Xoves, 12 Xuño de 2025

Arrancan as obras de reforma e adecuación das dependencias da policía local

Redacción
-
0
Arrancan as obras de reforma e adecuación das dependencias da policía local

Fai uns días iniciáronse os traballos para a Reforma e adecuación á norma das dependencias da Policía Local, a través dunha axuda por importe de 39.813,19 € da Vicepresidencia primeira e Consellería de Presidencia, Xustiza e Turismo da Xunta de Galicia.

Con esta reforma pretendese modernizar, ampliar e adecuar ás necesidades actuais as dependencias policiais, mellorando a zona de atención ao público e ampliando o espazo para oficinas. Tamen se habilitará un espazo para sala de reunións e dotaranse duns novos vestiarios.

En total pretendese ampliar as infraestruturas existentes ata os 183m2, con dúas oficinas, vestiarios diferenciados para homes e mulleres, almacén e sala de xuntas, empregando parte das vellas instalacións de Servizos Sociais.

Para o alcalde da Guarda, Antonio Lomba, esta é unha actuación moi importante, posto que ven a mellorar as condicións de traballo dos membros da Policia Local, nunhas instalacións que precisaban unha urxente rehabilitación e adaptación aos tempos que corren, o que permitirá prestar un mellor servizo a toda a cidadanía guardesa. Este proxecto está na liña de modernización das dependencias municipais que se ven producindo dende que se construiu o novo concello na casa dos Alonsos.

O orzamento desta licitación é de 47.00,94 € sen IVE (o orzamento con IVE é de 56.875,98 €). O prazo de execución das obras é de 45 días hábiles.

Rematados os traballos de mellora e adecuación do Camiño dos Quinteiros en San Estevo de Negros

Redacción
-
0
Rematados os traballos de mellora e adecuación do Camiño dos Quinteiros en San Estevo de Negros

O Concello de Redondela deu por rematadas as obras de mellora e adecuación do Camiño dos Quinteiros, na parroquia de San Estevo de Negros, traballos cos que se busca mellorar a accesibilidade viaria e, dese xeito, contribuír á mellora da calidade de vida da veciñanza que habita na zona de influencia dos traballos.

A actuación de mellora desenvolveuse nun treito de preto dos 500 metros (486,74) –entre o camiño de Negros e o Camiño da Lameira– e cunha largura media de 5,32 metros. Tal e como sinala o informe técnico, o camiño posuía unha capa de rodadura en aglomerado e atopábase cun alto grao de deterioro.

Tralos traballos previos de adecuación do sistema de drenaxe e saneamento de tramos de plataforma e estendido e compactado de zahorra, procedeuse ao estendido e compactado dunha capa de rodadura de 6 cm de espesor, segundo tramos, con mestura bituminosa en quente, incluíndo aplicación de rego de adherencia.

A superficie a pavimentar abrangueu todo o ancho da calzada dende o limite das propiedades, muros ou cunetas e, unha vez asfaltado, púxose á nova cota de tapas de pozos, reixas e arquetas de rexistro. As obras foron incluídas no Plan Marco: Mellora de camiños municipais de acceso a parcela agrícolas 2021-2022, promovido pola Axencia Galega de Desenvolvemento Rural (Agader).

A alcaldesa de Redondela, Digna Rivas, que visitou o estado das obas acompañada do concelleiro de Vías e Obras, Vicente Lamas, subliñou a importancia destas obras “que melloran as comunicacións, facilitan á vida á veciñanza e contribúen a vertebrar o municipio”.

“Non se trata de obras illadas –puntualiza a rexedora redondelá– senón dun plan global que desenvolve a Concellería de Vías e Obras e que ten como finalidade que as nosas parroquias poidan contar cunhas estradas e camiños adecuados ás necesidades dos veciños”.

Nigrán organizará unha ofrenda floral polo 85 aniversario de ‘A volta dos nove’

Redacción
-
0
Nigrán organizará unha ofrenda floral polo 85 aniversario de ‘A volta dos nove’

Imaxe de arquivo da inauguración do monumento de homenaxe á Volta dos nove

O Concello de Nigrán conmemorará un ano máis este venres 15 de outubro ás 12:00 horas o 85 aniversario dos tráxicos asasinatos coñecidos como ‘A volta dos nove’. Así, nun acto aberto aberto á participación da veciñanza e coa presenza de familiares dos represariados, o alcalde de Nigrán realizará unha ofrenda floral ante o seu monumento no ‘Xardín da Memoria’ de Panxón, espazo inaugurado no 2016 e que consta dunha escultura en pedra con 9 cruces referidas aos nove asasinados e tamén sendas placas que os recorda a eles, as súas mulleres, e a Dolores Samuelle, asasinada por axudar aos ‘Ineses’.

O Concello de Nigrán celebra cada ano desde 2015 o Mes da Memoria Histórica facéndoo coincidir precisamente coa coñecida como ‘Volta dos Nove. O suceso tivo lugar o 15 de outubro de 1936, cando se executaron a nove veciños do Val Miñor (cinco deles de Panxón) como vinganza e represión dos falanxistas polo suceso do día anterior en Sabarís, cando no asalto das forzas nacionais á casa dos irmáns republicanos “Os Ineses” morreron estes, a súa asistenta Dolores Samuelle e tamén un dos falanxistas. Horas despois os partidarios do golpe de estado colleron a nove veciños do Val Miñor detidos na prisión do Frontón, en Vigo, e como vinganza, os fusilaron na curva de A Bombardeira, en Baiona. Durante máis de 40 anos nove cruces apareceron pintadas nese punto como recordo dos falecidos e, aínda que as borraban e buscaron con esmero aos autores, estas sempre volveron a ser debuxadas. Hoxe o lugar é un espazo para a memoria e as cruces se manteñen, agora impresas, como recordo de todo aquelo que sucedeu.

A Deputación enche a provincia de lecer esta fin de semana

Redacción
-
0
A Deputación enche a provincia de lecer esta fin de semana

A Deputación de Pontevedra mantén a súa firme aposta pola cultura e o deporte cunha interesante oferta de lecer na que leva actividades a cinco concellos da provincia. Serán Vigo, Silleda, Soutomaior, Poio e A Guarda os que acollerán, ata o domingo, programas provinciais como “Musigal”, “Tornar as Táboas”, “Visitas Caracterizadas”, “DepoRutas BTT” e unha nova cita dos “Rías Baixas Film Fest”, a protagonista indiscutible da fin de semana.

O Festival de Cine Inclusivo está a facer de Vigo o punto de encontro dos amantes da sétima arte. Incluído na marca da Deputación, baixo a que se agrupan os eventos máis destacados do audiovisual, o certame dá a coñecer, apoia e valora os proxectos cinematográficos realizados por e para a inclusión, a igualdade e a difusión universal do cine. Dedica a súa sexta edición á saúde mental, e conta na súa programación con actividades paralelas ás proxeccións que crean conciencia sobre a inclusión no seu aspecto máis amplo. Os “Rías Baixas Film Fest” completarán o seu cartel co festival “Novos Cinemas”, que terá lugar  do 14 ao 19 de decembro. Polo demais a fin de semana encherá de música o concello de Silleda coa programación de “Musigal”. Será o domingo 17, ás 19.30, co concerto de Odaiko.  A Deputación tamén reafirma o seu interese de achegar as artes escénicas aos concellos con outras dúas sesións de “Tornar as táboas”. O venres 15, ás 20.30, ButacaZero ofrecerá o seu espectáculo “Velliñas” en Poio e, o domingo 17, ás 21.00, será a quenda de A Tropa de Trapo, que interpretará “Catro monos” en Soutomaior. Finalmente, no eido do deporte, terá lugar o domingo a última das “DepoRutas BTT”, o programa provincial que fomenta os hábitos saudables a través da practica da actividade física e o contacto coa natureza. Será a quenda da Ruta da Costa do Atlántico, na Guarda, e como as anteriores, tratarase dunha ruta neutralizada e sinalizada na que os/as participantes deberán seguir o itinerario e ritmo marcados pola organización.

Tomada de Posse do Novo Executivo e Assembleia Municipal de Valença

Redacción
-
0
Tomada de Posse do Novo Executivo e Assembleia Municipal de Valença

Os novos titulares da Câmara e Assembleia Municipal de Valença tomam posse em 18 de outubro, segunda-feira, às 10h30, no auditório do C.I.L.V. – Centro de Inovação e Logística de Valença / E.S.C.E.. José Manuel Carpinteira será o novo Presidente do Executivo Municipal.

O Executivo Municipal será constituído por 3 vereadores eleitos pelo PS, 2 eleitos pelo PSD e 2 eleitos por JMFV – Fortalecer Valença.

A Assembleia Municipal será constituída por 10 eleitos pelo PS, 6 pelo PSD, 4 por JMFV, 1 do Nós, Cidadãos e pelos 11 presidentes de junta.

As Juntas de Freguesia contam com 6 presidentes eleitos pelo PSD, 3 do grupo JMFV e 2 do PS. Relativamente às Assembleias de Freguesia 37 elementos foram eleitos nas listas do PSD, 27 na do PS, 17 no grupo JMFV, 5 pelo Nós, Cidadãos e 1 pelo Remar por São Pedro da Torre.

A cerimónia de tomada de posse dos novos órgãos autárquicos de Valença é publica, aberta a todos os interessados e contará com a presença de diversas entidades da euro-região.

Executivo Municipal

  • PS (José Manuel Carpinteira, Ana Paula Xavier e Arlindo Sousa)
  • PSD (Manuel Rodrigues Lopes e Elisabete Domingues)
  • JMFV (José Monte e Rui Rodrigues)

Assembleia Municipal

  • PS (José Cerqueira, Dora Guterres, Óscar Silva, Luís Amorim, Ana Moreira, Vítor Oliveira, Luís Coelho, Maria Pereira, Orlando Oliveira e Filipe Taveira)
  • PSD (Alberto Vilas, Inês Ferreira, Paulo Esteves, Aurélia Correia, Jorge Rodrigues e Liliana Cerqueira)
  • JMFV (Sebastião Alves, Paula Natal, Manuel Ferreira e Carla Conde)
  • NC (José Nogueira)

Presidentes de Junta

  • Boivão: Jorge Fagundes
  • Cerdal: Carlos Pereira
  • Fontoura: André Rodrigues
  • Friestas: Álvaro Alves
  • Ganfei: Armando Fernandes
  • São Pedro da Torre: Cristóvão Pereira
  • Gandra e Taião: Isídro Sousa
  • Gondomil e Sanfins: Paulo Pacheco
  • São Julião e Silva: Alexandre Lagoa
  • Valença, Cristelo Côvo e Arão: Diogo Silva
  • Verdoejo: José Roda

José Manuel Carpinteira – Curriculum

Engenheiro químico de formação e gestor empresarial de profissão, José Manuel Carpinteira, de 62 anos, residente em Valença, desempenhou desde 2015 até outubro de 2021, a função de Deputado à Assembleia da República, onde integrou a Comissão de Ambiente, Energia e Ordenamento do Território, tendo sido coordenador do Grupo de Trabalho – Audiências.

Foi Presidente da Câmara Municipal de Vila Nova de Cerveira, de 1989 a 2013, onde estabeleceu uma trajetória autárquica de grande sucesso, tendo sido protagonista de um projeto de desenvolvimento económico, social e cultural que culminou com a atribuição do epíteto de Vila das Artes a este município vizinho.

Desempenhou, ainda, as funções de Presidente da Fundação da Bienal de Arte de Cerveira, administrador de Empreendimentos Eólicos Cerveirenses, SA, vogal do Executivo da Região de Turismo do Alto Minho e presidente da Federação Distrital do PS de Viana do Castelo.

Trasladada unha persoa tras un accidente no Porriño

Redacción
-
0
Trasladada unha persoa tras un accidente no Porriño

Unha persoa resultou ferida e tivo que ser trasladada tras unha colisión entre dous vehículos, na localidade do Porriño.

O sinistro tivo lugar ás nove da noite de onte, cando o 112 Galicia recibiu a chamada dos servizos médicos para alertar do acontecido. O alcance entre os dous coches produciuse en Pontellas, na estrada que une Torneiros con Mosende.

Para acudir ao punto, desde o Centro Integrado de Atención ás Emerxencias de Galicia (CIAE-112) déuselle aviso á Garda Civil de Tráfico, á Policía Local e aos Bombeiros e membros de Protección Civil do concello.

Finalmente, Protección Civil do Porriño comunicoulle ao 112 que unha persoa necesitou ser trasladada.

Román Rodríguez anima ao sector a adherirse ao Bono Cultura da Xunta para impulsar a súa actividade

Redacción
-
0
Román Rodríguez anima ao sector a adherirse ao Bono Cultura da Xunta para impulsar a súa actividade

O conselleiro de Cultura, Educación e Universidade, Román Rodríguez, animou ao sector cultural a adherirse ao Bono Cultura, o programa da Xunta de Galicia que ofrece descontos en compras ou na utilización de servizos culturais entre o 1 de novembro e o 31 de decembro.

Nun encontro con representantes do mundo editorial, a música, o audiovisual e as artes escénicas, entre outros, Román Rodríguez agradeceu o seu esforzo nestes últimos meses no que a actividade continuou, adaptada a novos formatos, a pesares da pandemia. Agora, ante a mellora da situación sanitaria, cualificou de oportunidade o Bono Cultura, que mobilizará 4M€ entre establecementos e entidades culturais de Galicia. “Queremos que se converta nun revulsivo para o sector cultural galego e nun impulso definitivo para favorecer a saída da crise provocada pola Covid-19”, declarou o conselleiro.

Como informou, o vindeiro luns 18 de outubro publicarase no Diario Oficial de Galicia a orde na que se detallarán todos os requisitos avanzados no encontro. Así, as entidades adheridas, cuxos clientes poderán beneficiarse do bono, terán como requisito ser persoas físicas ou xurídicas que se dediquen á venda de produtos e bens culturais en Galicia, centros ou locais públicos ou privados destinados á exhibición de produción cultural (salas de cine, teatros e auditorios, salas de concertos, salas de exposicións…), así como museos casas-museo ou asimilados tanto de titularidade pública como privada e asociacións, entidades e fundacións de carácter cultural que ofrezan produtos culturais.

Tamén deberán estar dados de alta nalgún dos preto de 20 grupos ou epígrafes do Imposto sobre Actividades Económicas (IAE) recollidos na orde da convocatoria Bono Cultura que se detallarán no DOG. As empresas disporán do prazo de un mes para inscribirse no programa a partir do martes día 19, trámite que deberán facer desde a web bonocultura.gal, que se habilitará nos próximos días con este propósito.

Deste esta mesma web, e a partir do 1 de novembro, os usuarios poderán descargar o seu bono para consumir nos establecementos e entidades adheridas. En total, poñeranse en circulación un total de 39.000 bonos para residentes en Galicia maiores de 18 anos.

Sen límite de idade

Con esta iniciativa -que conta cun orzamento de case 2M€- cada usuario poderá obter un bono desconto por valor de 50€ para gastar nos establecementos e servizos adheridos á iniciativa. En cada compra, o cliente obterá un desconto do 50%. Ata o 31 de decembro, poderá usar o bono tantas veces como desexe ata esgotar o crédito dispoñible.

Os bonos poderán empregarse para a compra de produtos como música gravada en CD ou vinilo, produtos audiovisuais como películas ou series en formato físico, libros ou videoxogos, entradas para calquera tipo de institución cultural (museo, casa-museo…) ou para salas de cine, concertos de música e espectáculos escénicos, entre outras.

Poderá facerse co Bono Cultura da Xunta calquera persoa maior de idade que teña a súa residencia en Galicia. A descarga realizarase a partir do 1 de novembro a través da web bonocultura.gal, que estará habilitará nos próximos días. Desde ela emitirase o bono en formato dixital a través dun código QR. Na mesma web tamén se informará das entidades adheridas. O período de validez dos bonos será do 1 de novembro ao 31 de decembro.

Webinario aberto á cidadanía

A Consellería de Cultura, Educación e Universidade manterá nos próximos días máis reunións sectoriais para informar a todos os interesados sobre o Bono Cultura e porá en marcha unha campaña informativa entre a cidadanía. Ademais, organizará un webinario aberto a todos os establecementos, servizos e entidades interesados en adherirse. Anunciarase nas redes sociais de Cultura da Xunta, desde onde poderá seguirse.

Ibuprofeno Teatro presenta “O Mel non caduca” este venres no Teatro Municipal

Redacción
-
0
Ibuprofeno Teatro presenta “O Mel non caduca” este venres no Teatro Municipal

Marián Bañobre e Avelino González protagonizan “O Mel non caduca” a comedia que Ibuprofeno Teatro presenta este venres, 15 de outubro, ás 21.30 h no Teatro Municipal de Tui dentro da programación de outono.

Trátase dun espectáculo ambientado no universo das abellas e do mel que explora a relación do ser humano cos obxectos, a degradación ecolóxica do planeta, e a obsolescencia programada, tanto dos produtos coma das persoas. 

Santiago Cortegoso é o autor e director desta peza teatral na que dous irmáns volven á casa familiar na aldea tras a morte da súa nai e cómo xestionar as pertenzas familiares fai aflorar o conflito entre os dous.

A peza teatral recibiu o premio de Mellor Actor, no Festival de Teatro Galego Celso Parada, e foi candidata á categoría de Mellor Actor nos XXIV Premios Max.

As entradas están en venda en www.tui.gal aos prezos de 8€ e 6€ até o venres ás 20.30 h.

Coas novas medidas que entraron en vigor o pasado sábado o aforo do teatro amplíase até o 85% é dicir, 470 butacas. Cómpre lembrar que en www.tui.gal están á venda xa as entradas para todos os espectáculos da programación de outono.

O Mel non caduca

Ibuprofeno Teatro

Ibuprofeno Teatro foi fundada en 2010 por Santiago Cortegoso e Marián Bañobre para sacar adiante proxectos de xeito independente.

Comezaron con catro espectáculos de pequeño formato – “A filla de Woody Allen”, “Pequenos Actos Pseudorrevolucionarios”, “Fitness” e “O Furancho” – aos que seguiron “Raclette” e “Casa O’Rei”.

“Cinema marabillas” chega a Redondela

Redacción
-
0
“Cinema marabillas” chega a Redondela

A Biblioteca Municipal Xela Arias de Chapela, en Redondela, ofrecerá mañá xoves un espectáculo idóneo para un público familiar, tanto para nenos como para adultos.

Chega o “Cinema marabillas“, coa actriz e contadora Raquel Queizás, mañá xoves 14 de outubro ás 18:30 horas, no auditorio do Multiúsos de Chapela “Xela Arias”.

Cinema Marabillas é un espectáculo audiovisual que nos achegará ás primeiras adaptacións cinematográficas inspiradas nos contos marabillosos, e nos libros clásicos da literatura. O cinema mudo como un recurso máis para narrar historias, onde aventura, humor, misterio, tenrura, maxia e fantasía están moi presentes: porque o cinema mudo tamén se le.

  • Para nenas e nenos a partir de 5 anos, acompañados das súas familias.
  • Para poder ser partícipe do espectáculo, é necesaria a previa inscrición. A inscrición pode realizarse a través do número de teléfono da Biblioteca Xela Arias: 986 454 226 ou do enderezo electrónico: [email protected].

 

O Museo presenta unha denuncia polas pintadas aparecidas no edificio Fernández López

Redacción
-
0
O Museo presenta unha denuncia polas pintadas aparecidas no edificio Fernández López

O Museo de Pontevedra vén de formalizar hoxe a denuncia en Comisaría polas pintadas aparecidas na noite do luns ao martes no edificio Fernández López, un inmoble que pertence ao conxunto declarado Ben de Interese Cultural (BIC).

Segundo manifesta a dirección do Museo, o protocolo activouse xa no día de onte pola mañá, cando tras comprobar o sucedido os feitos foron postos en coñecemento da Policía de maneira verbal. Non foi ata hoxe a primeira hora cando se formalizou a denuncia por escrito fisicamente nas instalacións policiais, onde se entregaron fotografías dos danos para a tramitación por parte da brigada xudicial que se encarga de levar as cuestións de Patrimonio.

Dende o Museo xa se deu orde para a limpeza das pintadas, mais esta non se realizará de maneira inmediata á espera de que poida ser necesaria unha inspección ‘in situ’ que complemente ás imaxes fotográficas.

“Tristura infinita” foi a expresión utilizada dende a institución museística para cualificar os danos, que practicamente afectaron á totalidade da parede do edificio Fernández López na que se bifurcan as rúas Pasantería e Laranxo, cun graffiti central e varias palabras e firmas rodeándoo. A aparición de pintadas nos inmobles do Museo tivo acontecido noutras ocasións, máis non coas dimensións da que apareceu trala madrugada de onte martes.

Alcaldesa e goberno local retoman as reunións polas parroquias

Redacción
-
0
Alcaldesa e goberno local retoman as reunións polas parroquias

A alcaldesa de Mos, Nidia Arévalo, anunciou hoxe que mañá retomaranse as habituais reunións do goberno local polas parroquias, tras máis de ano e medio de crise sanitaria da Covid-19.

Ven sendo de habitual desde que Arévalo é rexedora local mosense a realización dunha ronda anual de xuntanzas polas 10 parroquias do muncipio, co obxectivo de recoller e tomar notas das suxerencias, demandas e necesidades da veciñanza.

A iniciativa, que antano levou por nome ‘A alcaldesa responde na túa parroquia’, leva a alcaldesa e concelleiros/as aos diferentes locais parroquiais co obxectivo de comentar proxectos de futuro de interese para cada parroquia e repasar proxectos acometidos, en marcha, ou pendentes; así como abordar prioridades e necesidades a ter en conta.

Imaxe dunha das últimas reunións celebradas nas parroquias en 2019, antes do inicio da pandemia da COVID-19.

Sobre a recuperación desta ferramenta de comunicación directa coa veciñanza, Nidia Arévalo declaraba esta mañá sentirse “moi leda e satisfeita de retomar as reunións do equipo de goberno polas parroquias e poder charlar fronte á fronte cos meus veciños e veciñas sobre temas de gran interese tanto para eles como para a administración local mosense, tras máis dun ano e medio afastados e comunicándonos desde a distancia que nos marcaban os protocolos sanitarios. E de poder retomar estas xuntanzas nunha situación moito máis optimista respecto da pandemia e con medidas de prevención xa máis suaves”.

Todas as reunións celebraranse ás 20.00 horas da tarde para que non interrompan nin coincidan coa xornada laboral da veciñanza. E a parroquia pola que comezarán mañá será a de Guizán, onde o local do Plantel será esceario da xuntanza. A seguinte reunión programada é a da parroquia de Sanguiñeda, que se celebrará o vindeiro xoves, 21 de outubro. As xuntanzas iranse programando semanalmente a razón de unha ou dúas reunións por semana, ata completar as 10 parroquias.

O Sergas impulsa o primeiro ensaio clínico con medicamentos CAR-T en Galicia

Redacción
-
0
O Sergas impulsa o primeiro ensaio clínico con medicamentos CAR-T en Galicia

O conselleiro de Sanidade, Julio García Comesaña; o director xeral do Hospital Clínic de Barcelona, Josep María Campistol; e a xerente de Galaria, Empresa Pública de Servizos Sanitarios, Rocío Mosquera, asinaron esta mañá un convenio de colaboración para impulsar o primeiro ensaio clínico con medicamentos CAR-T de Galicia. Na sinatura tamén estivo presente o xerente do Sergas, José Flores Arias.

Grazas a este acordo, o departamento sanitario galego e o Hospital Clínic traballarán xuntos nun ensaio clínico pioneiro na nosa comunidade, que se desenvolverá nunha primeira etapa no Hospital Clínico Universitario de Santiago, e que ten como obxectivo estenderse a outros centros asistenciais da comunidade.

Tal e como destacou García Comesaña no acto, con esta sinatura séntanse as bases para desenvolver o primeiro ensaio clínico dunha terapia CAR-T en Galicia para tratar cancros oncohematolóxicos. Apostamos, polo tanto, por esta nova xeración de fármacos de inmunoterapia avanzada no que significa un chanzo importante na atención personalizada a estes pacientes, -sinalou o conselleiro-.

Esta terapia, na que o colaborador do Sergas neste convenio é especialista e pioneiro en Europa, sérvese de medicamentos de alto impacto clínico e asistencial que, nalgúns casos, acadan unha taxa de resposta do 80%, e pode conseguir que o sistema inmune do paciente recupere, mediante técnicas de modificación xenética, a capacidade de recoñecer e destruír de forma selectiva as células tumorais. Neste senso, a propia American Society of  Clinical Oncology recoñeceu o alto potencial das terapias CAR-T como “avance do ano”.

Ao respecto, o director xeral do Hospital Clínic de Barcelona, Josep María Campistol, gabou a aposta da Xunta por avanzar nestes tratamentos innovadores e o desenvolvemento do futuro Centro de Produción de Medicamentos  CAR-T de Galicia; relatando a súa experiencia en ensaios clínicos pioneiros na materia e amosando o seu compromiso a traballar xuntos a partir deste convenio.

O conselleiro de Sanidade indicou que, grazas a este convenio, dase un paso máis na nosa aposta por situar a Galicia na vangarda da investigación e da produción de tratamentos avanzados; esforzos que se plasmaran na posta en marcha do Centro de Produción de Medicamentos CAR-T, que segundo as súas previsión ultimará a súa posta en marcha no primeiro semestre de 2022.

O centro, emprazado en Santiago de Compostela en virtude do acordo asinado coa Universidade de Santiago o pasado mes de maio, contará tamén cunha Unidade de Investigación que levará a cabo proxectos que permitan o impulso de novas terapias celulares, que serán elaboradas no centro de fabricación e, posteriormente, aplicadas aos pacientes do sistema sanitario público.

Suspensión temporal do subministro de auga en Priegue

Redacción
-
0
Suspensión temporal do subministro de auga en Priegue

O Concello de Nigrán avisa da suspensión temporal do subministro de auga en Priegue, mañá día 14 de outubro. O horario previsto do corte será entre as 9:00 e as 18:00 horas.

Esta suspensión é consecuencia da execución de traballos de mantemento na rede de distribución de auga, as zonas afectadas serán: A Cova, Prado, O Rial, Paraviñabal, Sancho, Rabadeira, A Raña, A Barcalleira, Abetos, Albores Pequeno, Albores Grande, As Chans, A Regueira, As Rexas.

As Festas de Outuno e do Pilar encheron O Rosal durante a ponte

Redacción
-
0
As Festas de Outuno e do Pilar encheron O Rosal durante a ponte

As Festas de Outono que organizou o Concello do Rosal durante a ponte do Pilar foron un éxito. Cerca dun milleiro de rosaleiros e rosaleiras desfrutaron na céntrica prazo do Calvario das catro actuacións para todos os públicos que se prolongaron de domingo a martes. A alcaldesa, Ánxela Fernández, destacou os grandes resultados dunha programación “completa e que volveu demostrar que a cultura é segura”. A rexedora expón que con estas actuacións no Concello queren “manter as rúas activas e vivas para reactivar os noso sector cultural e tamén dar un pulo a nosa economía”.

As Festas comezaron cun sentido homenaxe aos irmáns José e Emilio Flores,  dúas persoas que interviñeron moi activamente na formación persoal e musical de moitos veciños e veciñas, por parte de Xistra e convidados. Cerca de douscentas persoas asistiron a esta actuación para dous rosaleiros que participaron e crearon colectivos que abranguen calquera manifestación de música popular galega e que cunha soa gaita foron quen de ensinar e divertir a todo un pobo.

O luns a música rockeira e galega de The Tetas Van foi a encargada de por o ritmo na praza, mentres que o martes tres espectáculos puxeron o broche final ás Festas de Outono. Pola mañá houbo un pasarrúas co grupo de percusión e música tradicional Trebón dos Xidos, e pola tarde foi a quenda de Teatro Ó Cubo que, co seu divertido espectáculo inspirado nun circo ambulante, congregou a 200 persoas, sobre todo nenos nenas. A música foi o punto e final da programación co concerto Con Fusión con Píscore e a Banda da Agrupación, unha mestura de música, teatro, humor, comedia xestual e clown que marabillou ás máis de 400 persoas que ateigaron a praza do Calvario na noitiña de onte.

O Concello de Nigrán conmemora con Avelaíña o Día Mundial da Saúde Mental

Redacción
-
0
O Concello de Nigrán conmemora con Avelaíña o Día Mundial da Saúde Mental

O Concello de Nigrán uníuse á conmemoración do Día Mundial da Saúde Mental iluminando de verde este domingo 10 de outubro a fachada da Casa Consistorial e acollendo esta mañá na Praza do Concello unha mesa informativa a cargo de Avelaíña para divulgar o traballo que realizan e os recursos que hai na comarca. Asimesmo, Julia Rodríguez, nai dunha persoa usuaria de Avelaíña, leu un manifesto para sensibilizar e informar sobre a importancia do coidado da saúde mental e en defensa dos dereitos das persoas que teñen algún problema desta índole. Este ano, o tema elixido a nivel mundial é a saúde mental nun mundo desigual, chamando a atención sobre aqueles factores que impiden que o seu coidado poida chegar a todas as persoas en igualdade de condicións.

Baixo o lema “saúde mental, un dereito necesario”, preténdese denunciar as desigualdades que existen ao redor da saúde mental e que poden ocorrer por diversos motivos (económicos, por idade, por xénero, por educación ou por lugar xeográfico), así como reivindicar a importancia de que a atención á saúde mental sexa igual para todas as persoas. Ademais, o lema pretende concienciar sobre o feito de que a saúde mental afecta a todo o mundo e que, por iso, todos e todas debemos coidala.

Asociación Avelaíña

A Asociación Avelaíña é unha entidade sen ánimo de lucro que nace no ano 1997 na comarca do Baixo Miño, coa misión de potenciar a inclusión das persoas con problemas de saúde mental mediante a promoción da súa calidade de vida e a dos seus familiares. Foi declarada Entidade de Utilidade Pública no ano 2010.

Tras 24 anos de andadura, na actualidade a asociación está integrada por 17 profesionais e máis de 400 persoas socias con enfermidade mental, familiares, coidadores e persoas sensibilizadas ante este problema de saúde. Sendo o seu ámbito de actuación a provincia de Pontevedra, hoxe en día Avelaíña está presente no Baixo Miño, no Val Miñor, no Condado, na Paradanta e en Salceda de Caselas e conta con numerosos convenios e concertos con organismos públicos, promovendo aquelas intervencións na área da saúde mental non cubertas polas institucións existentes e procurando unha mellor relación entre a persoa e o seu medio.

Charlas informativas sobre compostaxe este xoves e venres na aula CEMIT de Tui

Redacción
-
0
Charlas informativas sobre compostaxe este xoves e venres na aula CEMIT de Tui

Explicar o Plan Municipal de Compostaxe do Concello de Tui será o obxectivo das dúas charlas informativas previstas para mañá xoves e o venres na aula CEMIT, na Área Panorámica, a cargo da mestra composteira Sara Luque. Son charlas abertas a toda a cidadanía nas que se solucionarán todo tipo de dúbidas.

Será mañá xoves ás 19 h e o venres ás 11 h. Nas mesmas explicarase o Plan Municipal de Compostaxe, como compostar en composteiros individuais ou nos centros de compostaxe comunitaria. Tamén se resolverán dúbidas sobre que se pode votar nos composteiros, cómo facelo, coma é o proceso…

Previamente mañá xoves, de 9.30 a 13.30 h, haberá un posto informativo sobre compostaxe no mercado semanal, no que as persoas que se acheguen poderán resolver as súas dúbidas, levar un agasallo ou unha bolsa con compost.

Centro de Compostaxe Comunitaria prolongación rúa Casal Aboy

Tui conta nestes momentos con catro centro de compostaxe comunitaria situados na traseira da Área Panorámica, na rúa Tenencia, a carón da praza de abastos, e na prolongación da rúa Casal Aboy.

No Plan Municipal de Compostaxe figuran rexistrados máis de 200 composteiros individuais unha cifra que se incrementará até finais de ano xa que está previsto repartir 300 composteiros máis entre a poboación que o solicite.

Ledicia Costas visitará o Club de Lectura da Biblioteca de Ponteareas

Redacción
-
0
Ledicia Costas visitará o Club de Lectura da Biblioteca de Ponteareas

A escritora Ledicia Costas visitará o vindeiro día 20 de outubro o Club de Lectura da Biblioteca Municipal de Ponteareas para falar coas persoas asistentes dunha das súas obras máis importantes: Infamia, a novela coa que o grupo retomou a actividade en setembro. O concelleiro de Cultura, Fernando Groba, destaca a visita “dunha marabillosa autora da literatura galega infantil e adulta”, e afirma que os membros do club teñen “unha gran oportunidade para reflexionar sobre a escritura cunha muller da que poden aprender moito”.

As actividades do Club de Lectura enmárcanse dentro do programa de animación á lectura para adultos que realiza a Concellaría de Cultura. Durante estas xuntanzas as e os membros debaten sobre a obra escollida, sobre o seu estilo literario, a propia acción, os personaxes, a temática… ou incluso sobre experiencias persoais evocadas por cada un dos e das participantes durante a lectura. “Non se trata dunha reunión de especialistas en literatura, senón de persoas ás que lle gusta ler e que atoparán no Club o pracer da lectura compartíndoa con outros veciños e veciñas”, explica Fernando Groba.

Ledicia Costas unírase o vindeiro 20 de outubro á longa lista de creadores como Francisco Castro, Alfonso Pexegueiro, Xavier Quiroga, Santiago Lopo,  Juan José Lago Pereira, Juan Xosé Pérez Labaca… que ademais de analizar unha das súas obras, compartiron co Club de Lectura a súa experiencia sobre o mundo do libro e a literatura.

A escritora viguesa é unha das máis recoñecidas do panorama actual da literatura galega. Acumula 20 recoñecementos literarios, entre eles, o Premio Nacional de Literatura Infantil e Xuvenil en 2015, pola súa obra “Escarlatina, a cociñeira defunta”, dous Premios Lazarillo, é a única escritora galega que acadou este recoñecemento dúas veces, e un Premio Merlín de Literatura Infantil. O concelleiro destaca ademais que é a autora máis traducida a outras linguas e unha firme candidata a conseguir o primeiro Nóbel de literatura para a nosa lingua.

As persoas interesadas en participar no Club de Lectura deben poñerse en contacto coa Biblioteca Municipal de Ponteareas chamando ao 986 660 765 ou enviando un correo electrónico ao enderezo [email protected].

A piscina municipal de Vila Nova de Cerveira retoma a súa actividade con normalidade

Redacción
-
0
A piscina municipal de Vila Nova de Cerveira retoma a súa actividade con normalidade

Despois de ano e medio pechada ou con actividade restrinxida por mor da COVID-19, a piscina municipal de Vila Nova de Cerveira retomou xa a súa actividade habitual con normalidade. Ademais de acceder aos baños libres, como se viña mantendo dende o pasado mes de maio, agora as persoas interesadas poderán acceder tamén ás clases temáticas en todos os niveis.

Deste xeito a piscina xa ten activa toda a programación de actividades que ofertaba antes da pandemia, aínda que mantendo todas as medidas de seguridade e hixiene. O horario de funcionamento será de 07.30 a 21.00 horas de luns a venres e de 09.00 a 19.00 horas os sábados.

O proceso de reapertura das instalacións foi progresivo para garantir a seguridade de toda a veciñanza. As persoas interesadas en regresar á piscina ou en inscribirse por primeira vez poden facelo chamando ao teléfono +351 251 708 025 ou dirixíndose directamente ao punto de atención da piscina, onde poderá informarse tamén de todas as actividades e horarios.

A alcaldesa de Tomiño, Sandra González, manifesta a súa satisfacción pola volta á normalidade nas piscina de Cerveira, á que acoden moitos tomiñeses, e fai un chamamento a cumprir todas as normas estipuladas para o uso e desfrute das instalacións. 

Baiona reinvindica o seu papel de ligazón entre o universo hispano e o continente europeo e o resto do mundo

Redacción
-
0
Baiona reinvindica o seu papel de ligazón entre o universo hispano e o continente europeo e o resto do mundo

Baiona converteuse no escenario da celebración do Día da Hispanidade na Provincia de Pontevedra. A Praza do Concello acolleu o acto protocolario organizado conxuntamente polo Concello de Baiona e a Deputación de Pontevedra. Entre os asistentes á celebración da efeméride, ademais de alcalde, Carlos Gómez Prado; atopábanse: a presidenta da Deputación de Pontevedra, Carmela Silva, o cónsul xeral de Uruguai en Galicia, Ramiro Rodríguez, en representación do corpo consular de Vigo entre outros moitos diplomáticos e autoridades militares. Entre os asistentes tamén estaba a corporación do Concello de Baiona, ex alcaldes e demais autoridades locais da Vila.

O acto de celebración celebrouse na praza do Concello, e presentou un marcado trazo cultural. “Ambos os matices non son baladíes, senón que responden a unha nova folla de roteiro marcado polo Concello: A de achegar os actos institucionais á nosa cidadanía para que todos e todas podamos gozar da celebración deste día sinalado”, destacou o alcalde.

O rexedor de Baiona, Carlos Gómez, reivindicou a unión entre os pobos co seu discurso. Tamén destacou que “En Baiona nace un vencello entre as dúas beiras do Atlántico que se mantén firme ao longo dous séculos. Desde Baiona están a sentar as bases para que entre todos e todas podamos achegar máis cábese ou universo hispano ao mundo. Temos a responsabilidade política e institucional, con ocasión do fito do encontro entre culturas, de apostar por un proxecto de futuro que achegue aos pobos colombinos ao resto do mundo, temos que seguir estreitando lazos con América. É un momento non que debemos estar mais unidos ca nunca. Temos ante nos uns novos retos por diante vos que debemos enfrontarnos con espírito de solidaridade. Estamos a vivir unha situación complexa non político-social, e como representantes políticos e institucionais debemos comprometernos e unirnos para superar xuntos estes duros momentos que nos tocaron vivir”.

O rexedor destacou no seu discurso que “Baiona e vos seu Alcalde quere humildemente representar ese lazo de unión entre Europa, Hispanoamérica e ou resto do mundo. Queremos promover unha Festa dá Hispanidade que nos reconcilie cos nosos irmáns, esquecéndonos dous desencontros entre dous grandes continentes e que nos permita exaltar valóresvos de convivencia, de respecto ás identidades culturais, de compromiso firme na defensa do progreso, do benestar e dá paz. Penso que esas circunstancias deixaron unha pegada decisiva na nosa personalidade colectiva. Neles trunfa a vontade humana sobre vos elementos. E vontade é ou que temos dende Baiona para capitanear un proxecto europeo de futuro que achegue vos pobos colombinos ao resto do mundo. Non esquezamos as leccións deste día que a historia quixo situar en Baiona. A vontade dous pobos é unha forza irresistible cando ponse en marcha. Vos países e as nacións son fortes cando teñen grandes obxectivos e vos perseguen con decisión. Velaí a mensaxe que nos chegou coa viaxe de Colón a América”.

O alcalde de Baiona foi o encargado de dar a benvida ao municipio e de abrir co seu discurso a quenda de intevervenciones. A continuación interveu o cónsul xeral de Uruguai en Galicia, Ramiro Rodríguez, en representación do corpo consular de Vigo. Carmela Silva, presidenta da Deputación de Pontevedra, foi a encargada de pechar as intervencións.

A nota musical da celebración do día da Hispanidade púxoa a actuación de “Mulleres de Ultramar” que interpretou a canción “Grazas á Vida” da cantautora Violeta Parra.

A Concellería de Cultura do Concello de Baiona deseñou unha programación con motivo da celebración do día da Hispanidade: “Ritmos da Hispanidade”.

A Concellería de Cultura deu un paso máis na celebración desta efeméride e programou un concerto tras o acto institucional. Ás 19:30 horas a cidadanía puido gozar do concerto de “Mujeres de Ultramar”, unha viaxe musical polos ritmos latinoamericanos a través dos repertorios de grandes mulleres compositoras e intérpretes da historia da música latina.

Todas as actividades tiveron lugar na Praza do Concello cumprindo con todas as medidas de seguridade sanitarias.

Novo seminario da Facultade Ágora baixo o título ‘Localidades atractivas’

Redacción
-
0
Novo seminario da Facultade Ágora baixo o título ‘Localidades atractivas’

O papel do espazo público e a súa influencia na vitalidade económica das cidades será o tema central do novo seminario da Facultade Ágora que se celebrará este venres baixo o título ‘Localidades atractivas’. Na xornada, á que están citadas máis de 200 persoas representantes políticas e técnicas dos concellos da provincia de Pontevedra, participarán como integrantes do corpo docente persoeiros tan relevantes do ámbito internacional como o urbanista Jeff Speck, o catedrático en Economía José Luís García Delgado ou o enxeñeiro pontevedrés Jesús Gómez Viñas.

Sobre a mesa poranse as teses de que as cidades cun espazo público de calidade son as preferidas por quen pode elixir onde vivir e de que a creación ou redeseño de espazos públicos xeran cidades creativas e atractivas, capaces de atraer poboación e recursos económicos. Ámbalas dúas ideas, defendidas polo modelo ‘Ágora’ provincial, segundo afirma o deputado de Mobilidade Uxío Benítez, pretenden animar aos concellos no redeseño urbano a pasar á acción aplicando a teoría e modificar a súa trama para priorizar as persoas en lugar dos coches.

O principal protagonista deste seminario será o urbanista e deseñador estadounidense Jeff Speck, quen avoga internacionalmente pola creación de cidades máis camiñables. Autor ou coautor de varios libros sobre planificación urbana, incluído o seu libro de 2012 ‘Walkable City: How Downtown Saves America, One Step at a Time’, o máis vendido da última década sobre planificación urbana, está licenciado polo Williams College e ten unha mestría en Historia da Arte pola Universidade de Siracusa.

José Luis García Delgado é outro dos conferenciantes do vindeiro venres. Catedrático de Economía Aplicada desde 1975, foi durante dez anos reitor da Universidade Internacional Menéndez Pelayo e é presidente do Círculo Cívico de Opinión. Conta, entre outros, co Premio Nacional de Investigación ‘Pascual Madoz’ na área de Dereito e Ciencias Económicas e Sociais. Por último, intervirá Xesús Gómez Viñas, enxeñeiro xefe do Concello de Pontevedra, quen é un dos artífices da transformación da cidade a través da reinvención do seu modelo de espazo público e do seu modelo de mobilidade. Dirixe os procesos de cambio encamiñados a mellorar a calidade urbana do municipio do Lérez.

Nigrán adquirirá un microbús eléctrico para establecer unha liña circular dentro do municipio

Redacción
-
0
Nigrán adquirirá un microbús eléctrico para establecer unha liña circular dentro do municipio

O Concello de Nigrán consignará no vindeiro Pleno 320.000 € para a adquisición dun microbús 100% eléctrico que permita establecer unha liña circular dentro do propio municipio. O goberno local aposta por esta iniciativa contempada xa no seu Plan de Mobilidade Sostible realizado no 2020 como fórmula de vertebración social que facilitará especialmente ás persoas maiores do interior achegarse ao núcleo urbano para realizar recados, acudir a citas médicas ou enlazar con Lugove (concesionaria do transporte interurbano da Xunta de Galicia).

“Se conseguimos levar adiante esta cuestión mudaríamos radicalmente para ben a vida de moitas persoas que viven no rural e ás que o transporte autonómico non ofrece unha solución real ao seu día a día, por outra banda, e non menos importante, seguiríamos sumando de cara nosa aposta pola baixada de emisións mediante o transporte sostible”, sinala o alcalde, Juan González, quen incide en que o que se busca “é a rendabilidade social e medioambiental, non económica”.

Así, o percorrido sería deseñado a partir do análise do Plan de Mobilidade Sostible do Concello de Nigrán para que cumpra coas necesidades das persoas, que especialmente pola mañá precisan acudir a citas médicas, bancos, supermercados… Este servizo ecolóxico podería incluso optar a subvencións e axudas da Unión Europea no eido do transporte sostible, aspecto na que o Concello de Nigrán destaca ao ser o municipio de España con máis electroliñeiras (unha delas municipal e gratuíta) e por bonificar os impostos dos vehículos 0 emisións.

Precisamente para dar este primeiro paso de cara a compra do microbús, o edil de Mobilidade, Diego García Moreira, visitou nas pasadas semanas Coímbra (Portugal) e o concesionario Car-Bus de Portugal para coñecer de preto as prestacións do modelo máis empregado e cómo funciona (en Portugal operan 14 microbuses deste tipo tamén en Lisboa e Madeira desde desde hai máis de tres anos e con gran éxito). Así, sería un modelo 100% eléctrico de plataforma baixa que carga en 2,5 horas ao 80%, 7’5 metros de lonxitude, 22 prazas (16 sentados, 5 de pé e unha para cadeira de rodas), cunha autonomía de 200 km (120 Kw/hora), porta dianteira e dobre porta traseira e bandexa manual de baixada. Polas características das estradas rurais só se contempla un microbús porque é o único vehículo de transporte colectivo que pode acceder a moitos dos percorridos máis estreitos e porque é eléctrico 100%. En calquera caso, sería probado in situ en Nigrán antes da adquisición, que se prevé sexa efectiva ao longo de 2022.

“Paralelamente, mentras tramitamos a compra, traballamos xa para establecer a fórmula de xestión do microbús, as frecuencias, paradas e o custe dos traxectos, tendo en conta o xa dito: non buscamos cubrir o servizo co custe do billete, esta é unha medida social destinada a facer un Nigrán máis amigable coas persoas e co medio ambiente”, incide o alcalde, Juan González.

Segundo a política establecida polo goberno local neste anos e polo propio Plan de Mobilidade, o Concello traballa en diferentes iniciativas que priorizan ao peón, seguido do ciclista, o transporte público e, finalmente, o vehículo privado.

O Programa Integrado de Emprego mosense aposta pola conciliación nas accións formativas da súa recta final

Redacción
-
0
O Programa Integrado de Emprego mosense aposta pola conciliación nas accións formativas da súa recta final

O VI Programa Integrado de Emprego do Concello de Mos atópase na súa recta final, pois rematará o vindeiro 8 de novembro. E nestas últimas semanas o programa atópase volcado en accións formativas plenamente adaptadas á conciliación da vida familiar e formativo-laboral dos seus usuarios e usuarias, pois impártense en horario matinal de 09:30 a 13:30 horas para que poidan deixar e recoller na escola aos menores au seu cargo.

Cómpre destacar que nos dous cursos en cuestión, “Traballo e Liderado en equipo en cociña” e “Operacións básicas en atención ao cliente e CRM” o alumnado é maioritariamente feminino: 12 mulleres e 2 homes, o que representa un 85,71% de alumnas mulleres, todas nais ou avoas con fillos ou netos ao seu coidado.

Este último tramo do VI Programa Integrado de Emprego do Concello de Mos, está a ser intenso en canto a accións formativas para os/as usuarios/as. Á volta ás aulas tamén chegou oa Programa Integrado con dúas accións formativas moi innovadoras e pensadas especialmente na conciliación familiar dos/as usuarias/os. Os pasados días 24, 25, 27 e 28 de setemebro, tivo lugar nas instalacións da Axencia de Colocación de Mos, así como nas instalacións dunha empresa formativa en Vigo, o curso denominado “Traballo e Liderado en equipo en cociña” de 20 horas de duración; no cal, 14 alumnos/as puideron gozar de formación. O tema deste seminario especializado foi un proceso de traballo no que se levaron a cabo procesos de formación baseados no traballo en equipo e liderado a través dos fogóns.

Ao día seguinte, o mércores 29 de setembro, comezaba un novo reto formativo que leva por título “Operacións básicas en atención ao cliente e CRM” no que se esgotaron todas as prazas e que conta cunha duración de 40 horas impartidas na súa totalidade nas instalacións da Axencia de Colocación de Mos cun horario adaptado por completo ás necesidades de conciliación do grupo de alumnado formado, na súa maioría, por mulleres do Concello que conocilan a súa laboura formativa coa maternidade.

Este curso, trátase da segunda edición dunha formación impartida durante o pasado mes de maio que, debido ao éxito que acadou por parte das participantes, e coa motivación de ofrecerlle alternativas a todos os perfís de usuarios/as, se lles brindou desde o Programa Integrado de Emprego do Concello de Mos aos interesados/as.

Esta formación estase a celebrar desde o día 29 de setembro e alongarase ata este xoves 14 de outubro.  A xestión da relación co cliente ou CRM é unha estratexia para xestionar todas as relacións e interaccións dunha empresa cos seus clientes potenciais e existentes. Un sistema CRM axuda ás empresas a estar en contacto cos clientes, racionalizar os procesos e mellorar a rendibilidade.

Desde o Programa Integrado de Emprego do Concello de Mos apóstase pola calidade nas accións formativas e por unha adaptación das mesmas ás esixencias do mercado laboral actual e o impacto e relevancia das novas tecnoloxías en tódolos sectores e, por iso, un compoñete importante desta formación é o uso das novas tecnoloxías para o cal o curso se imparte nunha das aulas con equipos informáticos das instalacións da Axencia de Colocación, favorecendo a mellora da competencia dixital das mulleres participantes do mesmo.

O VI Programa Integrado de Emprego do Concello de Mos conta cun total de 100 usuarios/as: 30 persoas pertencentes a colectivos con maiores dificultades como persoas desempregadas con discapacidade, persoas desempregadas en risco de exclusión social (incluidas as perceptoras de Risga) e persoas desempregadas menores de 30 anos con baixa cualificación; e 70 persoas de colectivos como persoas desempregadas menores de 30 anos cualificadas,  persoas desempregadas perceptoras de prestacións, subsidios de desemprego ou renda de inserción activa de inserción (RAI),  mulleres desempregadas e persoas desempregadas de longa duración.

O VI Programa Integrado de Emprego 2020-21 está subvencionado pola Consellería de Emprego e Igualdade da Xunta de Galicia con 250.000 €. O custo total do proxecto é de 313.283,21 €, asumindo o Concello o importe restante.

O Concello de Salceda renova as luminarias da vila con tecnoloxía LED

Redacción
-
0
O Concello de Salceda renova as luminarias da vila con tecnoloxía LED

O Concello de Salceda de Caselas vén de realizar o cambio de máis de 200 luminarias da vila por outras novas con tecnoloxía LED, o que suporá unha redución do consumo enerxético do 70% e a redución das emisións de CO2 á atmosfera. A actuación, concedida no ano 2019, contou cun investimento total de preto de 100.000 euros, financiado nun 80% con fondos europeos a través do IDAE, sendo financiado o restante pola Deputación de Pontevedra e fondos propios.

A renovación, coordinada polo concelleiro de servizos municipais, Miguel González, conta con varios beneficios. Por un lado vai supor un importante aforro para as arcas municipais na factura eléctrica, xa que as novas lámpadas LED contan cun consumo de 40w fronte aos 150w das antigas de sodio. Por outro lado, a nova tecnoloxía supón unha mellora no servizo dado á veciñanza, xa que as novas luminarias contan con maior intensidade e claridade na iluminación.

Un dos beneficios máis importantes é a redución das emisións de CO2 á atmosfera na produción de enerxía eléctrica, un pasiño máis de cara a frear o cambio climático e lograr reducir a pegada de carbono. Ademais, a tecnoloxía LED conta cunha vida útil máis longa, e todos os seus compoñentes son reciclables, reducíndose deste xeito as avarías no alumeado e a substitución das mesmas. Estas melloras forman parte tamén dos obxectivos do PACES (Plan de Acción polo Clima e a Enerxía Sostible) aprobado polo Concello de Salceda en novembro de 2020.

Esta actuación foi financiada polo IDAE a través de fondos FEDER que a Unión Europea destinou  para o programa “Transición cara a unha economía baixa en carbono”, dentro da axenda 2014-2020 para o crecemento sostible. A aportación do IDAE foi do 80% do custo total, o que supón 76.490,26€, achegando o Concello de Salceda con fondos propios 11.622,57€ e a Deputación de Pontevedra os restantes 7.500,00€. O total do investimento sumou 95.612,83€.

Unha vez rematado o cambio na vila, a Concellería de Servizos Municipais traballa na redacción de varios proxectos para a substitución das luminarias das sete parroquias, co obxectivo de que a totalidade do concello conte con iluminación LED.

Miguel González, concelleiro de Servizos Municiapais, manifestou que “con esta actuación aportamos o noso grao de area na mellora do medio ambiente, reducindo as emisións de gases contaminantes, ademais da mellora da calidade da iluminación e o conseguinte aforro económico que vai supor para as arcas municipais, co obxectivo claro de realizar este cambio na totalidade do territorio.”

Pola súa banda, a alcaldesa de Salceda, Verónica Tourón, finalizou declarando que “estas actuacións enmárcanse na estratexia que estamos a desenvolver dende o Concello en contra do cambio climático, para camiñar cara unha vila máis sostible e moderna, da que forma parte tamén o PACES”.

Gondomar inicia as sesións de traballo para elaborar o Plan de Acción para o Clima e a Enerxía do municipio

Redacción
-
0
Gondomar inicia as sesións de traballo para elaborar o Plan de Acción para o Clima e a Enerxía do municipio

O alcalde de Gondomar, Paco Ferreira, presidiu o primeiro encontro de traballo no que xunto ao concelleiro de Medio Ambiente, Brais Misa, as técnicas deste departamento, Karina Pereira e Paula Rivera, así como outros representantes do goberno local, no que a empresa Inova Labs expuxo os pormenores e accións concretas a abordar para poder elaborar e redactar o futuro plan.

Financiado pola Consellería de Medio Ambiente, Territorio e Vivenda a través dos fondos europeos FEDER, o concello de Gondomar dá os primeiros pasos para a redacción do documento final que deberá expoñer xa medidas concretas que permitan contribuír ao obxectivo europeo de redución dos gases de efecto invernadoiro nun 40% para o 2030.

O Plan de Acción para o Clima e a Enerxía de Gondomar, ademais de esbozar as accións craves para lograr reducir o consumo enerxético en liña cos obxectivos de desenvolvemento sostible das Nacións Unidas, deberá incluír un inventario de emisións de referencia e unha avaliación de riscos e vulnerabilidades climáticos.

“Demostramos unha vez máis que o noso compromiso coa loita contra o cambio climático e os obxectivos 2030 é firme e serio, como demostran as distintas políticas e accións que neste sentido puxemos en marcha desde o inicio da lexislatura. Queremos que Gondomar sexa un referente de sustentabilidade e consumo enerxético responsable”, concluíu o alcalde.

O profesor Hortensio Sobrado abre o ciclo de conferencias sobre a Batalla de Lepanto

Redacción
-
0
O profesor Hortensio Sobrado abre o ciclo de conferencias sobre a Batalla de Lepanto

Este mércores, 13 de outubro, comeza o ciclo de conferencias organizado polo Concello de Tui, coa colaboración da Asociación Amigos da Catedral, para conmemorar o 450 aniversario da Batalla de Lepanto.

O profesor de Historia Moderna da Universidade de Santiago, Hortensio Sobrado Correa, disertará sobre “A batalla de Lepanto, contexto histórico”. Será ás 19.30 h na igrexa de San Domingos.

Ciclo de conferencias

  • Mércores, 13 de outubro, ás 19.30 h  “A batalla de Lepanto, contexto histórico” por Hortensio Sobrado Correa, profesor da USC
  • Martes, 19 de outubro, ás 19.30 h “A devoción a Nosa Señora do Rosario e as súas confrarías na Galicia do Barroco” por Domingo González Lopo, profesor USC 
  • Martes, 26 de outubro, ás 19.30 h “A batalla de Lepanto na literatura española” por Dolores Balseiro, profesora ensino medio
  • Mércores, 3 de novembro, ás 19.30 h “Política, devoción e iconografía bélica. O tema da Batalla de Lepanto no retablo do Rosario do convento de San Domingos de Tui” por Francisco Javier Novo Sánchez, profesor USC.
  • Martes, 9 de novembro, ás 19.30 h “Os corsarios turco-berberiscos nas costas galegas e o seu remoto eco no retablo de Nosa Señora do Rosario de San Domingos de Tui” por Suso Vila, historiador.

Programa de actividades con motivo do 450 aniversario da Batalla de Lepanto

Visitas guiadas

  • Domingo 31 de outubro e luns 1 de novembro ás 18.00 h

Todas as actividades terán lugar na propia igrexa de San Domingos, contando coa colaboración da Asociación de Amigos da Catedral de Tui.

A asistencia é libre e de balde pero recoméndase inscrición previa no correo electrónico: [email protected] ou presencialmente na propia Biblioteca Municipal (Edificio Francisco Sánchez – antiga Area Panorámica, rúa Colón, 2).

A Deputación leva ao Val Miñor o documental ‘Acorda’, teatro e un obradoiro de música

Redacción
-
0
A Deputación leva ao Val Miñor o documental ‘Acorda’, teatro e un obradoiro de música

A Deputación, grazas ao seu programa de Memoria Histórica ‘O Pasado Por Vir’, vai encher de actividades e contido o ‘Mes da Memoria’ organizado Instituto de Estudos Miñoráns (IEM) no Val Miñor coincidindo co aniversario dos asasinatos da Volta dos Nove. O departamento dirixido pola nacionalista María Ortega financiará a celebración de tres actividades: a proxección do documental ‘Acorda’, a escenificación da peza teatral ‘A señora de Forcadela’ a cargo de ‘Os Quinquilláns’ e o desenvolvemento dun obradoiro de música represaliada da man de Xurxo Souto.

As actividades que a Deputación leva ao Val Miñor e que se xuntarán con outros actos propios do IEM, segundo explica Ortega, están dispoñibles no catálogo de actos de memoria de ’O Pasado Por Vir’ (na web  arquivos.depo.gal) , e poden ser solicitadas por todas as asociacións memorialistas e concellos da provincia co obxectivo de situar a memoria histórica no centro do debate.

No caso do Val Miñor, os actos financiados pola Deputación comezarán este xoves día 14 de outubro ás oito da tarde no Auditorio municipal de Nigrán, onde se proxectará o documental ‘Acorda. Cartografía Musical da Memoria Histórica de Pontevedra’, unha peza audiovisual baixo a dirección artística de Uxía e Marina Carracedo, o guión de Lois Pérez, a dirección de Lucas Terceiro e o asesoramento de contidos de Montse Fajardo, que dá a coñecer lugares singulares para a memoria dentro da provincia a través da música. Participan as intérpretes Emilio Rúa e Silvia Penide, Ugia Pedreira e Marina Oural, Sheila Patricia, Eladio Santos, Tanxugueiras, Ezetaerre, Uxía e Su Garrido.

A sinopse do audiovisual, que foi seleccionado polo Festival de Cine de Ourense no ciclo ‘Panorama Galicia’ explica que ‘Acorda’ é “unha mensaxe de paz, memoria e rebeldía para as novas xeracións. Toda historia de represión e inxustiza ten o seu relato de resistencia e esperanza. A nosa memoria acorda e renace nos lugares, na xente. No 36, o fascismo franquista quixo apagar a nosa voz e o noso pensamento, quixo roubarnos a chuvia. A historia escríbea quen vence, pero outras historias continuaron escribíndose tamén. Hoxe, coma quen acorda dun longo sono, volvemos a algúns dos lugares onde habitou o silencio, o medo, a perda e poboámolos de música, cancións e palabras”.

O seguinte xoves, 21 de outubro, tamén ás 20 horas, no Auditorio municipal de Gondomar, será o momento da escenificación da peza teatral ‘A señora de Forcadela’, unha historia baseada na biografía de Josefa García Segret e doutras mulleres represaliadas na Galiza a partir de xullo do 36.

O xoves 28 de outubro, á mesma hora, e no Multiusos de Sabarís en Baiona terá lugar o obradoiro de música represaliada de Xurxo Souto que pretende servir para tomar conciencia de como o imaxinario que impuxo a ditadura franquista segue a definir o presente. Buscarase descubrir o esplendor musical que lle roubaron á socieade facendo un percorrido polos proxectos musicais destruídos tras o golpe de Estadod o 36 e reivindicar a dignidade das e dos artistas que sufriron a represión.

Política Social abre a inscrición para o plan de formación dixital do voluntariado

Redacción
-
0
Política Social abre a inscrición para o plan de formación dixital do voluntariado

A Dirección Xeral de Xuventude, Participación e Voluntariado vén de abrir a inscrición para o seu Plan de formación para as persoas voluntarias de Galicia coa finalidade de ofrecer opcións de formación dixital en materia de voluntariado no último trimestre deste ano. As persoas interesadas poderán solicitar unha praza no campus en liña da páxina web de Voluntariado, cuxo prazo permanecerá aberto ata cubrir as prazas ofertadas.

Esta proposta formativa está integrada por 6 cursos en liña que ofrecen un total de 630 prazas e que están orientados á formación específica en materia de voluntariado nas seguintes áreas:

  • Nocións básicas de voluntariado
  • Competencias en materia de voluntariado
  • Lingua de signos
  • Formación en igualdade para prevención e afrontamento da violencia de xénero
  • Voluntariado ambiental
  • Voluntariado dende os centros educativos

O plan de formación está dirixido a persoas maiores de 16 anos que teñan interese en obter coñecementos especializados en materia de acción voluntaria. Cada solicitante poderá inscribirse nun máximo de dous cursos.

A Deputación presenta este venres o seu primeiro libro de banda deseñada para achegar á xente moza a Memoria Histórica

Redacción
-
0
A Deputación presenta este venres o seu primeiro libro de banda deseñada para achegar á xente moza a Memoria Histórica

A Deputación, a través do seu departamento de Memoria Histórica, presenta este venres o seu primeiro libro de banda deseñada para achegar á xente moza o relato dos feitos acontecidos durante os anos da ditadura e a represión e as súas consecuencias na provincia. A obra, titulada ‘Regreso á Illa de San Simón’, foi coordinada polo debuxante Kiko Da Silva e contén o traballo de 13 autores e autoras formadas na escola do Garaxe Hermético que crearon varias historias situadas na illa da ría de Vigo dende 1936 a 1943.

O acto de presentación, no que estarán tanto o coordinador como as e os autores (Miguel Rojo e Pablo Prado, Fernando Llor e Ana Pumares, Fonso Barreiro e Antonio Recuna, Eli García, Miriam Iglesias, Iago Fernández Falcón e Damián Gómez Figueras, Zaida Novoa, Mara Méndez, Fernando Llor e Olalla González, e Lorena Nikoli) será no Edificio Castelao do Museo ás 20.30 horas deste venres 15. Está aberto ao público ata completar aforo e é precisa inscrición previa no correo [email protected].

‘Regreso á Illa de San Simón’, segundo explica a deputada de Memoria Histórica, pretende aproveitar un formato atractivo como é a banda deseñada para chegar a un público que normalmente non ten moita relación coa memoria, e que non participa en actos como congresos, encontros ou charlas.

O libro será distribuído entre os institutos de educación secundaria da provincia e tamén nas bibliotecas e puntos de lectura municipais. Ademais, a xente interesada poderá solicitalo nas instalacións do departamento de Memoria Histórica da Deputación situado nas dependencias do Arquivo Provincial ata esgotar existencias, aínda que no caso de ter moita demanda, non se descarta facer novas impresións.

O turismo natural, a gran aposta de Baiona para a época post-Covid

Redacción
-
0
O turismo natural, a gran aposta de Baiona para a época post-Covid

A natureza e o ecoturismo son as bazas coas que o Concello de Baiona aposta para reflotar o turismo na época post-Covid. A incidencia da pandemia e o cambio de hábitos e destinos turísticos fan que o turismo natural cobre especial relevancia nun ano en que o turismo inicia a súa recuperación e Baiona quere subirse a este tren.

Roteiros a pé polas distintas paraxes naturais da localidade conforman a oferta para o turismo, situando a Baiona no mapa deste tipo de turismo tan en auxe nos últimos anos.

A Concellería de Turismo de Baiona tenta reactivar o sector turístico a través do ecoturismo, coa posta en marcha de catro roteiros que veñen complementar a oferta turística e cultural da localidade. Baioneses e visitantes poderán gozar dunha nova alternativa na que gozar do seu tempo libre.

Un turismo que, como apunta o alcalde de Baiona, Carlos Gómez, ten o seu espazo propio na provincia desde hai anos, aínda que cobra especial relevancia nun ano en que os usuarios volven as súas miradas ao mundo rural e as paraxes naturais.

Distintos roteiros que apostan por un turismo sostible e respectuoso co medio ambiente.

A proposta de “Baiona Natural”: “é un aliciente máis para que os turistas que elixan o noso municipio, pernoiten e alonguen a súa estancia en Baiona. Falamos dun servizo complementario que se engade á oferta turística coa que xa contamos e que contribúe a ampliar as experiencias que propoñemos ao turista”, sinalou o rexedor.

O alcalde, subliña que “o obxectivo que queremos alcanzar con estes roteiros é poñer en valor os espazos naturais máis próximos e inmediatos cos que contamos os baioneses e baonesas e afianzar ao mesmo tempo percorridos de gran interese turístico. Esta é unha clara aposta polo turismo activo e a conectividade do núcleo co seu territorio, ademais dun novo atractivo para o turista potencial, que dispoñerá de novos alternativas no destino do noso municipio”.

Catro roteiros os montes da localidade para poñer en valor a súa riqueza paisaxística e etnográfica. Un itinerario de camiños que permitirá os baioneses e visitantes poidan gozar dunha incrible variedade de lugares para practicar sendeirismo, pasear etc á vez que se enriquecen do amplo patrimonio da vila.

Os roteiros deseñados pola empresa Baiventura, empresa local, realizaranse durante 4 domingos seguidos, comezando o vindeiro domingo 17 de outubro e finalizando o 7 de novembro.

“A idea é difundir estes roteiros de sendeirismo, para poñer en valor o patrimonio natural do municipio. Foron deseñadas, creadas, marcadas e van ser guiadas, gratuítas nesta ocasión, por esta empresa especializada. O compromiso que se lles pedimos é que se poidan consolidar e síganas realizando eles directamente, ampliando deste xeito o catálogo do destino Baiona e da marca “Baiona engánchache “ detalla o rexedor.

“Catro roteiros que transcorren por todas as parroquias do noso municipio (Baíña, Baredo, Santa Cristina de de a Ramallosa e Belesar) co obxectivo de poñer en valor o inmenso patrimonio natural das nosas parroquias. Uns espazos que debemos mostrar orgullosos ao mundo e presumir da súa beleza, sempre facendo un uso responsable destes magníficos espazos naturais”, finaliza Gómez Prado.

Os roteiros levarán a cabo seguindo as medidas de prevención necesarias e cumprindo coa normativa vixente.

O número de asistentes será reducido polo que é necesaria a inscrición previa na oficina de turismo (no correo electrónico: [email protected], ou por teléfono no 986 68 70 67).

Roteiro1 – Chan da Lagoa-Baíña

A primea destes roteiros ten por nome “Chan da Lagoa-Baíña”. Trátase dun percorrido de 10,5km circular deseñado para dar a coñecer o patrimonio natural de Baiona gozando da súa contorna. Este roteiro terá como eixo principal descubrir a historia pasada da Vila e visibilizar os vestixios que aínda podemos atopar. Terá unha duración aproximada de 3,5 h, a súa dificultade é moderada e está recomendada para maiores de dezaseis anos. Entre os puntos de interese polos que transcorre atópanse: Estación Arqueolóxica Outeiro dúas Lameiros (petróglifos), o Camiño Medieval, panorámica Val Miñor, panorámica Baía de Baiona, fervenza río San Cosme, merendero Chan dá Lagoa. O punto de encontro será no merendero de Chan dá Lagoa ás 09:30 horas para inciar o roteiro ás 10:00 h e finalizala ás 14:00 h.

Roteiro 2 – Descobre Baredo

Roteiro circular de 9,5km deseñada para dar a coñecer o patrimonio natural de Baiona gozando dun lugar privilexiado. Este roteiro terá como eixo principal dar a coñecer a vida dos baioneses e a repercusión que trouxo a Baiona o paso do Camiño de Santiago. Entre os puntos de interese polos que transcorre atópanse: Os muíños do río Fraga, ou Facho, a fonte dous mortos, e a parroquia de Baredo.

Roteiro 3 – A Groba Panorámica

Deseñada para dar a coñecer o patrimonio natural de Baiona gozando da contorna panorámica da vila. O roteiro de 7Km mostra a contorna marítima desde os mellores miradoiros do alto da Groba. Entre os puntos de interese polos que transcorre atópanse: miradoiro do Cortelliño, miradoiro Alto dá Groba, A Gabiñeira, Granxa dá Tomada, Fonte dá Groba. Terá unha duración aproximada de 3 h, a súa dificultade é moderada e está recomendada para maiores de dezaseis anos.

Roteiro 4 – A Groba Montañosa

Deseñada para dar a coñecer o patrimonio natural de Baiona gozando da súa contorna. Este roteiro mostraranos as diferentes formacións e desniveis creados pola natureza e que dan forma a Serra dá Groba. Terá unha duración aproximada de 3,5 h, a súa dificultade é moderada e está recomendada para maiores de dezaseis anos. Entre os puntos de interese polos que transcorre atópanse:A regueira Escura, Camiño Medieval, Calveiras, Floral dá Groba, Pedra do Acordo, As Abrutias, Miradoiro Alto dá Groba e Gabiñeira.

Carmen Domech presenta este mércores “Contacontos de libros contentos” en Tui

Redacción
-
0
Carmen Domech presenta este mércores “Contacontos de libros contentos” en Tui

“Contacontos de libros contentos” é o título do contacontos que Carmen Domech achega este mércores, 13 de outubro, ás 18 h á Biblioteca Pública Municipal de Tui. Esta actividade forma parte do programa do Mes da Biblioteca que comezou o pasado 22 de setembro e continuará até  o 25 deste mes.

O contacontos destes mércores vai dirixido especialmente a nenos e nenas de 4 a 11 anos. Nesta sesión Carmen Domech exporá as cousas fantásticas que contan os libros, sucesos incribles de libros tímidos, divertidos, intrépidos, deliciosos…

Para participar recoméndase inscrición presencialmente na Biblioteca Municipal de Tui ou no seu correo electrónico [email protected].

Carmen Domech comezou en 1987 a súa andaina no ámbito da literatura infantil e da animación á lectura como membro fundador e activo do Seminario de Animación a la Lectura y Literatura Infantil de la Escuela de Animación de la C.A.M. Ten participado na organización de ciclos de conferencias e cursos sobre literatura infantil e animación á lectura.

Como membro do colectivo Dingolondango, ao longo de sete anos, a súa actividade principal centrouse na realización de obradoiros e de contacontos dirixidos a rapaces/as, e de cursos de formación para monitores de tempo de lecer, profesores e bibliotecarios.

Na actualidade, Carmen Domech realiza sesións de contacontos en colexios, bibliotecas, concellos, centros culturais… e, dende 1993, forma parte da compañía de títeres CACHIRULO, na que realiza funcións de deseño e construción de monicreques e manipulación.

Retomada normalidade no funcionamento da Piscina Municipal de Vila Nova de Cerveira

Redacción
-
0
Retomada normalidade no funcionamento da Piscina Municipal de Vila Nova de Cerveira

Aos banhos livres, já é possível agendar a marcação de aulas temáticas para todos os escalões. A Piscina Municipal de Vila Nova de Cerveira já se encontra a funcionar em pleno, com a oferta das atividades do período pré-Covid 19, mas mantendo as necessárias medidas de segurança e de higienização. O horário de funcionamento é das 07h30 às 21h00 de segunda a sexta-feira, e das 09h00 às 19h00 aos sábados.

Desde o início da pandemia que o Município de Vila Nova de Cerveira tem adotado uma postura proativa, com a implementação de um conjunto de medidas de prevenção e contenção que garantam a salvaguarda dos colaboradores e de todos os munícipes ou visitantes que frequentem os espaços municipais públicos.

O processo de reabertura da Piscina Municipal tem sido progressivo, encontrando-se agora numa fase de normalidade, apresentando-se como um local seguro. Os utentes interessados em regressar ou em efetuar inscrição pela primeira vez podem contactar via telefone (251 708 025) ou dirigir-se ao balcão de atendimento da Piscina, de forma a conhecer todas as atividades e respetivas calendarizações, adaptando-as às suas necessidades e expetativas.

A Escola de Igualdade María Vinyals promove un curso on line sobre “Debates Teóricos e Axenda Política Feminista”

Redacción
-
0
A Escola de Igualdade María Vinyals promove un curso on line sobre “Debates Teóricos e Axenda Política Feminista”

A Escola de Igualdade María Vinyals da Deputación de Pontevedra impartirá desde o vindeiro 21 de outubro e ata o 9 de decembro o curso on line “Debates Teóricos e Axenda Política Feminista” que, baixo a dirección da profesora e escritora Rosa Cobo, impartirán mulleres referentes a nivel nacional e internacional, a maioría delas docentes universitarias. O seminario desenvolverase nun total de 8 sesións a través da plataforma Zoom e a inscrición xa está aberta e pode facerse a través da web provincial.

“Imos formar –explicou a presidenta Carmela Silva- sobre os principais debates teóricos desde o pensamento feminista, coa análise dos obxectivos prioritarios da axenda política feminista”. O curso terá lugar nas tardes dos xoves, de 18.30 a 20.30 horas (excepto o xoves 25 de novembro, que pasará a celebrarse o venres 26), e o aforo é limitado a 100 prazas, que se asignarán por orde de inscrición. A institución provincial emitirá diploma acreditativo ás persoas que realicen as 16 horas.

A actividade arrancará o 21 de outubro con Rosa Cobo, que impartirá a sesión “Feminismo: tradición intelectual e movemento social. Oríxenes do feminismo e desenvolvemento histórico. A cuarta onda feminista e o seu corpo vindicativo”. O día 28 será Carmen Ruíz Repullo, da Universidade Pablo Olavide Sevilla, quen falará de “Debates feministas en torno á violencia sexual”, mentres que o 4 de novembro Beatriz Ranea, da Universidade Complutense de Madrid e Lydia Delicado, da Universidade de Alicante, falarán sobre “O imaxinario pornográfico e o dominio masculino”.

As sesións continuarán o 11 de novembro coa charla “A prostitución na intersección de tres sistemas de poder: patriarcado, raza e clase. Debates abolicionistas”, a cargo de  Rosa Cobo; o 18 novembro con “Ventres de aluguer: explotación reprodutiva e feminización da pobreza”, a cargo de Laura Nuño, da Universidade Rey Juan Carlos e María Luisa Balaguer, da Universidade de Málaga e maxistrada Tribunal Constitucional e o 26 novembro, coa sesión “Críticas feministas á democracia. Mulleres e poder político. Democracia paritaria”, a cargo de Mar Esquembre, da Universidade de Alacante.

En decembro, o día 2 Carmen Castro, economista feminista e asesora en Políticas de Igualdade falará sobre “A crítica feminista ao capitalismo neoliberal. A política sexual do novo capitalismo e o curso rematará o 9 decembro coa charla “Orixes e supostos do pensamento queer: o debate sobre o suxeito político do feminismo” que ofrecerá Luisa Posada Kubissa, da Universidade Complutense de Madrid.

Nigrán únese o sábado 16 de outubro á ‘X Limpeza simultánea de praias’ de Adega

Redacción
-
0
Nigrán únese o sábado 16 de outubro á ‘X Limpeza simultánea de praias’ de Adega

O Concello de Nigrán súmase ,este sábado 16 de outubro, á décima xornada de limpeza simultánea de praias en toda Galicia capitaneada pola asociación ecoloxista Adega. Esta desenvolverase desde ás 17:00 horas por vez primeira na cala de Portocelo (tamén coñecida como Seixos Negros) en Monteferro. O punto de encontro é a entrada á sede da Comunidade de Montes de Monteferro ás 17:00 horas e ao rematar a limpeza (sobre as 18:30 horas, no propio areal) levarase a cabo unha actividade de descubrimento de microplásticos a cargo dun educador ambiental de Amigos da Terra. Os voluntarios interesados en participar nesta décima edición deben inscribirse a través dun formulario na web municipal www.nigran.es. Recoméndase levar roupa e calzado axeitado, auga e luvas.

As limpezas de praias son actos simbólicos, nos que non se debe ver ao voluntariado como man de obra barata para deixar limpos os areais. Son actividades de concienciación e educación ambiental que permiten que a cidadanía coñeza a problemática dos residuos mariños, a súa procedencia e os impactos que causan, así como avaliar cales son as medidas que cada un de nós pode desenvolver para minimizar este problema. Tapóns, bolsas, anacos de redes ou de cordas de nailon, son exemplos de restos de orixe plástico que alén do seu impacto visual supoñen un perigo para a fauna e a flora mariña e mesmo representarían, pola súa transferencia trófica, un risco para os seres humanos. Os modelos de consumo e produción segue sen mudar, e agora coa pandemia parece que o consumo de plástico aumentou por esa falsa percepción de que é máis hixiénico. Tamén atopamos outro novo inimigo nos nosos areais…as Máscaras.

Todo iso fai que cada ano 10 millóns de toneladas de lixo rematen nos océanos. Moito deste lixo provén da industria do mar (pesca, extraccións…), pero unha gran parte chega das nosas casas. O obxectivo das limpezas de praias é a de eliminar parte dos residuos que están nas praias, así como dar unha chamada de atención sobre esta cuestión.

Este venres 15, rastrexo nocturno para a mocidade en Ponteareas

Redacción
-
0
Este venres 15, rastrexo nocturno para a mocidade en Ponteareas

Chega unha nova sesión do RasTEA 2 a Ponteareas, o rastrexo urbano nocturno que o Concello organiza para a mocidade de 12 a 30 anos. Este venres 15 de outubro o parque da Feira Vella acollerá unha nova actividade deste programa no que rapaces divididos en grupos de 4 a 6 persoas deberán ir enfrontándose a diferentes probas de habilidade, puntería… Con esta nova cita retómase o RasTEA 2 que tivera que adiarse o pasado mes de setembro a causa da choiva.

As persoas interesadas en participar poden inscribirse en grupo ou de xeito individual enviando un correo a [email protected] ata este martes 12 de outubro. A organización encargarase de facer grupos para aquelas persoas que se inscriban de xeito individual. Para facilitar a participación de todos e todas, nesta ocasión haberá dúas quendas de saída e os e as menores de 16 anos deberán estar acompañados no grupo por un maior de idade que sexa o responsable.

Trátase dunha “forma divertida e diferente de desfrutar cos amigos e amigas e de coñecer Ponteareas dun xeito único”, asegura o concelleiro de Mocidade, Miguel Bouzó, que anima a todos os rapaces e rapazas a participar na actividade. RasTEA forma parte do programa Mocidade Viva, unha iniciativa coa que o Concello busca ofrecer unha programación de actividades alternativas, saudábeis e seguras para mozos e mozas.

O Concello de Ponteareas estrea a súa sección web adicada a igualdade

Redacción
-
0
O Concello de Ponteareas estrea a súa sección web adicada a igualdade

O Concello de Ponteareas continúa dando pasos para converterse nun municipio inclusivo e libre para todos e para todas coa estrea dun novo apartado web adicado a igualdade. A concelleira de Igualdade, Verónica Carrera, explica que a través del toda a veciñanza poderá acceder a información e recursos “para aprender a educar en valores, para loitar contra a discriminación e para dar visibilidade ao colectivo LGBTQI+ da vila do Tea”.

A sección de igualdade na web conta con cinco eixos: Recursos, LGBTQI+, Educar en igualdade, Violencia de xénero e Políticas de igualdade de trato e oportunidades, así como un deseño informativo sobre o CIM de Ponteareas. En Recursos a veciñanza poderá acceder a guías de boas prácticas e de linguaxe inclusiva, en LGBTQI+ recóllese información sobre actividades que realiza o colectivo, en  Educar en igualdade hai propostas de xogos educativos, en Violencia de xénero recóllense os dereitos das mulleres en situación de maltrato e o protocolo de actuación e, por último, en Políticas de igualdade de trato de oportunidades a veciñanza pode coñecer como traballa o CIM e o Plan de Igualdade do Concello.

Esta acción pretende “outorgar as ferramentas precisas para defender a igualdade no noso concello cun só clic”, destaca Verónica Carrera, ao tempo que indica que Ponteareas é “unha vila de liberdade” para todas as persoas, sen importar a súa identidade de xénero, afinidade sexual ou raza, na que “as persoas que actúan como representantes públicos deben traballar para continuar construíndo unha sociedade inclusiva con oportunidades para todos e para todas”.

Nigrán ofrece este xoves o documental da Deputación “Acorda. Cartografía musical da memoria histórica de Pontevedra”

Redacción
-
0
Nigrán ofrece este xoves o documental da Deputación “Acorda. Cartografía musical da memoria histórica de Pontevedra”

O Concello de Nigrán, en colaboración co Instituto de Estudios Miñoranos, ofrece este xoves 14 de outubro ás 20:00 horas no Auditorio Municipal o documental “Acorda. Cartografía musical da memoria histórica de Pontevedra” como acto inicial da programación do ‘Mes da Memoria’ e na véspera do 85 aniversario dos tráxicos asasinatos de ‘A volta dos 9’, un dos peores episodios da represión franquista na comarca e que aparece neste traballo.

Precisamente, este documental é unha idea orixinal do Departamento de Memoria Histórica da Deputación de Pontevedra para dar a coñecer lugares e feitos relacionados con esta represión na provincia a través da música. Así, participan voces moi diversas que lembran ás vítimas a través da interpretación de cancións gravadas en lugares simbólicos, testemuñas da barbarie no tempo do medo: a Volta dos Nove, en Baiona; a antiga Escola Normal e o edificio da Deputación de Pontevedra; o cemiterio da Estrada; o pozo da Revolta, en Marín; a praia de Massó, en Cangas; a praia de Alcabre, en Vigo; a Volta da Moura, símbolo da resistencia do Baixo Miño; e a illa de San Simón, o gran símbolo da memoria e a solidariedade en Galicia, que debe volver ser, por sempre, a nosa Illa da Memoria.

A Historia escríbea quen vence, pero outras historias continuaron escribíndose tamén. Hoxe, coma quen acorda dun longo sono, volvemos a algúns dos lugares onde habitou o silencio, o medo, a perda e poboámolos de música, cancións e palabras. Unha emocionante viaxe á memoria da man do poeta e narrador Lois Pérez e da cantora Uxía, que reúne algunhas das voces máis representativas de Galicia para ilustrar historias de loita e dignidade.

O Dorsia Covirán de Valencia gaña a liga Nacional Feminina de Vela 2021

Redacción
-
0
O Dorsia Covirán de Valencia gaña a liga Nacional Feminina de Vela 2021

O Dorsia Covirán da Marina Burriananova (Castellón) foi finalmente o vencedor da liga Nacional Feminina de Vela 2021 que, tras o seu paso polo País Vasco e Mallorca, esta fin de semana celebrou en Galicia as súas últimas e definitivas probas.

O circuíto nacional feminino impulsado pola Real Federación Española de Vela chegou a Baiona co equipo valenciano como favorito, tras vencer nas dúas fases iniciais, e ningunha das outras tripulacións en liza lograron arrebatarlle a vitoria final.

Tras saberse vencedora, a armadora Nuria Sánchez mostrábase moi satisfeita por conseguir o triunfo nunha tempada que foi -dixo- moi boa para o seu equipo e para a muller. “Estamos moi contentas coa gran tempada que fixemos. O equipo fixo un traballo enorme para poder chegar onde estamos, e nun ano moi importante para a muller no deporte da vela. O noso compromiso coa igualdade é seguir sendo claras embaixadoras dos valores en prol da muller e de en un deporte que está cambiado, aínda que aínda quede moito camiño por andar. Grazas ao RCMASC, ao RCNP e ao MRCYB por apostar pola vela feminina e axudarnos a chegar ata aquí”.

O equipo que máis preto estivo de arrebatarlles a vitoria ás mozas do Dorsia foi o Decoexa do Real Club Náutico de San Sebastián, liderado por Olatz Muñoz. As vascas foron as vencedoras das últimas probas da liga, disputadas este domingo en Baiona baixo a organización do Monte Real Club de Yates co patrocinio de Grupo Isonor.

[su_image_carousel source=”media: 46726,46728,46730,46729″ crop=”5:4″ captions=”yes” link=”lightbox” autoplay=”0″]

Tras unha primeira xornada en branco a causa do vento e a néboa, este domingo as condicións meteorolóxicas foron as propicias para que o comité de regata puidese poñer en xogo as catro últimas probas da competición.

Aínda que estaba previsto celebrar unicamente tres, as boas condicións de vento (do norte-nordeste con 7 nós de media e picos de 10) e o feito de non poder competir o sábado, animaron á organización para poñer en liza unha manga máis, co que se propiciou, ademais, a entrada en xogo dun descarte. A navegación foi, en case todas as probas, bastante áxil e algúns pasos por boia moi axustados, o que favoreceu o espectáculo.

Nas catro mangas disputadas, o Decoexa asinou dous primeiros e dous segundos, e converteuse automaticamente en gañador da fase galega. En segunda posición, cuns parciais de 2-2-4-3 , quedou o Pousado, de Alejandra Suárez, do Real Club Náutico de Vigo; e o AGD de Helena Alegre, do Real Club Náutico de Palma, resultou terceiro, con 3-4-7-1 nos seus marcadores.

Unha vez resolta a clasificación da última fase celebrada en Baiona e sumados os puntos á clasificación xeral da liga Nacional, o Dorsia Covirán resultou vencedor, deixando a prata e o bronce do circuíto feminino ao AGD Desamiantados de Helena Alegre (RCN Palma) e o Decoexa de Olatz Muñoz (RCN San Sebastián) respectivamente.

O Decoexa (en primeiro plano) foi o vencedor da fase celebrada en Galicia – Foto Jacobo Bastos ©

O punto e final da competición chegou coa entrega de premios aos gañadores nun acto celebrado nos xardíns do Monte Real Club de Yates ao que asistiron o presidente e vicepresidente do club, José Luis Álvarez e Alejandro Retolaza; o director xeral de Grupo Isonor, Jorge González, patrocinador do evento; o alcalde de Baiona, Carlos Gómez; o deputado de Deportes da Deputación de Pontevedra, Gorka Gómez; e o xefe provincial de deportes da Xunta de Galicia, Daniel Benavides.

A celebración da última fase da liga Nacional Feminina de Vela no Monte Real Club de Yates enmárcase dentro o seu programa de “Vela en Femenino”, a través do cal o club busca impulsar á muller no mundo da vela. Durante todo este ano, creáronse tripulacións exclusivamente femininas, conseguiuse que o Campionato Gallego de dous en dous tivese un premio específico para mulleres, enviáronse equipos a participar nas competicións máis destacadas de España e puxéronse en marcha iniciativas de navegación con mulleres vítimas de violencia machista, entre outras actuacións.

A Deputación aproba unha segunda convocaroria das bolsas para deportistas “Depo_Dan” e “Depo_Promesa”

Redacción
-
0
A Deputación aproba unha segunda convocaroria das bolsas para deportistas “Depo_Dan” e “Depo_Promesa”

A Xunta de Goberno da Deputación de Pontevedra deu luz verde á segunda convocatoria das bolsas “Depo_Dan” e “Depo_Promesa”, dotada de 51.000 euros, á que poden optar as e os deportistas de alto nivel e promesa destas marcas provinciais que non accederon a unha das bolsas no 2021 ao non poder solicitala por diferentes circunstancias como encontrarse nos Xogos de Tokio o estar en grupos burbulla.

As bases desta nova convocatoria son iguais que as da primeira: outorgaranse por concorrencia competitiva e posibilitarán a participación das e dos deportistas en competicións internacionais e nacionais. Estarán destinadas a unha ampla variedade de disciplinas que van dende o piragüismo, salvamento e socorrismo ou karate ata deportes como esgrima, montañismo, natación, xadrez ou kickboxing, o que pon de manifesto a importancia do deporte na provincia de Pontevedra.

Na primeira quenda destas achegas a institución provincial repartiu 199.000 euros a 181 deportistas da provincia, das que 75 (o 41,4%) son mulleres; un dato que indica o impulso que está tendo o deporte feminino. De todas e todos eles 137 pertencen á categoría “Depo_Dan” (entre as que hai 58 mulleres) e as e os 44 restantes á marca “Depo_Promesa” (con 17 mulleres entre as e os deportistas que acadaron unha destas bolsas).

Gondomar en verde pola saúde mental

Redacción
-
0
Gondomar en verde pola saúde mental

Gondomar sumouse ao Día Mundial da Saúde Mental e ao lema elixido este ano pola Organización Mundial da Saúde (OMS) para sensibilizar e informar á sociedade sobre esta enfermidade: “Atención de saúde mental para todos: fagámosla realidade”, atendendo a unha demanda exposta pola sociedade, asociacións e profesionais sobre a necesidade de dotar de recursos e medios humanos necesarios para atender as persoas que padecen problemas de saúde mental.

Fíxose fincapé no feito de que os casos creceron moito tras a pandemia e en todos os tramos de idade, especialmente na mocidade. Ademais, se suliña a necesidade de prestar atención aos factores que impiden que o coidado da saúde mental poida chegar a todas persoas en igualdade de condicións.

Como en anos anteriores a casa do concello iluminouse a partir da medianoite de verde, seguindo neste caso a invitación da asociación Avelaíña de Saúde Mental, que desenvolve a súa actividade na comarca. Luz que representa ás persoas con problemas de saúde mental e que busca informar e desmitificar ideas erróneas que existen en moitas ocasións ao destas enfermidades.

O CNPonteareas presenta a oficialmente a tempada 2021-22

Redacción
-
0
O CNPonteareas presenta a oficialmente a tempada 2021-22

O pasado día sábado, 9 de outubro, foi a data fixada para presentar de xeito oficial os equipos cos que o CNPonteareas afrontará a tempada 2021-22. Nesta nova campaña serán preto de 150 nadadores, en todas as categorías federadas, os que representarán ao club do Condado.

Na gala de presentación do sábado estiveron presentes dende os “promesas” (os máis novos), ata o equipo máster (osveteráns). Ademais, asistiron diversas autoridades, como o concelleiro de Deportes do Concello de Ponteareas, Miguel Bouzó, ou Gorka Gómez, deputado de Deportes da Deputación de Pontevedra, patrocinadores e amizades que arrouparon ao club nunha emotiva gala, con numerosas sorpresas, que tivo lugar nas instalacións do hotel Nande, en As Neves.

O director deportivo do club, Andrés Carrera, sinalou como aspecto destacado a implantación do programa “Nadar es vida” en colaboración co complexo Deportivo Álvaro Pino e a federación española de natación, como elemento de crecemento tanto na calidade do ensino como na canteira do club.

Asemade agradeceu ás familias, patrocinadores, adestradores e deportistas o seu compromiso e ilusión un ano máis e animou a todos os presentes a seguir a máxima da cultura do esforzo para acadar éxitos.

O acto de presentación pechou coas fotos de cada un dos equipos, as intervencións de Gorka Gómez e Miguel Bouzó, amosando o recoñecemento e respaldo das institucións ao proxecto do club ponteareán e Terio Carrera, presentador do evento, rematou a gala desexando a mellor das sortes nas vindeiras competicións.

1...207208209...425Page 208 of 425

Fundado por Alfredo Estévez © Hansei Media, SL