23.8 C
Pontevedra
Domingo, 2 de Outubro de 2022
Máis
    HomeComarcasRedondelaConvocada a décimo oitava edición do Concurso Fotográfico do Obradoiros de Estudos...

    Convocada a décimo oitava edición do Concurso Fotográfico do Obradoiros de Estudos Locais Fernando Monroy

    A alcaldesa, Digna Rivas, subliñou na presentación do certame, a importancia do traballo que desenvolve o Obradoiro “para recuperar, manter e difundir a nosa cultura e patrimonio en todas e cada unha das iniciativas que desenvolven”.

    A Casa do Concello de Redondela acolleu na mañá de hoxe o acto de presentación do XVII Concurso Fotográfico que organiza o Obradoiro de Estudos Locais Fernando Monroy. No acto, a alcaldesa Digna Rivas estivo acompañada pola concelleira de Cultura, Iria Vilaboa e por membros do Obradoiro.

    A alcaldesa subliñou a “extraordinaria importancia” que ten a labor que desenvolve o Obradoiro de Estudos Locais Fernando Monroy “de recuperar, manter e difundir a nosa cultura e patrimonio e evitar que caian no esquecemento”. Boa mostra dese traballo, engadiu Digna Rivas, “é este concurso fotográfico que pouco a pouco e pasiño a pasiño, foi quen de consolidarse entre os certames fotográficos de referencia do sur de Galicia” algo que, para a rexedora local redondelá, “non é froito da casualidade senón do esforzo e traballo continuado das e dos compoñentes do Obradoiro de Estudos Locais”.

    Esta nova edición do concurso fotográfico, terá aberta a súa inscrición ata o día 2 de novembro do 2022 e, as e os concursantes deberán presentar as fotografías, obrigatoriamente, en formato dixital e impreso. As fotografías en formato dixital poderán enviarse en calquera soporte de almacenamento dixital ou por correo electrónico ao enderezo obradoiro@estudoslocais.org. As fotografías impresas, que non poderán excede de 20×30 cm, deberán ir sobre soporte ríxido de cartón pluma, paspartú ou cartolina.

    Os sobres coas fotos poden entregarse tanto persoalmente como por correo ordinario ao enderezo do Círculo Cultural D. de Cesantes,. Estrada de Cesantes, nº 28, 36693 Cesantes, Redondela entre as 15 horas e as 21 horas. Tamén se poden entregar na Farmacia I Muíños de Cesantes e nas tendas de fotografía Cal-3 e S. Bastos de Redondela.

    Para garantir o anonimato dos traballos, estes deberán presentarse cun pseudónimo e un título para cada fotografía, acompañando a foto cun sobre pechado, identificado fora co mesmo pseudónimo, no que se incluirán os datos persoais do autor ou autora (Nome e apelidos, pseudónimo, DNI, data de nacemento, enderezo, correo electrónico, teléfono de contacto, título da obra e breve reseña e lugar onde foi tomada a foto.

    Establécense dúas categorías: xuvenil (ata 17 anos) e adultos e o certame repartirá un total de 775 € en premios cun premio á mellor fotografía de 250 €. Para a categoría de Adultos establécese un primeiro premio de 150 euros, un segundo de 125 e un terceiro premio de 100 euros. Para a categoría xuvenil o primeiro premio será de 100 euros e o segundo de 50 euros. Os premios non poderán ser declarados desertos e a mesma persoa non poderá ser motivo de máis dun deles.

    Finalmente, as fotos premiadas serán elixidas a mediados de novembro do 2022 e o fallo do xurado colgarase na web e no Facebook do Obradoiro de Estudos Locais para as súas consultas. Posteriormente, as e os galardoados serán avisados con suficiente antelación para asistir ao acto de entrega de premios organizado a tal efecto polo Obradoiro.

    COLABORACIÓNS

    Heterodoxos

    A editorial Galaxia vén de sacar do prelo unha nova colección que, baixo a denominación xenérica de «Heterodoxos», pretende darlle voz a autores ou obras que, polas súas peculiaridades, non teñen cabida dentro das coleccións habituais das editoriais.

    Teatro para nen@s

    Sempre fun dos que defenden a valía do teatro como asignatura en todos os niveis da educación. Polas súas evidentes compoñentes pedagóxicas e pola súa capacidade para aprender a expresarnos en público e a empatizar con outros, tan distintos de nós, merecería un espazo de honra no noso curriculo educativo. Por iso non quero deixar pasar o inicio do novo curso escolar sen facer un par de recomendacións de pezas teatrais dirixidas aos máis pequenos da casa.

    Ramón D. Veiga, «Zoom»

    En ocasións, a literatura xorde dun puro divertimento, dun simple xogo que alicerza a escrita e do que o autor ou autora se fai partícipe dende o inicio. Hai exemplos numerosos ao respecto, ás veces concibidos como simples exercicios de estilo, outras, como argalladas transgresoras coas que experimentar un xeito determinado de escribir. O que hoxe traemos a este espazo parece encaixar perfectamente nese prantexamento lúdico.

    ¡Galicia negra!

    En estos últimos días, mejor dicho ya semanas, estamos volviendo a la cruda realidad de ver a nuestra Galicia de nuevo ennegrecida por el humo y por los incendios. No es algo que nos pille de sorpresa, por desgracia ya es algo habitual desde hace muchos años aunque, este año, se ha adelantando en el tiempo, ya que lo que solía ocurrir principalmente a finales de verano, debido a la climatología de este año, ya está sucediendo en estos meses.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    69 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS