12.2 C
Pontevedra
Martes, 13 de Abril de 2021
More
    HomeLouriñaO PorriñoA plataforma Antilindano da Louriña alerta da aparición dunha nova vertedura en...

    A plataforma Antilindano da Louriña alerta da aparición dunha nova vertedura en Torneiros

    A Plataforma Antilindano do Porriño vén de facer pública a aparición, “dunha nova vertedura de lindano en Torneiros”, en monte comunal “preto da zona da Pereira-Contrasto” lugar onde se fixeron as obras de saneamento. Segundo a plataforma, a aparición desta nova vertedura, da que tiveron constancia o pasado sábado 23 de marzo “alarmou á veciñanza unha vez que comezou a correr o rumor”.

    Segundo unha liña cronolóxica, a Plataforma sinala que o domingo 24, membros de dita plataforma “localizamos a zona, que se volveu tapar e está perimetrada con cinta de obra”. Ao día seguinte, luns 26 de marzo, unha das persoas compoñentes do grupo de coordinación da Plataforma, explica o seu comunicado, “visitou a sede da Comunidade de Montes e falou coa responsable de administración sobre a situación”, en dita reunión, deixouxe constancia que a Plataforma “tiña localizada a zona, que comprobamos que todo estaba tapado e que a nós como Plataforma ninguén nos avisara dende a Comunidade”.

    Na reunión, a responsable da comunidade “explicou con absoluta cordialidade –puntualiza a comunicación da Plataforma– a situación, que xa se presentara un informe a Medioambiente, que incluso ían pedir análise das augas que baixan pola vaguada que hai na zona e que agardaban instrucións da Consellería”. Segundo sinalou, a terra “foi depositada pola empresa que facía a obra de saneamento, hai máis dun ano na Pereira-Contrasto”. Tamén confirmou que “ata alí se achegaron varios veciños da Pereira-Contrasto con acusacións de non actuar con dilixencia, intención de engano e ocultación da información”.

    Chegados a este punto, a Plataforma Antilindano do Porriño quere recalcar que “non recriminamos nen criticamos en ningún momento a actuación da Comunidade de Montes de Torneiros”. Primeiro porque “a resposta dada resúltanos totalmente convincente” e a súa actuación, comprobada in situ, “totalmente responsable e coherente”. Segundo “porque entendemos que aceptaron, de boa fe, na súa parcela unhas terras libres de toda sospeita de contaminación pola súa parte”.

    Por contra, a plataforma si que esixe “unha aclaración inmediata ao Concello como promotor das obras e contratante das mesmas á empresa que moveu as terras. Pirmeiro enterámonos dos vertidos na canteira de Xinzo e agora deste. Non se pode mirar para outro lado a ver se se esquece o tema e rezar para que non apareza máis”, conclúe a Plataforma Antilindano do Porriño.

    O Concello “segue agardando polo plan de descontaminación comprometido pola Xunta”
    Pola súa banda, o Concello do Porriño fixo pública unha nota de prensa na que ante a noticia do achado de novos restos de lindano en monte comunal, “a expensas da súa confirmación polos técnicos que recolleron mostras para a súa análise”, o Concello de Porriño asegura “carecer de información directa xa por parte da Comunidade de Montes de Torneiros como por parte da Xunta de Galicia”. A pesar diso, a alcaldesa de Porriño, Eva García de la Torre, anunciou este mediodía “que dará as instrucións necesarias para que se comprobe que non se cometeu ningunha irregularidade”.

    O Concello de Porriño remítese ás actuacións realizadas tanto en 2017 como en 2018, cando apareceron restos de lindano entre as terras que foron removidas para as obras de saneamento e posteriormente de abastecemento de auga na zona.

    Así mesmo o Concello de Porriño quere aproveitar esta circunstancia para lembrarlle á Xunta de Galicia “que segue agardando polo plan de descontaminación que a administración autonómica comprometeuse en 2017 a realizar para o que se mantiveron reunións con veciños, comuneiros e o propio Concello” un plan que pretendía “unha actuación integral xa que en toda esa zona do territorio porriñés, lamentablemente, constatouse a presenza de lindano no subsolo”. Tristemente o compromiso da Xunta de Galicia “non recibiu ningunha consignación orzamentaria e segue sen executarse”, conclúe o comunicado do Concello porriñés.

    Arroz de coliflor con verduritas

    No, la coliflor no es aburrida. ¿Recordáis que hace un tiempo hicimos una pizza con la base hecha con coliflor? Pues hoy vamos a hacer unas verduritas con un “arroz de coliflor”.

    Teresa Ríos Noya, «Non estamos preparados para medrar»

    Que a poesía de base é unha marmita na que se van aliñando os nomes que mañá serán referente da nosa escrita, é algo que moi poucos poñen en dúbida a estas alturas da vida. E o caso que nos ocupa vén ser un exemplo máis de tal afirmación. Teresa Ríos deuse a coñecer ao abeiro do grupo poético e literario Versos de Areas, xurdido en Ponteareas un par de anos atrás.

    Serafín Parcero, «A illa dos deuses»

    As novelas de corte histórico que se publican en Galicia acostuman a estar ateigadas de referencias a feitos e personaxes reais, profusamente documentadas, e mesmo poderían pasar sen rubor (unhas máis ca outras) a criba de calquera historiador que se parase a valorar a súa veracidade. Pero son poucos os casos nos que o autor se entrega sen cortapisas á ficción partindo dunha realidade coñecida e dándolle a volta completamente ata configurar un relato propio.

    Colaboradores

    Alberto Aliaga Sola
    3 POSTS0 COMMENTS
    Ángel Covelo
    6 POSTS0 COMMENTS
    Jhonathan Zúñiga
    3 POSTS0 COMMENTS
    Lucía Alonso
    9 POSTS0 COMMENTS
    Manrique Fernández
    36 POSTS0 COMMENTS
    Paz de la Peña
    30 POSTS0 COMMENTS
    Ricardo Canosa Bastos
    12 POSTS0 COMMENTS
    Roberto Mera
    1 POSTS0 COMMENTS
    Avatar
    1 POSTS0 COMMENTS