13.7 C
Pontevedra
Sábado, 18 de Maio de 2024
Máis
    HomeBaixo MiñoO RosalIseo a Moura achegará ao público do Rosal contos sobre 'Amor, cortes...

    Iseo a Moura achegará ao público do Rosal contos sobre ‘Amor, cortes e feridas’ no xardín da Biblioteca

    A actividade, dirixida a público familiar a partir de 6 anos, será este venres 8 de outubro ás 19.00 horas

    Continúa a programación de actividades no xardín da Biblioteca Municipal do Rosal. Este venres 8 de outubro será a quenda e Iseo a Moura, que namorará a grandes e pequenos e pequenas cos seus contos sobre ‘Amor, cortes e feridas’, unha historia con momentos musicais sobre o importante de quererse a unha mesma para amar en liberdade. A actividade, de balde, vai dirixida a público familiar con nenos e nenas a partir de 6 anos. Comezará ás 19.00 horas con entrada libre ata completar aforo e, en caso de choiva, trasladarase á Liga.

    Con este contacontos, Iseo a Moura contrapón esta historia de amor ás demais coa aventura dunha sobreira que aprende que o amor comeza nunha mesma e só así consegue curar as feridas que lle causara a relación cos homes. ‘Amor, cortes e feridas’ son leccións importantes sobre todo o que nos une e nos diferencia.

    O Concello do Rosal organiza esta actividade ao abeiro do ‘Ler conta moito’, un programa de dinamización da lectura que busca achegar á veciñanza a lectura e a información dun xeito lúdico e atractivo a través dos centros que pertencen á Rede de bibliotecas públicas de Galicia.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.