23.5 C
Pontevedra
Mércores, 22 de Setembro de 2021
Máis
    HomeEleccións 12XGonzalo Caballero amosa o seu "compromiso" coa mocidade á que chama a...

    Gonzalo Caballero amosa o seu “compromiso” coa mocidade á que chama a “activarse” de cara ao 12X

    O secretario xeral avanza que “un goberno progresista” porá, a partir do 12X, “todas as garantías” para reabrir os centros de día que Feijóo mantén pechados

    O candidato socialista á Presidencia da Xunta, Gonzalo Caballero, amosou hoxe o seu “compromiso” coa xuventude a través dun encontro en Santiago con mozos e mozas, a quen chamou a “activarse” de cara ás eleccións autonómicas do 12 de xullo para seren “líderes da Galicia do futuro”.

    “Desta crise económica e social hai que saír cun compromiso coa mocidade”, recalcou Gonzalo Caballero, posto que os 11 anos de Feijóo á fronte da Xunta deixaron tras de si, entre outras cousas, a destrución de 70.000 postos de traballo; unha cifra que se ve incrementada trala pandemia.

    O goberno do PP, sinalou o líder dos socialistas galegos, deixou a Galicia “sen posibilidades de emprego”, o que supuxo a marcha cara “novos rumbos” de moitos mozos e mozas. “E nós temos o compromiso claro e férreo de apoialos, porque con eles se xoga o futuro de Galicia”, remarcou.

    De feito, recordou que antes da chegada da covid, o programa do PSdeG ás eleccións autonómicas xa incluía medidas de apoio ao alugueiro e a emancipación, plans de impulso do emprego xuvenil e programas de retorno dos mozos emigrados. “E ese compromiso é máis necesario que nunca”, engadiu.

    Do mesmo xeito, Gonzalo Caballero apostou por “fortalecer a educación pública, gratuíta e de calidade”. En concreto, comprometeu a gratuidade da primeira matrícula nas universidades públicas galegas e a “mellora” tanto do ensino medio como da Formación Profesional.

    Sumarse ao cambio con garantías

    “A Galicia que queremos é unha Galicia comprometida co futuro do país”, recalcou o máximo dirixente dos socialistas galegos, para situar ao PSdeG como “a garantía” para os desexos de ter “unha vida digna na nosa terra” da mocidade.

    É por iso que pediu aos mozos “que se comprometan, que nos acompañen” e que “contribúan con Galicia sumándose ao cambio con garantías”. “O cambio é posible cunha activación importante”, advertiu Gonzalo Caballero, partidario de construír “unha Galicia innovadora, con igualdade real e con prosperidade” a partir do 12 de xullo.

    Reapertura Centros de Día

    En paralelo, o líder do PSdeG requiriu a Feijóo que “rectifique inmediatamente” a súa decisión de manter pechados os centros de día ata o outono e que dispoña “todas as garantías” para reabrir estas instalacións cos protocolos necesarios e co reforzo de persoal que faga falla.

    “Podemos estar nas cafeterías, saír á rúa ou ir ás praias, pero Feijóo prohibe abrir os centros de día ata o outono”, reprobou Gonzalo Caballero, e recordou que é “un dereito das persoas maiores” e que Feijóo “ten a obriga” de atendelos.

    “Amosa que non ten ningunha sensibilidade social e que despreza ás persoas máis vulnerables ao negarse a abrir os centros de día”, incidiu, consciente de que milleiros de persoas estanse a ver privadas da súa rehabilitación e de actividades importantes para a súa saúde mental e física.

    “Non podemos consentir este retroceso en dereitos para as persoas maiores”, concluíu o responsable do PSdeG, quen garantiu que “un goberno progresista a partir do 12 de xullo poñerá todas as garantías” para reabrir os centros de día.

    COLABORACIÓNS

    Saliente de guardia

    El volumen de la canción y un discreto codazo de mi mujer me devolvieron a la realidad. El homenajeado sonreía frente a las velas encendidas de la tarta y los invitados entonaban el 'cumpleaños feliz'. Yo tenía la mirada perdida pero, tras el aviso, me incorporé a las últimas notas y al aplauso final.

    Entrevista a Carlos García Vaso

    Escribir sobre Azul y Negro es un orgullo, ya no solo por ser parte de la historia de nuestra música (¿Quién no recuerda las melodías / himnos que hicieron para varias Vueltas Ciclistas a España?) sino por que nunca fueron de divos y siempre estuvieron cerca de sus fans. Acaban de publicar nuevo disco (el Covid los volvió a unir a la formación original) y por tal motivo charlamos con Carlos.

    ¡Indultos!

    Hace unas semanas fue la época de los indultos. Por un lado, se indultaron a los "díscolos catalanes" que quisieron "separarse de la madre patria" para ocultar las vergüenzas de tantos años de corrupción ya que, si no no se entiende. Ni historia ni, sobre todo los datos económicos, lo sostienen por ningún lado.

    Xesús Constenla, «O peso do cerebro»

    Xesús Constenla xa nos ten acostumados a unha narrativa arriscada e alonxada de tópicos, o que non deixa de ser un aliciente para calquera lector. Agora, con «O peso do cerebro», mantense firme nesta liña de traballo para adentrarse no confuso mundo de don Honorio, un vello afectado de demencia senil que un día, aproveitando un despiste da súa neta, Paula, sae da casa e vaga sen rumbo pola cidade de Barco (doadamente identificable co Ferrol natal do autor), un espazo que, coma o protagonista, coñeceu mellores tempos.

    Colaboradores

    Alberto Aliaga Sola
    12 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    4 POSTS0 COMMENTS
    Manrique Fernández
    44 POSTS0 COMMENTS
    Paz de la Peña
    34 POSTS0 COMMENTS
    Ricardo Canosa Bastos
    1 POSTS0 COMMENTS
    Roberto Mera
    2 POSTS0 COMMENTS