16 C
Pontevedra
Martes, 21 de Maio de 2024
Máis
    HomeÉ NoticiaA Deputación aproba as bases do programa de termalismo social ‘+Benestar’, que...

    A Deputación aproba as bases do programa de termalismo social ‘+Benestar’, que contará con máis de 2.100

    A institución provincial destina máis de 220.000 euros a esta iniciativa, que permitirá acceder ao turismo de saúde na súa dobre función de tempo de vacacións e tratamento sanitario

    O presidente da Deputación de Pontevedra, Luis López, anunciou esta mañá en rolda de prensa que a Xunta de Goberno da institución provincial acaba de aprobar as bases do programa de termalismo social +Benestar. Con esta iniciativa, que conta cun orzamento superior aos 220.000 euros, a Deputación facilitará o acceso de ata “2.127 persoas maiores da provincia ao turismo de saúde para que se poidan beneficiar da súa dobre función: como un tempo de vacacións e como tratamento sanitario”, sinalou o presidente provincial.

    A Deputación ofrecerá, tal e como explicou Luis López, “estancias de seis días e cinco noites nun hotel con balneario, talaso, spa ou instalacións similares” para estas máis de 2.100 persoas empadroadas na provincia que deben cumprir algún dos seguintes requisitos: ser maiores de 55 anos ou, no caso de non chegar a esta idade, contar cunha discapacidade superior ao 65 %, ser pensionistas ou ter acreditado un respiro familiar. 2.097 das prazas estarán subvencionadas con 100 € por parte da Deputación, e outras 30 resérvanse para persoas en risco de exclusión, cunha subvención de 400 € sobre o custo total.

    Luis López sinalou que +Benestar está dirixido a todos os concellos da provincia e que, nestes momentos, conta con 54 concellos que prestan a súa colaboración para facilitar ás persoas interesadas a realización dos trámites e axudas. Neste eido, o presidente adiantou que os concellos que o desexen poden solicitar adherise ao rexistro de municipios colaboradores cando así o consideren.

    Coa aprobación das bases, a Deputación porá en marcha en breve o procedemento para contratar a empresa encargada de executar o programa, e de cara ao verán “publicaremos as bases para que as persoas poidan solicitar praza para participar nun programa que, estamos convencidos, será dun grande éxito”, asegurou o presidente provincial.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.