16.1 C
Pontevedra
Mércores, 18 de Maio de 2022
Máis
    HomeComarcasRedondelaRedondela presenta o seu estudo de recuperación e conservación da microtoponimia do...

    Redondela presenta o seu estudo de recuperación e conservación da microtoponimia do Concello

    O Concello de Redondela presentou esta semana na Casa do Concello, un ambicioso proxecto de recuperación, conservación, estudo e difusión da microtoponimia do municipio, unha iniciativa posta en marcha dende a Concellería de Normalización Lingüística que xestiona a alcaldesa Digna Rivas.

    O proxecto trata de minguar a perda da riqueza do patrimonio inmaterial “que corre serio risco de desaparición coa morte de cada persoa maior”, asegurou a alcaldesa Digna Rivas quen lembrou que a toponimia “é un dos elementos do patrimonio inmaterial valorados pola UNESCO como de especial protección”.

    Por unha banda, e grazas a unha subvención da Deputación de Pontevedra, o Concello publicará tres libros que recollen a microtoponimia das parroquias de Cabeiro, Negros e Vilar de Infesta. A autor, Cora Represas, é licenciada en Filoloxía Galega e fixo o estudo do significado de cada un dos microtopónimos.

    O traballo de campo, de recollida de cada nome, fixérao hai anos a Cooperativa Tres Pés, de Redondela. Por iso, o concello quixo darlle saída  a este traballo para completalo e sacalo á luz. Os libros repartiranse de maneira gratuíta e tamén se poden descargar de balde na web de toponimia.

    Esta web (toponimia.redondela.gal), que tamén contou co apoio da Deputación, recolle xa 350 topónimos das citadas parroquias. A novidade, con respecto a a outras webs de toponimia, é que cada microtopónimo trae unha explicación. O concello quere facilitar a xente o coñecemento da toponimia, a súa historia e localización. Nesta web, ademais de descargar os libros, tamén hai unha ligazón ao proxecto da Real Academia Galega e Xunta de Galicia, “Galicia Nomeada”, onde o SNL vai cargando cada microtopónimo nun mapa para a súa consult apública.

    Por último, e como resultado do traballo colaborativo entre os equipos de dinamización lingüística dos institutos de Redondela e o SNL, presentouse unha unidade didáctica. Esta proposta, dirixida aos cursos da ESO e Bacharelato, quere facer partícipe á comunidade escolar (alumnado, profesorado e familias) na toma de conciencia da importancia da toponimia, insistindo nesa liña de especial protección do patrimonio inmaterial.

    COLABORACIÓNS

    ¡El mago de la electrónica, ha muerto!

    El personaje de la portada, es probable que a muchos lectores no le suene, quizás algunos al ver los cachibaches que está utilizando, se puedan hacer una pequeña idea, pero los seguidores de la música electrónica clásica y el Krautrock, seguro que si lo conocen perfectamente. Estamos hablando del mago de la electrónica, uno de esos pioneros que elevaron este estilo musical y la forma de hacer música al grado de celestial. Esta semana nos ha dejado el gran e inigualable, Klaus Schulze.

    Ledicia Costas, «O neno de lume»

    Ledicia Costas ten unha imaxinación poderosa e unha rara habilidade para a construción do que poderiamos chamar «relato marabilloso», ese que mistura realidade e fantasía, no que conviven persoas do común con seres sobrenaturais dotados de habilidades especiais.

    Mamá

    Cuatro letras de una de las palabras que primero aprendemos, que más pronunciamos a lo largo de nuestra vida y que más seguridad nos transmite.

    Brillante papel do CN Ponteareas nos campionatos de España de Torremolinos

    Torremolinos, en Málaga, foi a sede do XXII campionato de España “Open” Absoluto–XXXVIII Campionato de España júnior, que se disputou en piscina de 50 metros do 9 ao 13 de abril. O evento congregaba aos principais nadadores e nadadoras nacionais e foi retransmitido en directo pola canle Teledeporte.

    Colaboradores

    Alberto Aliaga Sola
    19 POSTS0 COMMENTS
    Bea Sanfa
    12 POSTS0 COMMENTS
    Manrique Fernández
    63 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS