12.5 C
Pontevedra
Mércores, 2 de Decembro de 2020

Tag: eleccións 12x

David Regades chama a “unha profunda reflexión”, abrir o partido á sociedade e “escoitar moito” á militancia

O PSdeG-PSOE da provincia de Pontevedra celebrou onte a xuntanza da súa Executiva para valorar o resultado das últimas Eleccións Autonómicas, nas que o Partido Socialista obtivo 104.296 votos no territorio provincial, o que supuxo un crecemento de preto de 14.000 votos e case un 5 % máis sobre a convocatoria do ano 2016.

Luís Bará, asegura que o 12X situa ao BNG e a Ana Pontón “na plataforma de lanzamento” para acadar o Goberno da Xunta dentro de catro anos

Coa convicción de que comeza un novo ciclo político cun cambio social e unha nova Galiza representada polo BNG de Ana Pontón, o cabeza de lista pola provincia de Pontevedra, Luís Bará, asegurou hoxe que o Bloque Nacionalista Galego comeza desde hoxe a súa andaina cara o 2024. Na súa valoración dos resultados electorais, Bará subliñou que “o mellor está por vir para o BNG e para Galiza”

Gonzalo Caballero chama a “extraer leccións dos momentos difíciles” para “revitalizar a alternativa”

O secretario xeral do PSdeG-PSOE, Gonzalo Caballero, dixo hoxe que “estou a disposición de cumprir con Galicia”. Así o dixo nunha primeira valoración do resultado das eleccións autonómicas do 12X, nas que os socialistas aumentaron o seu apoio electoral do 17 ao 19 por cento, que se traduciu nun escano máis, pero que resulta “insatisfactorio” por canto o PP mantén a súa maioría absoluta.

O PP mantén a maioría absoluta, o BNG confirma un espectacular ascenso e o PSOE sube un escano en tempo de desconto

A xornada das eleccións autonómicas do 12X péchase sen sorpresas para deixar un parlamento tricolor. O PP reafirma a súa maioría absoluta quedando nos 41 escanos que xa tiña; o BNG, auténtico protagonista da xornada, sube 13 escanos para situarse nos 19, catro por enriba dun PSOE case que estancado que sube ata os 15 postos (1 máis dos que xa tiña) nun resultado agridoce, pode que máis 'agri' que doce.

Gonzalo Caballero sinala a importancia de ir a votar “para decidir o benestar e futuro de Galicia”

O candidato socialista á Presidencia da Xunta, Gonzalo Caballero, chamou hoxe a “unha participación masiva” este domingo, posto que así “afrontaremos do xeito máis adecuado o futuro da Galicia que queremos”. Logo dunha campaña “en positivo”, o líder dos socialistas galegos acudiu hoxe, na xornada de reflexión, á súa Ponteareas natal para estar con seus pais. Mañá acudirá a votar a Vigo, a súa cidade, ás 10 da mañá.

Bará: “O 12X hai que concentrar o voto das persoas que queren cambio no Bloque porque canto máis BNG, menos PP”

A catro días da cita coas urnas, o cabeza de lista do BNG por Pontevedra, Luís Bará, afirmou hoxe en O Porriño que o vindeiro domingo hai que concentrar o voto das persoas que queren cambio en Galiza porque “canto máis BNG, menos PP”. Bará subliñou que lograr un tempo novo “está ao alcance da man” tendo en conta o ambiente e a ilusión que se está a notar na campaña electoral arredor da formación nacionalista.

Pontón pide en Ponteareas “concentrar no BNG todo o voto do cambio galego” para abrir un “tempo novo” en Galicia

A candidata á Presidencia, Ana Pontón, aproveitou o mitin de Ponteareas para apelar á mobilización masiva das persoas que queren construír unha nova Galiza e a concentrar todo o voto de cambio real no BNG, como a mellor alternativa para deixar atrás once anos de retroceso e decadencia legado do PP. Para conseguir ese cambio galego que unha maioría social desexa a receita é dobre: mobilización masiva nas urnas e concentración do voto no BNG.

O PSOE comprométese en Salceda á construción do novo colexio e a reforzar o ensino secundario

A candidatura do PSdeG-PSOE ás próximas Eleccións Autonómicas estivo en Salceda de Caselas para visitar as instalacións do Colexio de Infantil e Primaria Altamira, "un dos moitos exemplos do abandono do Partido Popular ás infraestruturas educativas básicas de Galicia", sinalaron as e os socialistas.

Bará comprométese a integrar o Baixo Miño no transporte metropolitano de Vigo para conseguir “máis frecuencias e mellores prezos”

O cabeza de lista do BNG por Pontevedra, Luís Bará, comprometeuse hoxe a integrar a comarca do Baixo Miño no transporte metropolitano de Vigo para que a súa veciñanza se beneficie de maiores frecuencias e prezos máis baixos. O nacionalista realizou esta proposta nun acto hoxe en Tomiño xunto ao tamén candidato da comarca Xose Manuel Méndez, ás alcaldesas de Tomiño e O Rosal, Sandra González e Ánxela Fernández, o portavoz municipal de A Guarda Anxo Baz, o concelleiro en Tui Xosé Martínez Tato, e a membro do consello local de Oia Marisa Guerra.

Gonzalo Caballero pide o voto para o PSdeG como “muro de contención para frear á dereita e á ultradereita”

O candidato socialista á presidencia da Xunta, Gonzalo Caballero, pediu onte o voto para o PSdeG para “facer de muro de contención, tamén en Galicia, fronte á dereita e á ultradereita”. Así o dixo nun mitin xunto co presidente do Goberno, Pedro Sánchez, que escolleu Galicia para ter o seu primeiro acto político logo do estado de alarma.

Bara anuncia que o BNG creará dende a Xunta unha nova Lei de Financiamento Local para “rematar co reparto partidista e discrecional do PP”

O cabeza de lista do BNG, Luís Bará, mantivo hoxe en Ponteareas unha reunión de traballo cos alcaldes do Condado na que propuxo a creación dunha nova Lei de Financiamento Local para realizar un reparto xusto e igualitario dos fondos entre os concellos galegos. O nacionalista destacou que é preciso crear un Fondo Único que aglutine os recursos autonómicos en materia de cooperación cos concellos e reduza as subvencións.

Gonzalo Caballero a dotar a todos os estudantes galegos de ordenador con conexión a internet dende a casa

O candidato socialista á presidencia da Xunta, Gonzalo Caballero, comprometeuse hoxe a dotar a todos os estudantes galegos de ordenador e conexión a internet “para resistir a nova etapa na que a dixitalización é fundamental”. O líder dos socialistas galegos empregará os fondos que correspondan a Galicia da partida de 2.000 millóns de euros que o goberno de España vai repartir entre as comunidades para a mellora da educación, incluíndo a posta en marcha dun Plan de Dixitalización do Ensino así como un incremento do persoal docente.

Gonzalo Caballero destaca que “somos o cambio con garantías” e augura que “o 12X haberá en Galicia un presidente socialista”

O candidato do PSdeG-PSOE á Presidencia da Xunta, Gonzalo Caballero, apelou hoxe a todos os galegos a sumarse ao “cambio con garantías”, a un “cambio tranquilo, confortable” que non irá “contra ninguén” senón que traballará para que “ninguén quede atrás”.

Cabaleiro e Regades coinciden en que o mellor para Tui “é que Gonzalo Caballero sexa presidente da Xunta” logo do 12X

O alcalde de Tui, Enrique Cabaleiro, recibiu a visita da candidatura do PSdeG-PSOE pola provincia de Pontevedra ás próximas Eleccións Autonómicas e do secretario xeral provincial, David Regades Fernández. Cabaleiro remarcou que o mellor para Tui é que o próximo presidente da Xunta de Galicia sexa Gonzalo Caballero.

Gonzalo Caballero, “Galicia necesita unha Xunta progresista en sitonía co Goberno de España”

O candidato socialista á presidencia da Xunta, Gonzalo Caballero, sinalou onte en Santiago que “é necesario abrir en Galicia unha etapa de progreso para a reconstrución económica e social de Galicia”, e chamou a facelo cunha Xunta que sexa “aliada” das políticas de protección da cidadanía que está poñendo en marcha o goberno de España.

Gonzalo Caballero asegura en Baiona que “o cambio é máis necesario que nunca. Hay que pasar páxina á etapa dos recortes de Feijóo”

O candidato socialista á Presidencia da Xunta, Gonzalo Caballero, estivo hoxe en Baiona, onde apelou á mobilización de “todos os galegos” o vindeiro 12 de xullo. “Xogamos o futuro. Non servirá arrepentirnos catro anos se o PP de Feijóo segue, con recortes e reducindo as posibilidades de futuro de Galicia”, advertiu o líder dos socialistas galegos, quen chamou a “pasar páxina á etapa dos recortes de Feijóo”. “O cambio é máis necesario que nunca”, arengou.

Luís Bará comprométese a aprobar unha nova Lei de Portos para rematar “co seu afán recadatorio”

O BNG, a través do seu cabeza de lista pola provincia de Pontevedra Luís Bará, comprometeuse hoxe en A Guarda a poñer en marcha unha nova Lei de Portos que remate co seu afán redacadatorio. O candidato realizou este anuncio logo de reuniuse hoxe co sector hostaleiro do municipio do Baixo Miño, que se verá afectado pola suba de taxas de veladores e terrazas en zona portuaria debido ao distanciamento obrigado entre mesas pola COVID-19, e criticou que a Xunta está a afogar ao sector nun momento de crise, “cando o que debería facer é axudar e non perxudicar máis”.

O PSdeG reclama a Feijóo que “rectifique” e reabra os Centros de Día e de discapacidade “con todas as garantías”

A número dous da candidatura socialista por Pontevedra, Isaura Abelairas, reclamou hoxe a Feijóo que “rectifique” a súa decisión de manter pechados os centros de día e de atención á discapacidade ata setembro, e que deseñe os protocolos necesarios para reabrir esas instalacións “con todas as garantías”.

O socialismo pontevedrés anuncia unha campaña do 12X con acento nas políticas públicas que fan posible a conciliación

O PSdeG-PSOE de Pontevedra cambia a velocidade e entra en campaña electoral para contribuír dende a provincia que é punta de lanza do socialismo en Galicia ao cambio na Xunta o próximo 12 de xullo, levando a Gonzalo Caballero ata a Presidencia dun Goberno galego que debe sumarse ao cambio que xa representan o Goberno de España, a Deputación de Pontevedra e 21 concellos pontevedreses.

Gonzalo Caballero amosa o seu “compromiso” coa mocidade á que chama a “activarse” de cara ao 12X

O candidato socialista á Presidencia da Xunta, Gonzalo Caballero, amosou hoxe o seu “compromiso” coa xuventude a través dun encontro en Santiago con mozos e mozas, a quen chamou a “activarse” de cara ás eleccións autonómicas do 12 de xullo para seren “líderes da Galicia do futuro”.

Luís Bará critica a “desfeita” da Xunta en Atención Primaria e reclama asistencia sanitaria “ben dotada de recursos e profesionais” para o rural

O cabeza de lista do BNG na provincia de Pontevedra de cara ás eleccións do 12X, Luís Bará, criticou hoxe a “desfeita” da Xunta na Atención Primaria e reclamou unha asistencia sanitaria ben dotada de medios e profesionais especialmente para o rural galego. O nacionalista realizou estas declaracións logo dun encontro con veciñas e veciños de A Cañiza puxeron de manifesto a situación “calamitosa” que viven no concello, xa que carecen dende hai meses de médico de familia propio para o centro de saúde de Valeixe e máis recentemente de pediatra en A Cañiza.

Colaboradores