21.5 C
Pontevedra
Venres, 27 de Maio de 2022
Máis
    HomeComarcasRedondelaÚltimos días para inscribirse no II Concurso de Escaparates de Entroido de...

    Últimos días para inscribirse no II Concurso de Escaparates de Entroido de Redondela

    O certame está aberto a todos os establecementos que posúan vitrina incluíndose, amais dos comercios, as oficinas ou centros formativos

    Por segundo ano consecutivo, as Concellerías de Eventos e Promoción Económica, que xestionan a alcaldesa Digna Rivas e a concelleira María Castro, respectivamente, veñen de convocar o Concurso de Escaparates de Entroido, unha iniciativa que busca “incentivar e premiar aos e as comerciantes que, co seu esforzo, apoian a promoción e mellora da imaxe do comercio cunha decoración especial dos seus escaparates”.

    Trátase, explica a alcaldesa Digna Rivas, de crear “non só un ambiente agradable, acorde coas datas de entroido nas que nos atopamos, senón ofrecer un aliciente engadido ao comercio local e unha ferramenta para dinamizar as compras nestas datas”.

    No concurso poderán participar todos os establecementos comerciais que teñan unha vitrina cara a rúa. É dicir, que non só estará aberto aos establecementos comerciais, comerciantes polo miúdo e almacenistas de Redondela, senón tamén a todos aqueles establecementos que teñan unha vitrina como poden ser, por exemplo, un despacho de oficinas ou un centro formativo, entre outros.

    A inscrición no concurso será de balde, debendo realizarse no correo electrónico concursoescaparatesentroido@redondela.gal. O prazo de inscrición rematará o vindeiro 18 de febreiro de 2022 e o comercio deberá ter preparado o seu escaparate antes do día 25 de febreiro.

    Outorgaranse tres premios, quedando algún deserto se o xurado estímao oportuno: Premio á orixinalidade e innovación, Premio á composición e deseño tradicional e Premio especial do público dotados, os tres, con 30 cuñas de publicidade na Radio Municipal de Redondela a partir do mes de abril de 2022, agasallo corporativo e diploma acreditativo.

    Pola súa banda, as veciñas e veciños que compren ou consuman nos establecementos participantes terán a oportunidade de votar para outorgar o premio especial do público. O poderán facer dende o 28 de febreiro ata ás 14:00 horas do 4 de marzo de 2022, nunha urna situada na Casa do Concello depositando nela o seu vale debidamente cumprimentado e selado polo establecemento.

    Os nomes dos comercios gañadores serán publicados na páxina web oficial do Concello www.redondela.gal e nas redes sociais corporativas; serán convocados para que asistan ao acto de entrega de premios.

    COLABORACIÓNS

    Diego Giráldez, «O meu sangue»

    Diego Giráldez regresa cunha novela bastante peculiar, que ben poderiamos considerar unha parodia do xénero negro levada a tal extremo que a piques está de se converter en si mesma nunha novela negra.

    ¡El mago de la electrónica, ha muerto!

    El personaje de la portada, es probable que a muchos lectores no le suene, quizás algunos al ver los cachibaches que está utilizando, se puedan hacer una pequeña idea, pero los seguidores de la música electrónica clásica y el Krautrock, seguro que si lo conocen perfectamente. Estamos hablando del mago de la electrónica, uno de esos pioneros que elevaron este estilo musical y la forma de hacer música al grado de celestial. Esta semana nos ha dejado el gran e inigualable, Klaus Schulze.

    Ledicia Costas, «O neno de lume»

    Ledicia Costas ten unha imaxinación poderosa e unha rara habilidade para a construción do que poderiamos chamar «relato marabilloso», ese que mistura realidade e fantasía, no que conviven persoas do común con seres sobrenaturais dotados de habilidades especiais.

    Mamá

    Cuatro letras de una de las palabras que primero aprendemos, que más pronunciamos a lo largo de nuestra vida y que más seguridad nos transmite.

    Colaboradores

    Alberto Aliaga Sola
    19 POSTS0 COMMENTS
    Bea Sanfa
    12 POSTS0 COMMENTS
    Manrique Fernández
    64 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS