Tag: infancia

O Concello de Tomiño revalida o seu recoñecemento como Cidade Amiga da Infancia. Así o vén de decidir a Secretaría Permanente da Iniciativa Cidades Amigas da Infancia.

Co gallo do Día Internacional do Neno, que se celebra hoxe, 20 de novembro, mañá martes celebrarase en Redondela un pleno infantil onde nenos e adolescentes teran voz propia xunto a alcaldesa Digna Rivas e os demais concelleiros e concelleiras da corporación.

A concellería de Igualdade, que dirixe Carolina González, organiza unha nova actividade dirixida aos rapaces e rapazas de 3 a 12 anos de idade co fin de facilitar a conciliación da vida familiar e laboral. Terá lugar entre o 14 de agosto ao 8 de setembro en horario de mañá, de 9 h a 14h.

"O 'Parrulas' é xa unha parte imprescindible na programación de verán do Concello de Nigrán, cada ano reúne a centos de familias moi fieles ao festival e de visitantes que veñen a desfrutar nunha contorna marabillosa de espectáculos de altísima calidade e sempre moi divertidos", destaca o alcalde, Juan González.

Os campamentos de “Depo Aventura” A Lanzada chega ao seu ecuador coa sexta quenda do programa, na que participarán a partir deste domingo 30 de xullo 140 nenas e nenos dun total de 31 concellos da provincia. Ao longo de seis días desenvolverán múltiples actividades lúdicas e formativas para o seu enriquecemento persoal e tamén de coñecemento de lugares fóra da contorna habitual. Neste verán e ata o 9 de setembro, serán en total 1.540 menores de 58 concellos da provincia os que participen nas once quendas en que se dividen os campamentos.

Dende as oito e media da mañá a escola de verán do Concello de Covelo abre as súas portas para recibir aos pequenos e pequenas que ao longo deste mes aprenderán xogando da man das monitoras. Ata a sala multiúsos municipal achegáronse o alcalde de Covelo, Pablo Castillo, e a concelleira de Emprego e Formación, Lourdes Enes, para darlles a benvida a todas as cativas e cativos que farán equipo este verán.

Trala súa estrea con música a semana pasada, o programa provincial Tras as Ameas propón para este martes 4 de xullo un obradoiro infantil no Castelo de Sobroso, na segunda das trece actividades que ofrece este verán este programa cultural e familiar da Deputación. Re-coñecendo o Castelo: Taller de Arquitectura, con todas as prazas xa esgotadas, é o título desta nova proposta que impartirá desde as 18 horas Taller Abierto e se enmarca nesta iniciativa que abrangue unha ampla e diversa oferta de actividades inspiradoras dirixidas a todos os públicos para vivir experiencias únicas nos castelos de Soutomaior e Sobroso.

A Praza Rosalía de Castro cobrou xa unha nova vida. O Concello de Nigrán abríu onte ao público a gran torre escalable de 10 metros de altura e con forma de foguete que preside o espazo central (no mesmo lugar que ocupaba unha fonte ornamental inutilizada). Aínda que xa en uso, será inaugurado oficialmente o luns 26 de Xullo a partir das 18:30 coa presencia de 'Benito e Rufina', de Troula Animación.

O Concello abriu este mesmo xoves 18 de maio o prazo de inscrición no campamento de verán municipal para nenos e nenas matriculados durante o curso 2022/2023 en educación infantil ou educación primaria que estean empadroados no Rosal ou que o seu pai, nai, titor ou titora traballe ou posúa un negocio no municipio.

O Concello de Ponteareas pon en marcha dous novos obradoiros infantís nas parroquias da vila, talleres de balde para nenos e nenas de 5 a 12 anos nos que aprender, divertirse e gozar dun tempo de lecer entre rapazada. Estes obradoiros, que terán prazas limitadas, permitirán fomentar a creatividade dos máis pequenos e pequenas a través de diferentes actividades adaptadas ás súas idades.

O Concello de Redondela colabora co CEIP plurilingüe de Cedeira e a Biblioteca Municipal na organización do proxecto Espallar Tinta que terá lugar na Alameda de Castelao durante o 29 e 30 de marzo. A inciativa recolle durante dous días os proxectos de máis de 1.200 nenos e nenas dos distintos cursos dos colexios de Educación Primaria e infantil do municipio para presentar a modo de feira de escritura as súas producións escritas (noticias, contos, poemas, regueifas...).

222 escolares do Porriño celebraron hoxe o Día Internacional dos Bosques prantando 70 exemplares no monte. O obxectivo desta iniciativa organizada polo Concello do Porriño e a e a Así, dende o Concello do Porriño e a consellería de Medio Rural, organizouse unha xornada de reforestación que se desenvolveu nos montes da Entidade Local Menor de Chenlo, Unha zona de monte de utilidade pública que terminará sendo un gran mirador forestal.

Os pequenos e pequenas da casa son os verdadeiros protagonistas do Nadal no Porriño e por iso a programación proposta polo Concello para estas datas inclúe múltiples actividades para eles/as. Entre elas os “Obradoiros Infantís de Nadal”, momentos de lecer compartidos nos que poderán amosar as súas habilidades nos diferentes talleres de manualidades e xogos de Nadal.

A voz de Juan, Lucía e Mateo escoitouse esta fin de semana no sétimo Encontro Estatal de Consellos locais de participación organizado por Unicef e que este ano volveu reunir de forma presencial en Cáceres a 180 nenos e nenas de entre 10 e 17 anos de todos os recunchos de España.

A Concellería de Infancia porá en marcha o próximo 26 de agosto, a segunda actividade do programa “Un verán para a Infancia” titulada “Descubrindo a flora do río Caselas”.

O Festival Mundial de Ilusionismo 'Galicia Ilusiona' chega este luns 15 de agosto a Nigrán da man do Mago Paco ás 20:00 horas no auditorio ao aire libre do esteiro de A Foz. Este é un dos magos favoritos dos máis pequenos porque é especialista en maxia infantil.

O Concello de Ponteareas continúa levando actividades de lecer ás 24 parroquias da vila, nesta ocasión destinadas aos máis pequenos e pequenas da casa. A Concellaría de Cultura pon en marcha un ciclo de obradoiros de xoguetes e xogos de refugallo dirixidos a nenos e nenas de 5 a 10 anos que se celebrarán nos distintos centros culturais ponteareás ao longo dos meses de maio e xuño.

O Concello da Guarda conta cun proxecto de Reforma e mellora da zona infantil e deportiva da Portela, no barrio de Salcidos. Esta obra será executada en próximas datas con cargo ao Plan Concellos 2022 da Deputación de Pontevedra.

É tradición neste Andel colocar algúns libros para nenos cando chegan as datas do Nadal e este ano, por aquilo de manter as nosas vellas teimas, traemos dúas obras que de seguro farán as delicias dos máis pequenos (e dos non tan pequenos, que nunca somos demasiado vellos para deixarnos enredar por unha obra ben escrita). Pertencen a dous autores que non dubidamos en considerar clásicos: Manolo Rivas e Xosé Neira Vilas, que é tanto como dicir dúas apostas sobre seguro. Teñámolos moi presentes á hora de redactar a nosa misiva aos Reis Magos.

O venres, 17 de decembro, Papá Noel chega ao concello de Redondela para encher de ilusión aos nenos e nenas, escoitar as súas peticións e ir preparando todo para o día de Nadal. E non ven de paso. Ven para quedar uns días e poder achegarse non só rapaces e rapazas do casco urbano redondelán, senón que tamén percorrerá todas e cada unha das parroquias levar unha carga de ilusión ás e aos máis cativos da casa e, se cadra, para os non tan pequenos.

Cando se pensa nos dereitos da infancia e da adolescencia, poucas veces pénsase no dereito a participar, a ser informados, a expresar a súa opinión e a ser tidos en conta á hora de buscar solucións comúns aos asuntos que lles afectan.

O alcalde da Cañiza, Luis Piña, presentou esta mañá a segunda iniciativa para reactivar o comercio local neste Nadal e que, ademais, leva asociado ocio e lecer para os máis pequenos. Durante os días 28, 29 e 30 de decembro o Concello instalará na Praza Maior un mini parque de atraccións infantil cunha barca, noria e carrusel. O prezo de cada atracción é de 3 € por persoa pero a compra en calquera dos establecementos da Cañiza adheridos a este programa, dará dereito a un ticket desconto de 2,00 € que poderase presentar no acceso a cada atracción, costando finalmente 1,00€ por neno.

A Biblioteca Pública Municipal de Tui organiza, dentro da programación de Nadal do Concello de Tui, catro obradoiros dirixidos aos rapaces e rapazas con idades entre os 5 e os 12 anos de idade. Os interesados deben inscribirse previamente ben persoalmente na propia Biblioteca ou a través do correo electrónico biblioteca@tui.gal.

A Biblioteca Municipal 'Valle-Inclán' de Redondela únese á conmemoración do Día Internacional da Eliminación da Violencia contra a Muller cunha actividade infantil ao redor do álbum ilustrado 'Peúgo, o calcetín melenudo', que terá lugar o vindeiro 25 de novembro, ás 18:30 horas.

O Concello de Nigrán acolleu onte ao mediodía unha sesión plenaria especial protagonizada polos nenos e nenas de Nigrán a través do Consello de Participación Infantil e Xuvenil municipal.

A Deputación de Pontevedra iluminará de azul o seu Pazo Provincial desde as 19.00 deste venres ata as 8.30 da mañá do domingo ao abeiro do Día Mundial da Infancia.

Durante os meses de setembro e outubro a Biblioteca Xela Arias de Chapela organizou unha serie de actividades de animación á lectura dirixidas ao público infantil e familiar. As iniciativas desenvolvidas foron todo un éxito de participación –as entradas esgotáronse– e de satisfacción do público asistente.

O vindeiro sábado 16 de outubro celebrarase finalmente esta divertida carreira de obstáculos para grande e pequenos, e que o Goberno local pospuxo o pasado mes de agosto como precaución ante o aumento de casos da COVID en toda España. Agora vén con moitas ganas e probas que farán rir a máis dun e dunha.

Continúa a programación de actividades no xardín da Biblioteca Municipal do Rosal. Este venres 8 de outubro será a quenda e Iseo a Moura, que namorará a grandes e pequenos e pequenas cos seus contos sobre ‘Amor, cortes e feridas’, unha historia con momentos musicais sobre o importante de quererse a unha mesma para amar en liberdade.

O Concello de Nigrán, a través da Biblioteca Municipal, ofrece semanalmente desde este venres no Auditorio Municipal e ata o 8 de outubro catro contacontos infantís a través do programa de dinamización á lectura “Ler conta Moito”. Por cuestións de seguridade sanitaria, é imprescindible a inscrición previa para cada un deles na propia biblioteca, no correo nigran.rbgalicia@eidolocal.es ou no 986 383 979.

Brindar ás familias un lugar de encontro e acompañamento durante o crecemento dos seus fillos e fillas. Con ese obxectivo o Concello do Rosal pon en marcha Espazo Crianza, un proxecto que ofrecerá ás familias con nenos e nenas de 0 a 12 meses e a xestantes unha canle de comunicación, de información e de aprendizaxe sobre o desenvolvemento infantil, así como de resolución de inquedanzas para unha crianza sen culpas e sen xuízos nin prexuízos.

A biblioteca 'Xela Arias' de Chapela, Redondela, festexa a volta á escola ofrecendo un contacontos para os máis cativos: Levántate Xan!, unha proposta de narración oral do xenial artista Caxoto.

O Concello de Nigrán está a construír unha senda peonil a través do CEIP Humberto Juanes que evitará á veciñanza dar o actual rodeo pola rúa Rosalía de Castro para achegarse a pé á nova Biblioteca ou a súa contorna. O novo atallo comunica Curros Enríquez (entrada ao colexio) con Estrada pola Vía reducindo a distancia total nun 20% (uns 500 metros). Deste xeito, o alumnado do centro educativo só terá que cruzar o paso de peóns de Estrada pola Vía (altura do número 120) para estar na porta de acceso á Biblioteca.

A Biblioteca Municipal de Ponteareas acolle esta semana unha nova actividade ao abeiro do programa de animación á lectura. Este xoves 9 de setembro ás 18:30 horas organizará Ao arredor do conto, unha actividade a través da que os nenos e nenas poderán coñecer a Biblioteca Máxica Infantil.

Ponteareas acolle dende hoxe unha xornada de xogos e obradoiros no Centro Cultural de Celeiros. É a primeira das 12 que percorrerán o municipio durante este mes de setembro, e que continúan o programa lúdico nos centros culturais que xa se realizou en agosto. O concelleiro de Cultura, Fernando Groba, sinalou que con estas actividades “queremos que todos os nenos e nenas de Ponteareas poidan desfrutar xogando sen saír das súas parroquias”.

A Biblioteca Municipal de Ponteareas continúa ofrecendo actividades para os máis pequenos e pequenas da vila. O vindeiro xoves entre as 11:30 e as 13:30 acollerá unha xornada de xogos e contacontos para incentivar a lectura dende a diversión. A participación está dirixida a nenas e nenos entre 3 e 12 anos, é de balde, e a inscrición pódese facer na biblioteca, no teléfono 986 660 765, ou en bibliotecamuseo@ponteareas.gal.

Xornada de reciclaxe onte para os nenos e nenas do campamento de verán do Rosal. Na mañá do mércores recibiron a visita da concelleira de Medio Ambiente, Sara Vicente, e o mestre composteiro do Concello para aprender e traballar coa reciclaxe. Os pequenos e pequenas mostraron “o ben ensinados que están”, destaca a concelleira, e separaron todos os residuos que había mesturados en caixas para bótalos nos colectores correspondentes.

Ponteareas quere que os nenos e nenas da vila aprendan a xogar da maneira que aprenderon os seus avós e avoas. A concellaría de Cultura, que xestiona Fernando Groba organiza ao longo deste mes catro xornadas de xogos tradicionais en varios espazos do municipio para “aprender xogando”, expón o concelleiro.

A programación cultural do Rosal céntrase o próximo mércores nos máis pequenos e pequenas. O parque de Pías acollerá ás 20:00 horas a actuación do espectáculo infantil PunkInfantil de Peter Punk e Brais das Hortas, e ás 21:00 h será a quenda da banda infantil da Agrupación Musical do Rosal, actuación programada dentro da II edición de O Rosal Cámara Fest.

Baixo o título “Unha viaxe ao meu corazón” desenvólvese estas semanas no municipio un taller psicoeducativo, organizado pola Concellería de Xuventude que dirixe Nuria Lameiro, centrado no traballo e xestión das emocións propias e alleas. Un total de 30 nenos e nenas, de entre oito e 12 anos, do municipio participan nesta actividade, que se dividiu en dous grupos, finalizando o primeiro este pasado venres