10.8 C
Pontevedra
Martes, 19 de Marzo de 2024
Máis

    Tag: digna rivas

    Digna Rivas presenta o seu equipo para as eleccións municipais

    Esta fin de semana, Digna Rivas, presentaba o seu equipo para as eleccións municipais do 28M coa intención de dar a coñecer máis de preto as persoas coas que traballará os vindeiros 4 anos.

    A xustiza pronúnciase a favor do Concello de Redondela no recurso interposto polo alumeado de Nadal

    A alcaldesa de Redondela, Digna Rivas, cualificou hoxe de “absoluta irresponsabilidade” o intento do PP de desprestixiar ao goberno local facendo alegacións falsas sobre a contratación do alumeado de Nadal. Por unha banda, a alcaldesa denunciou o intento de boicot, o día do acendido, "mentindo nas redes sociais e nos medios ao dicir que o Tribunal Administrativo de Contratación Pública de Galicia ordenou a suspensión do alumeado de nadal; por outra banda xustificaron estas afirmacións con información manipulada que difundiron de forma ilegal e sen contexto".

    Redondela reafirma a súa aposta pola igualdade cun completo programa de actividades para o 25N

    A Concellería de Igualdade do Concello de Redondela, dirixida por Iria Vilaboa, vén de dar a coñecer o programa da Campaña de Igualdade en torno o día Internacional da Eliminación da violencia contra a muller. Unha iniciativa, aposta persoal da alcaldesa Digna Rivas, que busca poñer sobre a mesa de debate “todos aqueles temas que poñan en valor o papel da muller na sociedade e a súa loita por acadar unha igualdade real como único camiño para conseguir unha sociedade máis xusta”.

    Redondela denuncia o abandono das estradas por parte da Xunta

    O Concello de Redondela denuncia o que cualificou de "lamentable abandono" e deterioro daquelas estradas competencia da Xunta de Galicia. A alcaldesa Digna Rivas considera o feito "un insulto á cidadanía de Redondela” ao constatar que nos Orzamentos da Xunta de Galicia para o 2022, “non se contempla nin un euro para a reforma da Avenida Mendiño, ao igual que para a Avenida de Vigo ou a estrada PO-250", todas responsabilidade da administración da Xunta.

    Redondela recupera a tradición do magosto

    O Concello de Redondela celebra o Magosto o día 5 de novembro na Alameda de Castelao. As actividades comezarán ás 17 horas e haberá un total de 32 xogos populares diferentes entre os que se atopan, trompos, zancos, xogo da ra, da chave, bolos, mouróns, quebracabezas, carreiras de caracois ou labirintos que estarán baixo a supervisión de monitores/as da asociación A Madana.

    O Cemiterio dos Eidos, entre os candidatos do concurso nacional Cemiterios de España

    O cemiterio de Eidos figura entre un dos sete camposantos candidatos do concurso Cemiterios de España convocado pola revista Adios Cultural, un certame que, segundo explica a alcaldesa Digna Rivas, busca poñer en valor “a importancia histórica, cultural, social, artística e patrimonial que teñen os cemiterios, elementos que concorren todos eles no cemiterio dos Eidos”.

    Convocada a décimo oitava edición do Concurso Fotográfico do Obradoiros de Estudos Locais Fernando Monroy

    A Casa do Concello de Redondela acolleu na mañá de hoxe o acto de presentación do XVII Concurso Fotográfico que organiza o Obradoiro de Estudos Locais Fernando Monroy. No acto, a alcaldesa Digna Rivas estivo acompañada pola concelleira de Cultura, Iria Vilaboa e por membros do Obradoiro.

    A Concellería de Servizos Sociais abre a inscrición para as actividades de inverno dirixidas ás persoas maiores do municipio

    A Concellería de Servizos Sociais e Persoas Maiores que xestiona a concelleira Iria Vilaboa, vén de anunciar a posta en marcha de dous programas, de carácter totalmente gratuíto, que buscan proporcionar ás persoas maiores das ferramentas precisas para coidar a súa saúde física e mental.

    O Concello de Redondela optimiza o alumeado público do paseo da praia de Cesantes con luminarias LED

    A Concellería de Vías e Obras do Concello de Redondela, departamento xestionado por Vicente Lamas, procedeu nestes días a mellora e optimización enerxética do alumeado dunha parte do paseo da praia de Cesantes, substituíndo as antigas luminarias de vapor de sodio por outras dotadas de tecnoloxía LED.

    A entrada a Redondela pola Avenida Santa Mariña péchase ao tráfico para obras de mellora da rede de abastecemento e saneamento

    O Concello de Redondela vén de anunciar o peche, dende hoxe luns 5 de setembro, da entrada ao casco urbano pola Avenida de Santa Mariña (dirección ao Bar Rivas) para, aproveitando ás obras de humanización da citada vía, proceder á substitución das canalizacións tanto de saneamento de pluviais e fecais coma de abastecemento de auga potable, redes que contan con preto de 50 anos de antigüidade.

    ‘Axentes do cambio’ rematan a decoración mural dun dos edificios do antigo apeadeiro de Chapela

    A zona do antigo apeadeiro de Chapela, que marca o final da Vía Verde de Redondela, vai tomando forma e adecuando a súa estética á contorna dun espazo que xa é un dos lugares de ocio preferidos pola veciñanza e que, en moitos dos seus treitos, é un auténtico balcón sobre a ría.

    A arte mural decorará os as paredes dos edificios do antigo apeadeiro de Chapela ao remate da Vía Verde

    O antigo apeadeiro de Chapela, punto final da recen estreada Vía Verde, sendeiro que vén de converterse nun dos lugares de ocio e esparexemento de Chapela por excelencia, cambiará a súa fisonomía ao ver transformadas os muros dos dous edificios existentes en mostras de arte mural.

    Os días 5 e 6 de agosto Redondela transfórmase nun escenario urbano para acoller o XXIII Festival de Artistas de Rúa

    A alcaldesa de Redondela, Digna Rivas, acompañada da concelleira de Cultura, Iria Vilaboa, presentou na mañá de hoxe a vixésimo terceira edición do Festival de Artistas de Rúa, un evento “que segue a colocar a Redondela no eixo da cultura a nivel nacional” e que converterá ao casco urbano redondelán “nun escenario vivo e dinámico no que dar renda solta á imaxinación e á ledicia de mans de agrupacións e profesionais de recoñecido prestixio”, asegurou a rexedora local.

    O consenso acadado con AER e BNG permite ao Goberno socialista de Redondela aprobar “uns orzamentos históricos”

    A alcaldesa de Redondela, Digna Rivas, valorou o acordo acadado polo Goberno socialista que preside con AER e BNG que permitiu a aprobación dos Orzamentos 2022 “nun contexto no que o benestar da veciñanza e o desenvolvemento do municipio antepuxéronse a criterios partidistas”. Rivas non dubidou en cualificar de “históricos” os Orzamentos aprobados no Pleno, “tanto polo seu importe, superior aos 20,1 millóns de euros, coma polo feito de que permiten reforzar todas as áreas de protección social cun notable incremento en todas as súas partidas”.

    Redondela presenta a programación das Festas da Coca 2022 que se celebrarán entre o 15 e 19 de xuño

    “Volvemos con forza, deixamos atrás tempos tristes e, por fin, podemos volver a desfrutar da nosa Festa da Coca nas rúas e coas nosas veciñas e veciños”, asegurou a alcaldesa de Redondela Digna Rivas no acto de presentación do programa da Festa da Coca 2022, celebrado na mañá de hoxe na Praza do Concello.

    Redondela presenta o seu estudo de recuperación e conservación da microtoponimia do Concello

    O Concello de Redondela presentou esta semana na Casa do Concello, un ambicioso proxecto de recuperación, conservación, estudo e difusión da microtoponimia do municipio, unha iniciativa posta en marcha dende a Concellería de Normalización Lingüística que xestiona a alcaldesa Digna Rivas.

    Redondela contrata a 19 persoas en situación de desemprego ao abeiro do Plan Concellos da Deputación

    O Concello de Redondela vén de contratar a un total de 19 persoas en situación de desemprego para reforzar a prestación de servizos á cidadanía. Máis polo miúdo trátase de tres técnicas de Turismo, unha traballadora social, tres persoas para reforzamento do servizo eléctrico e 11 traballadores e traballadoras forestais.

    #TIKTOKCONSENTIDIÑO, creatividade e reforzamento das habilidades sociais da mocidade a través de actividades de lecer

    Ofrecer un espazo onde as mozas e mozos con idades comprendidas entre os 12 e 17 anos poidan descubrir o seu talento creativo e, ao mesmo tempo, mellorar a súa autoestima, capacidade de expresar emocións e relacionarse co seu entorno, é o obxectivo que busca o obradoiro #TIKTOKCONSENTIDIÑO, que se desenvolverá o vindeiro venres, 18 de marzo, na Casa da Cultura entre as 16:30 h e as 19 horas.

    O Concello de Redondela cualifica de “ataque contra o patrimonio de toda a veciñanza” o actos vandálicos no parque infantil de Chapela

    “O vandalismo do que foi obxecto o parque infantil de Chapela va máis aló dunha simple gamberrada e é un ataque ao patrimonio de toda a veciñanza”, asegurou Digna Rivas ao ser informada dos danos que sufriu a antedita área infantil e que afectaron á case que todos os aparellos con que conta a instalación.

    Redondela desenvolverá un amplo programa do 8M “para que a loita pola igualdade non quede cinguida a un só día”

    A Concellería de Igualdade, que xestiona Iria Vilaboa, vén de ultimar un amplo programa para conmemorar o 8M, Día Internacional da Muller, e poñer o foco de atención sobre a igualdade como eixo imprescindible acadar unha sociedade xusta. Serán 9 días de actividades variadas e dirixidas a todos os sectores da sociedade “como partes imprescindibles na loita pola igualdade” asegurou a alcaldesa Digna Rivas.

    Redondela ultima o programa das ‘II Xornadas de Muller e Igualdade «Gemma Pereira Otero»

    A Concellería de Igualdade do Concello de Redondela, dirixida por Iria Vilaboa, vén de dar a coñecer o programa das que serán as 'II Xornadas de Muller e Igualdade «Gemma Pereira Otero», unha iniciativa, aposta persoal da alcaldesa Digna Rivas, que busca poñer sobre a mesa de debate todos aqueles temas que poñan en valor o papel da muller na sociedade e a súa loita por acadar unha igualdade real como único camiño para conseguir unha sociedade máis xusta.

    Digna Rivas, “seguirei loitando para que Aucosa saia da enseada pero non podo eludir a miña responsabilidade como alcaldesa nen asumir o risco dunha quebra do Concello”

    A alcaldesa de Redondela, Digna Rivas, explica polo miúdo o panorama que se da trala sentenza que revoga "por inexactitudes" a licenza de ampliación e modernización das instalacións de Aucosa. Rivas subliña que, pese a súa opinión como veciña que leva loitando dende sempre pola saída da empresa da enseada de San Simón, como alcaldesa debe recorrrer unha sentenza que, de non facelo, podería supoñer o risco da quebra do Concello.

    Últimos días para inscribirse no II Concurso de Escaparates de Entroido de Redondela

    Por segundo ano consecutivo, as Concellerías de Eventos e Promoción Económica, que xestionan a alcaldesa Digna Rivas e a concelleira María Castro, respectivamente, veñen de convocar o Concurso de Escaparates de Entroido, unha iniciativa que busca “incentivar e premiar aos e as comerciantes que, co seu esforzo, apoian a promoción e mellora da imaxe do comercio cunha decoración especial dos seus escaparates”.

    O Goberno de Pedro Sánchez cumpre cos compromisos adquiridos con Redondela aprobando o proxecto de reposición de viais

    O Ministerio de Tranportes, Mobilidade e Axenda Urbana, MITMA) anunciou hoxe a aprobación do proxecto de construción da reposición e mellora do viario local en Chapela, dando cumprimento ás demandas que, en tal sentido, lle tiñan feito o Goberno socialista de Redondela que preside Digna Rivas, a Asociación de...

    O Goberno de Redondela reforza o apoio ás vítimas da violencia machista a través de obradoiros de ‘Mindfulness’

    O Concello de Redondela, a través do Centro de Información á Muller (CIM), poñerá en marcha durante os meses de marzo e abril obradoiros de Mindfulness (Conciencia plena) nos que, a través de técnicas guiadas de relaxación e meditación, permitan mellorar o benestar emocional das mulleres vítimas de violencia machista.

    Bancos nas alamedas Castelao de Redondela e Rosalía de Castro de Chapela para lembrar a persoeiros destacados do municipio

    No mes de xuño de 2019, recen chegado o Goberno que preside Digna Rivas ao Concello, unha das súas primeiras iniciativas, desenvolvida a través do Servizo de Normalización Lingüística, foi a de perpetuar o nome de persoeiros ilustres de Redondela, ou que mantiveron relación co municipio, a través de placas situados nos bancos da Alameda Castelao e a Alameda Rosalía de Castro de Chapela.

    O Concello de Redondela inicia unha campaña informativa sobre o protocolo de actuación fronte a vespa velutina

    O Concello de Redondela, a través da Concellería de Medio Ambiente que xestiona Alberto Álvarez, iniciará este vindeiro venres, 4 de febreiro, unha serie de charlas informativas nas parroquias do municipio, nas que se darán a coñecer os protocolos de actuación fronte á vespa velutina.

    Redondela contará cun axente da policía local dedicado a todas as tarefas relacionadas coa violencia machista

    O Goberno local de Redondela vén de dar un paso máis na loita contra a violencia de xénero e a asistencia as vítimas destinando especificamente un axente de policía local, Obulio Iglesias Otero, ás tarefas relacionadas coa violencia de xénero e o sistema VioGén. O axente, acompañado do xefe da Policía Local, foi recibido na mañá de onte pola alcaldesa de Redondela, Digna Rivas e polo concelleiro de Seguridade, Nacho González.

    O Goberno de redondela denuncia que “a irresponsabilidade” do PP deixa á veciñanza sen servizo de emerxencias

    A alcaldesa de Redondela, Digna Rivas, cualificou hoxe de “absoluta irresponsabilidade” a negativa do PP, plasmada no seu voto en contra no pleno do pasado xoves, á posta en marcha do GES (Grupo de Emerxencias Supramunicipal) Redondela-Mos, iniciativa que partía da Xunta de Galicia e que o Concello de Mos xa aprobara no seu respectivo pleno municipal.

    Licitadas as obras de saneamento e abastecemento da contorna do Pazo de Agrelo en Cesantes

    O Concello de Redondela vén de licitar os traballos que, baixo o nome de 'Servizos e Pavimentación na contorna do Pazo Torres Agrelo', permitirá dotar de servizos de saneamento e abastecemento de auga a diferentes núcleos situados na contorna do pazo de Torres Agrelo. Os traballos, incluídos no Plan Concellos 2021 da Deputación de Pontevedra, contarán cun investimento de 434 804,76 euros.

    O Plan ReacPon da Deputación impulsa a esperada transformación da Picota en Redondela

    A veciñanza de Redondela poderá desfrutar dunha gran transformación do espazo público na rúa da Picota, que integrará no seu trazado as prazas de Fonte do Mouro e da Capela de Santa Mariña para crear unha zona continua, segura, accesible e onde o tránsito peonil será protagonista. Esta grande actuación será posible co Plan ReacPon da Deputación de Pontevedra, cuxo convenio asinaron hoxe a presidenta provincial Carmela Silva e a alcaldesa de Redondela, Digna Rivas.

    O Concello de Redondela segue sen ter información oficial da Xunta de Galicia sobre o parque eólico en Reboreda

    A alcaldesa de Redondela, Digna Rivas, asegurou onte que o Concello de Redondela “non ten ningún tipo de notificación, informe ou comunicación oficial” sobre a instalación dos aeroxeneradores que a Xunta pretende situar nos montes da parroquia de Reboreda, no límite co veciño concello de Pazos de Borbén.

    Redondela aproveita o escaparate de FITUR para dar a coñecer o seu potencial turístico

    O Concello de Redondela estará presente na Feira Internacional de Turismo, Fitur 2022, para dar a coñecer nesta cita –unha das de máis relevo de Europa e que mañá abre as súas portas no Ifema de Madrid– toda a súa potencialidade turística.

    Meirande mantén un crecemento continuado en número de visitantes pese as restricións da pandemia

    As 6903 persoas que durante o pasado ano 2021 visitaron o Meirande –Centro de Interpretación da Batalla e do Patrimonio de Rande– amosan claramente o interese que esta instalación esperta nas persoas que visitan Redondela. Pese as restricións impostas pola pandemia da Covid-19, o Meirande mantén un crecemento continuado no número de visitantes.

    O Goberno local redondelán confía en aprobar inicialmente o PXOM nos primeiros meses do 2022

    A tramitación do Plan Xeral de Ordenación Municipal (PXOM) de Redondela camiña cara a súa aprobación inicial algo que, segundo os cálculos do Goberno local, podería producirse nos primeiros meses do vindeiro 2022.

    Redondela aproba en Pleno Extraordinario o convenio de adhesión para o Transporte Metropolitano da Área de Vigo

    O Pleno extraordiario da Corporación Municipal de Redondela aprobou este mediodía –cos votos a favor do PsdeG-PSOE, PP e BNG– e o voto en contra de AER, o convenio de adhesión do municipio ao Transporte Metropolitano da Área de Vigo, o que permitirá abaratar o prezo do transporte público para a veciñanza.

    O Conservatorio de Redondela acolle, entre o 11 e 13 de novembro, unha ‘masterclass’ de dirección orquestral

    Dous nomes de recoñecido prestixio internacional na dirección orquestral, Sander Teepen e Martien Maas, músicos ámbolos dous dos Países Baixos, serán os encargados de desenvolver entre os días 11 e 13 de novembro, unha máis que atractiva masterclass de dirección Orquestral que terá lugar no Conservatorio redondelán organizada pola Orquestra de Saxos de Redondela

    A Biblioteca Xela Arias de Chapela acolle hoxe a presentación da reedición do libro ‘Chapela, de onte a hoxe’ de Gonzalo Mencía

    A biblioteca Xela Arias de Chapela acolle este vindeiro mércores, 10 de novembro ás 19 horas, a presentación da reedición do libro Chapela, de onte a hoxe de Gonzalo Mencía, traballo do que esgotáronse os exemplares da primeira edición realizada, hai tempo polo Concello de Redondela.

    O Goberno redondelán reitera que acata a decisión da Dirección Xeral de Patrimonio con respecto ás obras da Praza de Ponteareas

    O Goberno local de Redondela lembrou onte, a raíz do achado dun muro de contención do século XIX nas obras de humanización da Praza de Ponteareas, que o Concello “carece de competencias en materia patrimonial, correspondendo estas á Dirección Xeral de Patrimonio (DXP) que é a que marca a pauta a seguir nestes casos”. Polo tanto o Goberno que preside Digna Rivas reitera o acatamento da decisión adoptada pola DXP con respecto ás anteditas obras.

    Arealonga recupera a súa memoria fotográfica a través dun panel situado no paseo marítimo

    O Concello de Redondela acaba de instalar un panel no paseo marítimo de Arealonga que recolle parte da memoria fotográfica desta zona de Chapela. A foto central, da autoría de Pacheco, retrata a paisaxe mariñeira e, ao seu arredor, se incluíron outras fotografías coas que se busca recuperar a memoria e a tradición marítima de Chapela.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.