11.5 C
Pontevedra
Sábado, 27 de Novembro de 2021
Máis
    HomeEleccións 12XO PSOE comprométese en Salceda á construción do novo colexio e a...

    O PSOE comprométese en Salceda á construción do novo colexio e a reforzar o ensino secundario

    A candidatura do PSdeG-PSOE visitou o CEIP Altamira xunto con Verónica Tourón e concelleiros do grupo de Goberno para denunciar a política educativa de barracóns do PP

    A candidatura do PSdeG-PSOE ás próximas Eleccións Autonómicas estivo en Salceda de Caselas para visitar as instalacións do Colexio de Infantil e Primaria Altamira, “un dos moitos exemplos do abandono do Partido Popular ás infraestruturas educativas básicas de Galicia”, sinalaron as e os socialistas. O centro, ademais de resultar insuficiente para acoller a toda a poboación escolar desta localidade, conta cun comedor escolar situado nuns barracóns de obra reutilizados e que estaban, ata hai dous anos, fóra de uso noutro colexio da comarca do Condado.

    Durante a visita, as candidatas Leticia Gallego e Noelia Otero, así como os candidatos ás próximas Eleccións Autonómicas Rubén Pérez e Felipe González, expresaron ao grupo municipal socialista, encabezado pola portavoz e tenente de alcalde de Salceda, Verónica Tourón, o compromiso do novo Goberno da Xunta de Galicia, que presidirá Gonzalo Caballero, de asumir a demanda histórica da construción dun novo colexio en Salceda de Caselas. A tenente de alcalde, Verónica Tourón, explicou que unhas 200 familias están obrigadas a buscar praza escolar nos concellos da contorna por falta de prazas en Salceda e destacou que, por contra, son moitos os concellos galegos que, con menor poboación, dispoñen de moitas máis planta escolar.

    A candidatura socialista coñeceu tamén as obras de ampliación realizadas o ano pasado, coa habilitación de catro novas aulas, “un auténtico parche que non resolveu nada e que só se executou para dar unha escusa á Xunta de Galicia, que levaba 11 anos sen investir nas dotacións educativas de Salceda e marxinando a este municipio, para volver desaparecer do mapa”, subliñou Leticia Gallego. A candidata expresou tamén o seu rexeitamento pola utilización deste tipo de barracóns-comedor en colexios onde adoita haber gobernos municipais con cor política distinta ao Partido Popular, o que amosa unha modalidade de caciquismo especialmente cruel, pois realízase a costa do benestar do alumnado.

    A concelleira de Educación, Gela Ledo, destacou que os barracóns chegaron hai dous cursos a Salceda sen pintar e con desperfectos. Houbo que dotalos de auga e luz e, a día de hoxe, carecen de aire acondicionado polo que as condicións de temperatura no interior son deplorables. Ademais, subliñou que as obras realizadas no colexio non solucionaron a masificación dun centro que ten unha media de 25 alumnas/os por aula e catro aulas por cada curso. “É necesario un colexio novo que sexa unha solución definitiva”, remarcou.

    Por outra banda, subliñou que o IES de Salceda carece de especialidades e non hai opción de realizar o Bacharelato na localidade, carencia que se agrava polas dificultades para dispoñer de transporte escolar.

    COLABORACIÓNS

    Ponteareas deportiva

    Los núcleos más importantes de población concentran el grueso de las pruebas deportivas que se celebran a lo largo del año. Es lógico, las infraestructuras para la práctica de deporte forman parte del paisaje de grandes urbes, mientras ciudades pequeñas y pueblos tienen limitado el acceso a gimnasios, pistas, pabellones y piscinas.

    Domingo Villar, «Algúns contos completos»

    Domingo Villar é un dos escritores galegos de maior sona grazas ás súas novelas policiais protagonizadas polo inspector Leo Caldas. Pero o que agora nos presenta neste volume é unha faciana moi diferente daquela á que nos ten acostumados. Nesta entrega non hai crimes, nin intriga, nin tramas reviradas, nin atisbo algún de narración policial nin de literatura negra. Trátase dun proxecto moito máis persoal e cercano, un pequeno capricho feito á medida del e do seu círculo máis íntimo.

    ¡Galicia profunda!

    Hace unas semanas, Galicia saltó a la palestra por el dictamen de una jueza de Marbella que le retiró la custodia de un hijo a su madre por llevárselo a vivir a la "Galicia profunda". Tengo que reconocer que no he leído el auto y por lo tanto quiero pensar que una persona como una jueza, a la que se presupone cierto nivel cultural y un cierto grado de sentido común, que haya incluído esos términos en el mismo, ha sido un desliz. De ser un acto meditado demuestra el grado de ignorancia existente en éste país.

    Ana Cabaleiro, «Deixádenos remar»

    Descubrimos a Ana Cabaleiro cun libro de relatos tan interesante como «Sapos e sereas». Logo viría a novela «Las Ramonas» e agora chega cunha terceira proposta que, tal e como eu o vexo, navega entre ambos os dous mundos, o do relato curto e a novela tradicional, sen acabar de mergullarse en ningún deles. Claro que tal afirmación ben merece unha explicación detallada.

    Colaboradores

    Alberto Aliaga Sola
    14 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    6 POSTS0 COMMENTS
    Manrique Fernández
    49 POSTS0 COMMENTS
    Paz de la Peña
    36 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    2 POSTS0 COMMENTS