14 C
Pontevedra
Luns, 23 de Maio de 2022
Máis
    HomeÉ NoticiaA «Ruta da Ciencia Areeiro» encandila ao público con visitas guiadas que...

    A «Ruta da Ciencia Areeiro» encandila ao público con visitas guiadas que amosan o valor da estación

    Deputadas e deputados provinciais visitaron a EFA para coñecer de preto a colección de camelias, o Xardín de Pedro Mansilla ou a plantación de té a través dunha ruta distinguida co selo Observer de Turismo Científico

    Os xardíns da Estación Fitopatolóxica de Areeiro agochan tesouros de gran valor científico, medioambiental e patrimonial dos que centos de persoas desfrutan acotío da man da “Ruta da Ciencia Areeiro”. Tal é o éxito destas visitas impulsadas pola Deputación e que xa realizaron máis de 400 persoas, que as e os deputados provinciais Ana Laura Iglesias, Noemí Outeda, Raquel Giráldez, Manuel González, Gorka Gómez e Gregorio Agís non quixeron perder a ocasión de realizar dunha destas rutas coas que a Estación acadou o certificación Observer como destino de turismo científico, un fito que xa no 2020 lograra o Castelo de Soutomaior. Ao seu carón estiveron Maite Vence, a directora de Observer, e Carmen Salinero, xefa do servizo da EFA, quen fixo un repaso pola historia do centro e amosoulles as principais liñas de investigación nas diferentes áreas e seccións así como os servizos públicos dispoñibles.

    Así, coñeceron de preto a colección de camelias, que conta con máis de 1.200 cultivares e 80 especies, a plantación de kiwis e o Xardín de Pedro Mansilla, onde nace un manancial que discorre canalizado e chega a un estanque no que medran diversas plantas acuáticas. Tamén percorreron o xardín de camelias figo, onde puideron desfrutar da colección máis grande deste tipo de camelias que existe no mundo fóra de Xapón, as plantacións de té, feixoas e de distintas especies de camelia. A visita tamén pasou polo xardín de aromáticas e polos laboratorios de fitopatoloxía nos que se levan a cabo investigacións que son parte fundamental dos labores que se desenvolven na Estación. A ruta rematou cunha degustación de té verde, un produto obtido a partir da camelia e elaborado en Areeiro.

    A “Ruta da Ciencia Areeiro” busca achegar a Estación ao maior número de persoas a través de dous formatos. O primeiro deles está dirixido ao público en xeral e ás familias e conta con itinerarios diferenciados para o público adulto e infantil, dos que xa gozou o alumnado de centros como o CEIP Ardán (Marín) e o CEIP da Torre Cela (Bueu). O segundo itinerario está pensado para profesionais do eido científico e chega a adentarse nos laboratorios da Estación, tal e como fixeron alumnas e alumnos da Escola de Enxeñería técnica Forestal de Pontevedra ou da Escola Superior Agraria de Ponte de Lima. As persoas que desexen participar nunha destas visitas tan só teñen que realizar unha reserva no sitio web de Observer (www.observersciencetourism.com).

    COLABORACIÓNS

    Diego Giráldez, «O meu sangue»

    Diego Giráldez regresa cunha novela bastante peculiar, que ben poderiamos considerar unha parodia do xénero negro levada a tal extremo que a piques está de se converter en si mesma nunha novela negra.

    ¡El mago de la electrónica, ha muerto!

    El personaje de la portada, es probable que a muchos lectores no le suene, quizás algunos al ver los cachibaches que está utilizando, se puedan hacer una pequeña idea, pero los seguidores de la música electrónica clásica y el Krautrock, seguro que si lo conocen perfectamente. Estamos hablando del mago de la electrónica, uno de esos pioneros que elevaron este estilo musical y la forma de hacer música al grado de celestial. Esta semana nos ha dejado el gran e inigualable, Klaus Schulze.

    Ledicia Costas, «O neno de lume»

    Ledicia Costas ten unha imaxinación poderosa e unha rara habilidade para a construción do que poderiamos chamar «relato marabilloso», ese que mistura realidade e fantasía, no que conviven persoas do común con seres sobrenaturais dotados de habilidades especiais.

    Mamá

    Cuatro letras de una de las palabras que primero aprendemos, que más pronunciamos a lo largo de nuestra vida y que más seguridad nos transmite.

    Colaboradores

    Alberto Aliaga Sola
    19 POSTS0 COMMENTS
    Bea Sanfa
    12 POSTS0 COMMENTS
    Manrique Fernández
    64 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS