13.7 C
Pontevedra
Sábado, 20 de Abril de 2024
Máis
    HomeComarcasRedondelaA Biblioteca Valle-Inclán de Redondela acolle a presentación do libro 'Peúgo, o...
    ComarcasRedondela

    A Biblioteca Valle-Inclán de Redondela acolle a presentación do libro ‘Peúgo, o calcetín melenudo’

    A presentación, o 25 de novembro ás 18:30 horas, contará ademais cun contacontos e obradoiro realizados pola propia autora, Jessica Rodríguez Piñeiro

    Redacción
    Redacción

    A Biblioteca Municipal ‘Valle-Inclán’ de Redondela únese á conmemoración do Día Internacional da Eliminación da Violencia contra a Muller cunha actividade infantil ao redor do álbum ilustrado ‘Peúgo, o calcetín melenudo’, que terá lugar o vindeiro 25 de novembro, ás 18:30 horas.

    Trátase dunha proposta dirixida a nenas e nenos con idades comprendidas entre os 6 e 9 anos na que, a presentación do libro, vai acompañada dun contacontos e máis un taller, e que correrán a cargo da propia autora: Jessica Rodríguez Piñeiro, mestra do CEIP Plurilíngüe de Cedeira e nominada en dúas ocasións aos premios Educa-Mellor Docente de España.

    A actividade é totalmente de balde pero precisa inscrición previa na Biblioteca Municipal ou no teléfono 986 401561

    RELACIONADOS

    LIBROS

    O Meu Andel

    A pegada de «Ronsel»

    Manrique Fernández -
    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.
    O Meu Andel

    Dores Tembrás, «Enxertos»

    Manrique Fernández -
    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades
    O Meu Andel

    Queridos Reis Magos…

    Manrique Fernández -
    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.

    © 2015-2020 comarcasnarede.es Todos los derechos reservados