8.7 C
Pontevedra
Xoves, 28 de Marzo de 2024
Máis

    A Deputación pon en marcha cun faladoiro sobre Carmen Babiano a segunda colección de ‘Aquí Faltan Páxinas’

    Carmen Babiano, “a artista na gaiola”, pontevedresa pioneira na arte feminina de finais do século XIX, foi a primeira protagonista da segunda colección de 'Aquí Faltan Páxinas', que arrancou hoxe no Museo de Pontevedra cun faladoiro a cargo de Beatriz de San Ildefonso, conservadora da entidade.

    ADEGA convoca unha nova xornada de eliminación de especies invasoras no río Tea ao se paso por Mondariz

    A Asociación para a Defensa Ecolóxica de Galiza, ADEGA, convoca unha nova actividade de voluntariado para a eliminación de especies exóticas invasoras no río Tea, ao seu paso polo concello de Mondariz. Esta xornada terá lugar a fin de semana dos días 1, 2 e 3 de marzo e para inscribirse nel é necesario cubrir o formulario dispoñible na páxina web de www.adega.gal ou escribir un correo electrónico a maria.amigo@adega.gal.

    O Concello de Redondela traballa no arranxo das incidencias tras o temporal da pasada fin de semana

    O temporal que azoutou as Rías Baixas esta fin de semana deixou diferentes incidencias no municipio de Redondela. Entre as máis destacadas están a caída dunha oliveira de gran tamaño na Alameda Rosalía de Castro en Chapela; dunha árbore no paseo do río Maceiras e dun poste de telefonía no camiño Pereira en Reboreda aos que hai que engadir a caída dun muro na Formiga e o derrube de dous taludes no camiño do Sapal, un á altura do Corisco en Saxamonde e outro en Santo Estevo de Negros, onde tamén caeu un poste de iluminación.

    A Deputación ten aberto ata este venres o prazo para que cu entidades sen fins de lucro soliciten algún dos obradoiros de “+Xuntas”

    Últimos días para que as entidades sen fins de lucro da provincia que teñan como obxectivo a promoción das mulleres e apoien o seu desenvolvemento poidan solicitar algún dos obradoiros do programa da Deputación de Pontevedra “+Xuntas”. A través desta iniciativa, dotada con 300.000 €, a institución provincial pretende impulsar a participación activa das mulleres, xerando vínculos e fomentando as relacións interpersoais e o intercambio de experiencias.

    Luis López reforza a aposta da Deputación á Arribada de Baiona, un dos “máximos expoñentes” do atractivo cultural e turístico da provincia

    O presidente da Deputación de Pontevedra, Luis López, reforzou a aposta do goberno provincial polo fomento do turismo na provincia na presentación dunha nova edición da Festa da Arribada de Baiona. O evento, que se celebra na fin de semana do vindeiro 1 de marzo, chega a súa edición número 28 co recoñecemento de Festa de Interese Turístico Internacional e como unha referencia no destino turístico Rías Baixas.

    Covelo solicita a Patrimonio a catalogación do conxunto etnográfico da Poza do Piñeiro como Lugar de Valor Etnolóxico

    O Concello de Covelo solicita á Dirección Xeral de Patrimonio Cultural da Xunta de Galicia a catalogación do conxunto formado pola Poza do Piñeiro, a Cruz da Porteliña e a Choza da Poza como Lugar de Valor Etnolóxico. Construída en 1851, está formada por unha notable infraestrutura hidráulica, unha cruz baixa e un choza granítica de pastores e pertence á Comunidade de Montes Veciñais en Man Común de Piñeiro.

    Mondariz contará cun sistema de reciclaxe integrada de recollida de pequenos residuos contaminantes

    O Concello de Mondariz súmase á economía circular e instalará un sistema de reciclaxe integrada para a recollida selectiva de pequenos residuos específicos e altamente contaminantes, así o anunciou a alcaldesa en funcións, Elena Naveira. No marco da campaña 'Da túa Man' da Deputación de Pontevedra, o Concello contará cun punto de recollida de residuos sólidos de pequeno formato con espazos independentes de introdución e almacenaxe de distintos residuos (pilas, lámpadas, baterías, residuos electrónicos…).

    A Guarda acolle un itinerario formativo de 120 horas de duración para a dixitalización de mulleres

    O Concello da Guarda colabora no Programa de Formación para a dixitalización de mulleres Galegas Dixitais, acollendo 3 módulos de formación que darán comezo o 11 de marzo e durarán ata o 25 de abril de 2024. A formación realizarase na Guarda en horario de 09:00 h a 14:00 h.

    O Concello de Redondela inicia os traballos de pavimentación na estrada Santo Paio de Arriba, na parroquia de Reboreda

    O pasado xoves, o Concello de Redondela deu inicio aos traballos de limpeza das marxes na estrada Santo Paio de Arriba, na parroquia de Reboreda, para poñer en marcha a obra de pavimentación e mellora deste camiño. A actuación consiste na mellora da drenaxe e a pavimentación da estrada con aglomerado asfáltico en quente.

    Unanimidade no pleno da Deputación para instar o Goberno central a buscar un trazado alternativo da A-57

    O pleno da Deputación de Pontevedra aprobou este venres por unanimidade unha moción presentada polo Grupo Popular para instar o Goberno central a realizar un estudo alternativo para o trazado actual da A-57 no tramo comprendido entre A Ermida e Pilarteiros, nas parroquias pontevedresas de Bora e Xeve, co obxectivo de dar con unha ruta que sexa menos impactante para as comunidades e familias afectadas e que teña en conta tamén a redución do impacto ambiental. Nesta sesión ordinaria, tivo lugar a toma de posesión como deputado do Grupo Socialista de Francisco Ferreira, que substitúe ao deputado Carlos López Font, así como a renuncia ao seu posto da vicepresidenta primeira da Deputación, Marta Fernández-Tapias.

    A calidade de vida e unha conciencia sostible, puntos fortes para deseñar o Plan de Acción Local da Axenda 2030 do Rosal

    O Concello presentou a tecido asociativo e veciñanza a diagnose do municipio, para a que se recadou información de case 400 enquisas e numerosos grupos de traballo

    A Deputación destina preto de 240.000 € para que Pazos, Barro e Redondela impulsen e melloren as súas infraestruturas deportivas

    A Deputación acaba de aprobar en Xunta de Goberno os primeiros recursos do Plan Extraordinario de Infraestruturas Deportivas con axudas que ascenden a preto de 240.000 € para os concellos de Pazos de Borbén, Barro e Redondela. Este plan, promovido polo goberno de Luis López e dotado cun orzamento de 4 millóns de euros, permitirá que os concellos da provincia poidan “construír novas instalacións de uso deportivo, modernizar, remodelar ou mellorar as existentes e adquirir equipamentos, material ou terreos para uso deportivo”, detallou o presidente.

    O Porriño conecta o núcleo de vivendas de A Droza, en Cans, á rede de saneamento

    A rede municipal de saneamento do Porriño conecta novas vivendas na parroquia de Cans. Trátase concretamente do núcleo de A Droza, no que se están a executar as obras de mellora do saneamento de fecais que permitirán conectar 9 vivendas que ata o de agora non disponen de acceso a este servizo.

    Redondela celebra o día de Rosalía con Caldo de Gloria, libros e bolsas de tea da autora

    Os Mercados Municipais de Redondela e Chapela celebraron esta mañá o Día de Rosalía de Castro cunha homenaxe á autora galega. Veciños e veciñas que se achegaron a estas prazas de abastos puideron degustar o Caldo de Gloria elaborado polo Obradoiro de Hostalaría do Concello de Redondela seguindo a receita do poema de Rosalía. Ademais a clientela que fixo algunha compra nestes mercados participou no sorteo de bolsas de tea cun deseño especial vencellado a Rosalía de Castro, e o reparto de balde de libros da escritora.

    Mondariz celebra o Día de Rosalía de Castro cun espectáculo musical e de narración oral

    Con motivo do Día de Rosalía de Castro, 24 de febreiro, o Concello de Mondariz programa o espectáculo Somos ríos, somos fontes, somos regatos pequenos. Este espectáculo musical e de narración oral chegará da man de Caxoto ao auditorio público municipal de Mondariz ás 18 horas.

    O Goberno de Ponteareas leva a Pleno a aprobación das alegacións ao proxecto de mellora de seguridade viaria da N-120

    O goberno municipal leva ao próximo pleno a aprobación das alegacións ao proxecto de mellora de seguridade viaria da Nacional 120 do Ministerio de Transportes e Mobilidade Sostible. En total, son 15 obxeccións que o Concello consensuou coa veciñanza afectada e que lle trasladará ao Goberno central. O obxectivo é protexer a comunicación do rural, evitar a demolición dunha casa habitada por unha familia e manter as paradas de autobuses, entre outras cuestións.

    O Club de Lectura ‘Tempo de Mulleres’ de Tui retoma a súa actividade o 1 de marzo

    O Club de Lectura Feminista 'Tempo de Mulleres' retoma a súa actividade o próximo venres 1 de marzo, ás 19 h, no edificio Francisco Sánchez. Impulsado pola concellería de Igualdade conta coa colaboración da Asociación de Mulleres Feministas Berra e da Biblioteca Municipal. Reunirase mensualmente para compartir a lectura e análise de obras escritas por mulleres dende unha perspectiva de xénero. A data da reunión acordarase entre todas as mulleres participantes.

    Tomiño segue rodeando os seus núcleos de vida

    O Concello da un novo paso para facer de Tomiño un municipio máis verde, sostible e eficiente. O Goberno municipal deu este mércores o pistoletazo de saída á terceira edición da campaña para repoboar as 900 hectáreas de franxas secundarias con planta frondosa e autóctona, unha iniciativa coa que se busca rodear de vida o concello e blindalo ante posibles incendios forestais creando cortalumes naturais.

    O goberno de Ponteareas asegura ter informes técnicos que confirman o incumprimento no mantemento dos colexios por parte do anterior executivo

    “Informes técnicos da administración local confirman o incumprimento das competencias en materia de mantemento nos centros educativos da vila por parte dos anteriores gobernos locais”, asegurou hoxe o Goberno local de Ponteareas que preside Nava Castro. O documento foi elaborado a partir da necesidade de realizar unha actuación de mantemento na escola unitaria de Pías e confirma que estas obras “dan resposta ás necesidades precisas da edificación pola falta do seu mantemento ao longo do tempo”.

    Redondela aproba inicialmente o PXOM

    O Concello de Redondela aprobou inicialmente o Plan Xeral de Ordenación Municipal co voto a favor de toda a Corporación municipal agás os tres concelleiros do BNG que optaron pola abstención. A alcaldesaDigna Rivas amosou a súa satisfacción por este paso adiante paro o urbanismo de Redondela “cun planeamento moi necesario para a fveciñanza e para o futuro do municipio” a cualificou a xornada como “histórica”.

    A Xunta remata o itinerario peonil na estrada PO-400 en Arbo cun investimento superior a 1 millón de euros

    A Xunta vén de rematar as obras de construción dun itinerario peonil no antigo trazado da PO-400 en Arbo, cun investimento de máis de 1 millón de euros. A actuación desenvolveuse ao longo de máis dun quilómetro da estrada, entre os puntos quilométricos 23+400 e 24+600.

    A Federación de ANPAS de Redondela organiza unha nova charla sobre ‘Atención á diversidade’

    Quen forma parte do alumnado con necesidade específica de apoio educativo? Que é a atención á diversidade? Cales son os dereitos das familias e do alumnado que aprende de forma diferente? son algunhas das preguntas sobre a atención a diversidade que se aborden na charla que terá lugar este xoves 22 de Febreiro no Multiusos da Xunqueira en Redondela, organizada pola Federación de ANPAS de Redondela.

    Valença vai avançar com intervenções na floresta

    A Câmara Municipal de Valença vai avançar com a intervenção em 12 manchas florestais, próximas a aglomerados populacionais, nas freguesias de Cerdal, Boivão, Gandra, Taião, Gondomil e Sanfins. Esta operação, denominada 'Condomínios de Aldeia', implicará um investimento de cerca de 575 mil euros e vai promover uma grande intervenção florestal, à volta de 12 aglomerados populacionais destas freguesias. O objetivo é tornar estas áreas edificadas rurais menos suscetíveis ao fogo.

    O PSOE da Guarda asegura que o goberno local do PP “non respecta as sentenzas xudiciais” evitando a apertura da rúa Baixo Muro

    Despois de anos de procedementos e xestións impulsados polo anterior alcalde da Guarda, o socialista Antonio Lomba, cando a “conexión das rúas Baixo Muro e Ireira estaba a piques de executarse, o PP colleu o timón do concello guardés, e como está sucedendo con outras moitas xestións, os populares imposibilitaron tamén este proxecto. Neste caso renunciando a unha subvención da Deputación de 107.594,80 € destinada para este fin" asegura o PSdeG-PSOE guardés.

    Redondela realiza unha limpeza nas árbores secas da Avenida de Mendiño “por motivos de seguridade”

    A concellería de Parques e Xardíns, que dirixe Pedro Villaverde, realizou a pasada semana traballos de poda e limpeza nas árbores da avenida Mendiño para evitar posibles desprendementos das pólas que estaban secas e podres. Villaverde rexeita as acusacións da Agrupación de Electores, que cualificou actuación de “arboricidio”, xa que os traballos realizados polos traballadores municipais “realizáronse por motivos de seguridade”.

    Deputación e Consellería de Medio Rural asinan un protocolo de colaboración por valor de 600.000 euros para a prevención de lumes forestais

    O presidente da Deputación de Pontevedra, Luis López, asinou este martes co conselleiro de Medio Rural, José González, un protocolo de colaboración para a prevención e defensa contra os incendios forestais. Un acordo a través do cal a Deputación de Pontevedra e a Xunta de Galicia achegan 300.000 euros cada unha para ratificar o compromiso compartido na loita contra o lume e para realizar actuacións conxuntas dirixidas ao mantemento e conservación das infraestruturas preventivas e da contorna agroforestal dotando de medios materiais aos concellos da provincia.

    Ponteareas incorpora novos servizos de conciliación sen custe para as familias

    O Concello incorpora dous novos servizos municipais que buscan potenciar a conciliación dos veciños e das veciñas. Trátase do Plan Madruga e da Aula Matinal, uns recursos sen custe para as familias mediante os cales os pais e as nais que o precisen poden levar aos nenos e ás nenas aos centros educativos antes de que comece o horario lectivo. O primeiro deles desenvólvese na Escola Infantil Municipal e o segundo, nos colexios da vila.

    Nigrán investirá 33.000 euros na rehabilitación da fonte do Pereiro e os seus accesos

    O Concello de Nigrán investirá 33.000 € na rehabilitación da fonte do Pereiro (Camos) e os seus accesos como parte do seu plan para por en valor estes elementos de especial interese patrimonial e etnográfico.

    Tui despide o Entroido co Enterro do Bacallau

    Tui prepárase para despedir o Entroido este domingo co Enterro do Bacallau que reunirá a máis de mil persoas participando activamente nunha festa que conta con gran tradición na cidade. Máis aló das persoas integrantes das doce comparsas que o martes participaron no Desfile-Concurso, son moitas outras as que neste día completamente vestidos de loito se suman á comitiva para acompañar ao bacallau. Son xa moitos os que dende primeira hora da mañá comezan a festa nas rúas de Tui, e participan en xantares protagonizados por pratos de bacallau.

    Tomiño leva investido 908.000 euros na mellora das instalacións das traídas de auga veciñais

    O Concello de Tomiño renova ano a ano o seu compromiso coas traídas veciñais, que traballan de forma totalmente desinteresada para optimizar a xestión dun recurso tan importante como é a auga para o seu consumo. Por este motivo, nos últimos sete anos o Concello investiu máis de 908.000 euros tanto na posta en marcha de diferentes liñas de axuda para analíticas ou para o mantemento, así como na realización de diferentes obras de melloras na rede de abastecemento, entre outras actuacións.

    O Concello de Covelo contratará 14 persoas de apoio ao abeiro do plan Máis Provincia da Deputación de Pontevedra

    O Concello de Covelo contratará a 14 persoas con cargo ao plan Máis Provincia 2024 da Deputación de Pontevedra que darán apoio nas tarefas de conservación e funcionamento de bens e servizos públicos municipais.

    Redondela leva a pleno a aprobación inicial do PXOM

    O Concello de Redondela levará o Plan Xeral de Ordenación Municipal para a súa aprobación inicial no pleno do próximo mércores, 21 de febreiro. O goberno local facilitará á cidadanía todos os medios dispoñibles para que, unha vez aprobado, a cidadanía coñezan o plan e poida facer as súas alegacións. O prazo que establece a normativa é dun período de dous meses, pero o goberno redondelán decidiu amplialo ata os tres meses “para favorecer que toda a veciñanza teña tempo de estudalo, saber como lle vai afectar e poida facer as alegacións que estime oportunas”, explica a alcaldesa Digna Rivas.

    O campo de fútbol do Vieiro, na Cañiza, estrea novo tractor cortacéspede

    O alcalde da Cañiza, Luis Piña, deu conta da adquisición dunha máquina cortacéspede para o veterano campo de fútbol do Vieiro, que supuxo un investimento de 5.390 € con cargo ás axudas da liña 1 do Plan Concellos 2022-2022 da Deputación de Pontevedra.

    O IES Salvaterra de Miño tamén se une á campaña «Aquí tamén se fala galego»

    Este venres, 16 de febreiro, o alumnado de 4º ESO do IES Salvaterra de Miño arrancou desde a praza do concello a súa campaña a prol do galego “Aquí Tamén se Fala Galego”, ideada polo IES Rafael Dieste da Coruña. Trátase dun proxecto de dinamización lingüística na que participan máis de 170 centros de ensino do país co obxectivo de rachar os prexuízos que transmiten a idea dunha Galicia que fala pouco o galego.

    O Concello de Baiona consegue que chegue a fibra óptica a Media Aldea na parroquia de Belesar

    O Concello de Baiona, a través da concellería de tecnoloxías, conseguiu que a fibra óptica chegue a Belesar. O proxecto levaba máis de tres anos paralizado. Desde o departamento municipal estívose xestionado intensamente coa teleoperadora encargada da zona para que puxesen en funcionamento este servizo tan importante para a veciñanza.

    O Porriño busca facilitar a inserción laboral dun cento de persoas desempregadas a través do Plan Integrado de Emprego

    O Plan Integrado de Emprego do Porriño xa está en marcha cun obxectivo moi claro: mellorar a ocupabilidade e a promover a inserción laboral dun centenar de porriñeses/as. Nesta iniciativa de emprego e formación, promovida pola Xunta de Galicia e o Concello do Porriño, participan 100 persoas desempregadas, que ao longo dun ano recibirán de información, orientación e asesoramento para a búsqueda de emprego.

    Nigrán inicia as obras dunha nova praza pública que conectará a ponte románica da Ramallosa e a Avenida de Portugal

    O Concello de Nigrán iniciou esta semanas as obras para crear unha praza pública de 371 m2 para a convivencia e a relaxación no espazo que comunica a Ponte Románica da Ramallosa e a Avenida de Portugal (PO- 340), aos pés do Río Miñor. O obxectivo é dar un xiro radical nesta contorna de gran valor patrimonial, natural e etnolóxica para que pase a ser unha zona senlleira de pausa e descanso no Camiño. Con este fin, o Concello ven de emprender os traballos adxudicados a Xestión Ambiental de Contratas cun orzamento de 114.726 € a cargo do Plan Concellos 2022 da Deputación de Pontevedra.

    Ponteareas incentiva a creatividade da mocidade co concurso ‘Talento Xove’

    O Concello de Ponteareas incentiva a creatividade entre os mozos e as mozas da vila mediante o concurso ‘Talento xove’, certame que pon en marcha a Concellería de Xuventude, dirixida polo edil Cristian Montes, co obxectivo de estimular ás persoas novas do municipio e actuar como canle de difusión das súas inquedanzas artísticas. O prazo de presentación finaliza o 15 de marzo.

    O Serán dos Namorados de Mondariz quece o forno para bater, un ano máis, récord de participación

    A primeira fornada de pan de millo xa está lista para recibir a vixésimo oitava edición do afamado Serán dos Namorados en Toutón, Mondariz, así no lo adianta Lucinda Barcia que xunto a súa filla Montse e a Evangelina encabeza a organización deste evento que reúne a milleiros de persoas amantes dos sons tradicionais.

    Alfonso Rueda subliña a súa ilusión por seguir acompañando aos galegos no camiño cara a Galicia da próxima década

    O presidente e candidato do PPdeG, Alfonso Rueda, subliñou onte a súa ilusión por seguir acompañando aos galegos no camiño cara a Galicia da próxima década reivindicando que ama e respecta a nosa Comunidade tal e como é, sen necesidade de cambiala por nada. O líder dos populares aposta por unha vitoria que permita a Galicia ter un goberno que merece: con ilusión, con experiencia e ao servizo de todos os galegos sen excepción.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.