21.5 C
Pontevedra
Venres, 19 de Abril de 2024
Máis
    HomeO CondadoPonteareasXinzo recupera o Festival de Bandas Infantís despois de tres anos

    Xinzo recupera o Festival de Bandas Infantís despois de tres anos

    O pasado sábado 12 de marzo, a parroquia pontareán de Xinzo acolleu o III Festival de Bandas Infantís despois de tres anos sen poder celebralo debido á pandemia. No auditorio do Centro Cultural, as dúas bandas da Escola de Música (ESMU), a Banda Infantil e a Pequebanda, foron as protagonistas da tarde.

    A nova edición do festival deu comezo ás 18:00h coa actuación da Pequebanda, agrupación composta polos máis pequenos da ESMU, pero que deleitaron ó cheo auditorio co seu talento. Seguidamente foi o turno la Banda Infantil, que, ao igual ca anterior, estivo dirixida por Javier Blanco, tamén director da Banda de Música Xuvenil de Xinzo.

    Coa terceira edición do Festival de Bandas Infantís xa para o recordo, haberá que esperar ao ano que ven para unha nova entrega. Pero o público poderá volver a disfrutar dos seus compoñentes moito antes desa data. Será o mes que ven, o sábado 9 de abril, cando os músicos de ámbalas agrupacións regresen ó escenario do Centro Cultural de Xinzo para a audición do segundo trimestre da ESMU.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.