18.5 C
Pontevedra
Venres, 19 de Abril de 2024
Máis
    HomeComarcasRedondelaDigna Rivas presenta o seu equipo para as eleccións municipais

    Digna Rivas presenta o seu equipo para as eleccións municipais

    Esta fin de semana, Digna Rivas, presentaba o seu equipo para as eleccións municipais do 28M coa intención de dar a coñecer máis de preto as persoas coas que traballará os vindeiros 4 anos. O lugar escollido para o acto foi a Praza de Ponteareas, por ser “un lugar símbolico e representativo da miña xestión no goberno. Demostrando que se pode avanzar e transformar infraestructuras degradas para melloralas e ofrecer mellores servizos á cidadanía. Redondela hoxe é progreso e luce transformada gracias o apoio das persoas que escolléronme como alcaldesa. Avanzamos contigo é a única forma de resumir a importancia da implicación cidadán no benestar do Concello e o municipio”, explicaba Rivas.

    O evento estivo amenizado polos músicos Xulio Lorenzo e Diego Bea e incorporáronse elementos audiovisua como apoio á presentación. María Rita Pérez Táboas, Secretaria de Organización do Partido Socialista de Redondela, abría o acto dando “as gracias unha vez máis por estar hoxe aquí e por demostrar con esa presenza o voso compromiso, ese xeito de ser que as e os socialistas levamos no ADN e que nos fai traballar, con cada xesto por moi pequeno que pareza, a prol dos nosos veciños”.

    Despois de ofrecer un vídeo resumo de todas as persoas que conforman a lista, estas foron incorporándose de forma ascendente segundo o seu posto. Pilar Martínez foi a encargada de dar paso á número un, Digna Rivas, cun discurso no que tendeu a man con ilusión para ofrecer o seu traballo e experiencia. “Estou aquí, estamos aquí, para o que necesitedes, coa seguridade de que faremos todo o posible para solucionar os problemas que se presenten. A mentira ten as pernas moi curtas. Non vos fiedes de promesas que non se poden verificar. A dereita e os seus políticos no Parlamento son o mesmo que en Redondela”, dicía no seu discurso Martínez.

    Digna Rivas describía a súa equipa como “homes e mulleres comprometidos cos seus veciños e veciñas; persoas dispostas a traballar arreo para mellorar Redondela. Xente nova, comprometida a nivel deportivo, social, cultural e veciñal. Xuventude  vinculada estrictamente a Redondela. Homes e mulleres dispostos a mellorar, co seu esforzo o nivel de benestar da veciñanza e, volvo a repetir, sin mirar a cor política. Iso é, simplemente, o significado da palabra compromiso que todos e cada un delas e deles teñen perfectamente asumido”.

    Durante o acto a número un do PSdeG de Redondela tivo palabras críticas para a xestión da Xunta de Galicia, pois segundo explicaba “hai catro anos, a Xunta  bloqueou toda canta iniciativa propúxose dende o Goberno que presido e, o que é aínda máis grave, co aplauso do PP local ao que lle daba igual que o Goberno da Xunta, o que debería ser o Goberno de todas e todos os galegos, prexudicaba e vulneraba os dereitos das e dos redondeláns. As reforma da Avenida Mendiño e a Avenida de Vigo en Chapela son dous claros exemplos de partidismo levado ao seu punto máis extremo”. Engadía o importante papel da Deputación de Pontevedra para levar a cabo os proxectos do seu goberno, “Aínda que xa o dixemos por activa e por pasiva, é preciso volver a repetilo: foi a Deputación de Pontevedra á que brindou axuda aos concellos e, como goberno socialista que é, o fixo sen mirar a cor política dos concellos que precisaban de recursos. É así como traballamos as e os socialistas, antepoñendo as necesidades da cidadanía a calquera consideración partidista”.

    Rivas apoiouse nos feitos e nos poxectos realizados nos últimos 4 anos para defender a súa candidatura, destacando “a recuperación de espazos infravalorados para o esparexemento da cidadanía como é o caso da Senda Verde (convertido nun dos lugares de ocio por excelencia do municipio) ou a humanización e reforma da Av. de Santa Mariña; traballamos arreo para conservar e dar a coñecer o noso patrimonio artístico e cultura. Redondela é o cuarto municipio da provincia e os veciños e veciñas merécense infraestructuras á altura. Así que lle procuramos unha entrada digna na contorna da Praza de Ponteareas, unha das principais entradas á vila, convertida nun lugar de convivencia cidadá e anuncia, as persoas que nos visitan, que están nun concello en pleno desenvolvemento social, económico, político e cultural.

    “Como dixen hai catro anos, cando soñabamos con cambiar o rumbo, ou mellor dito, a falta de rumbo dun Concello apático e partidista–, as e os socialistas non prometemos nada nas campañas electorais, nos comprometemos que é ben distinto”, concluía Rivas.

    5 primeiros postos da lista

    1. DIGNA ROSA RIVAS GOMEZ        
    2. MARIA DEL PILAR MARTINEZ GONZALEZ         
    3. ANTONIO CABALEIRO COVELO
    4. MARIA RITA PEREZ TABOAS       
    5. PEDRO VILLAVERDE CAMPOS

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.