16.1 C
Pontevedra
Sábado, 18 de Maio de 2024
Máis
    HomeO CondadoSalvaterra de MiñoSalvaterra de Miño ten un novo camión de lixo

    Salvaterra de Miño ten un novo camión de lixo

    O Concello de Salvaterra de Miño vén de recibir un novo camión de lixo, adquirido polo municipio por máis de 140.000 € e financiado a través do Plan Concellos 2021 da Deputación de Pontevedra.

    Trátase dun vehículo compactador de RSU de 11m3, ampliando a capacidade de recollida considerablemente e que conta con moitas melloras que facilitarán o traballo dos operarios, conseguindo así máis axilidade.

    O incremento de poboación tanto no centro urbano como nas parroquias trae consigo tamén un incremento na xeración de residuos orgánicos que engadido a avanzada idade dun dos camións de lixo cos que conta o Concello, xa que debido a gran dispersión e cantidade de poboación é necesario que a diario se mobilicen os dous vehículos, facía necesario unha renovación co fin de mellorar o servicio ofrecido, de forma que se optimice da forma máis eficiente posible a recollida de residuos sólidos urbanos.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.