir 9.595 € na renovación da pista multideportes situada na Alameda de A Ramallosa.

O Concello do Porriño vén de dar o primeiro paso para implantar o programa de atención temperá no municipio. Estase a falar dun servizo moi demandando no Porriño consistente nun conxunto de intervencións dirixidas á poboación infantil (ata 6 anos) e á súas familias.

O alcalde da Cañiza, Luis Piña, anunciou onte pola mañá que o parque móvil municipal dispón xa dun cuarto brazo desbrozador para o mantemento dos viais e camiños públicos.

O pasado sábado 12 de marzo, a parroquia pontareán de Xinzo acolleu o III Festival de Bandas Infantís despois de tres anos sen poder celebralo debido á pandemia.

A tarde de onte tivo lugar no Multiusos das Pozas a recepción ao Club Tenis de Mesa Mos polos resultados obtidos no Torneo de Lamego – Portugal e no Torneo Estatal da Categoría de Discapacidade que se celebrou en Santander.

O Concello de Ponteareas está a reparar as deficiencias históricas na rede de saneamento da Avenida de Castelao no cruce coa rúa San Roque, onde a rotura das actuais tubaxes e a insuficiencia de dimensión para acoller o caudal necesario provocaban “graves problemas para a saúde pública polas verteduras de augas fecais á rúa, ao terreo e ao soto de edificios lindeiros”, como salienta a alcaldesa, Cristina Fernández Davila.

Está xa habilitado na web municipal do Concello de Tui un formulario para que a veciñanza poida ofrecer a súa axuda á poboación ucraína.

O Concello de Baiona ilumina a súa fachada de cor amarela con motivo da celebración do Día Mundial da Endometriosis.

A Deputación de Pontevedra segue a avanzar para retomar dous dos programas sociais con maior participación da cidadanía, “En Ruta coa Depo” e “Depotermal”, que neste 2022 volven despois dun parón de dous anos debido á pandemia.

O Concello de Tomiño vén de recuperar a antiga ponte medieval situada entre as parroquias de San Salvador de Piñeiro e San Salvador de Sobrada, construída sobre o río Furnia.

Os empresarios da Granxa veñen facer unha doazón de produtos ao banco de alimentos municipal SOS Porriño, amosando a súa disposición a traballar da man do Concello para axudar ás persoas que o necesitan.

A Deputación de Pontevedra, a través de SmartPeme, oferta esta semana tres novas accións formativas impartidas de xeito online, enmarcadas na carteira de obradoiros que se imparten de forma telemática.

As actividades programadas polo Día Internacional da Muller, polo Concello da Guarda, estenderanse ao mes de abril de 2022, deste xeito o sábado día 2 de abril ás 17:00h, terá lugar o ESCAPE ROOM de Igualdade, polas rúas da Guarda, dirixido a público familiar.

O Concello de Covelo dá un paso máis na mellora das infraestruturas e servizos municipais de uso público coa execución do proxecto “Mellora das instalacións do cemiterio de Piñeiro”.

A Deputación de Pontevedra pon en marcha a nova convocatoria dos Premios Provinciais á Xuventude e o Concurso Reacción polo Clima, que buscan estimular e promover o talento da mocidade da provincia no ámbito sociocultural e amosar as súas reivindicacións no eido da loita contra o cambio climático respectivamente.

O Concello de Nigrán investirá 12.000 € nun novidoso proxecto concedido pola Fundación Española de Ciencia e Tecnoloxía (FECYT) - Ministerio de Ciencia, Innovación y Universidades consistente en crear 'microrreservas piloto' na zona de dunas de Praia América (cara a Lourido) .

A Deputación vén de sacar a licitación as obras de mellora da seguridade viaria en na EP-2502 Cerquido-Ribadelouro, en Tui, cuxo orzamento ascende a case medio millón de euros (468.243 €) que serán financiados pola institución provincial nun 70 % (327.770 €) e o Concello asumirá o 30% restante (140.473 €).

No verán de 2015, Arantza Portabales daba os seus primeiros pasos como escritora, cando menos publicamente, traendo debaixo do brazo o premio de novela por entregas organizado por un xornal galego. As bases para acadar aquel galardón eran moi estritas en canto a extensión e división en capítulos, o que condicionaba en estremo a estrutura e desenvolvemento da narración.