O Concello de Nigrán ven de facer realidade a proposta do pintor Rafel Jiménez Ambel para homenaxear aos bombeiros do GES Val Miñor cun mural alusivo á loita contra os incendios de 2017 en Chandebrito. Así, as pasadas semanas estivo a traballar na sede da agrupación na rúa Paradellas (Nigrán) para decorar a parede frontal da instalación cun traballo colorista que, de xeito abstracto, retrata o traballo destes profesionais.
Este veciño de Panxón doutor Cum Laude en Belas Artes quixo homenaxear aos bombeiros cunha obra na que son os protagonistas.
“Gustounos a súa proposta e consideramos moi merecida esta homenaxe artística e precisamente na súa sede”, destaca o alcalde, Juan A.González.
