23.8 C
Pontevedra
Domingo, 2 de Outubro de 2022
Máis
    HomeComarcasRedondelaA entrada a Redondela pola Avenida Santa Mariña péchase ao tráfico para...

    A entrada a Redondela pola Avenida Santa Mariña péchase ao tráfico para obras de mellora da rede de abastecemento e saneamento

    Aproveitando ás obras de mellora e humanización que se desenvolven na contorna, o Concello renovará a rede de subministro de auga potable para optimizar o servizo que presta á cidadanía

    O Concello de Redondela vén de anunciar o peche, dende hoxe luns 5 de setembro, da entrada ao casco urbano pola Avenida de Santa Mariña (dirección ao Bar Rivas) para, aproveitando ás obras de humanización da citada vía, proceder á substitución das canalizacións tanto de saneamento de pluviais e fecais coma de abastecemento de auga potable, redes que contan con preto de 50 anos de antigüidade.

    A alcaldesa Digna Rivas explicou que as obras de humanización “non se teñen que facer só na parte visible, senón tamén no que non se ve, como a rede de abastecemento de auga potable e as de saneamento, que son fundamentais para prestar un servizo óptimo á veciñanza”.

    Mentres duren os traballos, cun prazo estimado de 15 días, os autobuses de liña regular de Autos González e Monbus que circulen en dirección Pontevedra-Redondela-Vigo, recollerán ás e aos pasaxeiros nas paradas habituais situadas no semáforo da Avenida Santa Mariña (xusto antes das obras) e a carón do antigo cuartel da Garda Civil na estrada N-550.

    En canto aos autobuses escolares que comezarán a circular o vindeiro día 08 de setembro, deberán facelo entrando todos pola Praza de Ponteareas.

    A alcaldesa Digna Rivas agradeceu de antemán a comprensión da veciñanza “polas incomodidades que producen este tipo de actuacións pero que, unha vez rematadas, melloran substancialmente a calidade de vida da veciñanza”.

    Destacou especialmente a alcaldesa redondelá os traballos de substitución da rede de subministro de auga potable “xa que en tempos de seca como os que estamos a vivir, un concello non pode permitirse o luxo de ter canalizacións que, pola súa antigüidade, teñen perdas de auga e diminúen a súa eficacia”.

    COLABORACIÓNS

    Heterodoxos

    A editorial Galaxia vén de sacar do prelo unha nova colección que, baixo a denominación xenérica de «Heterodoxos», pretende darlle voz a autores ou obras que, polas súas peculiaridades, non teñen cabida dentro das coleccións habituais das editoriais.

    Teatro para nen@s

    Sempre fun dos que defenden a valía do teatro como asignatura en todos os niveis da educación. Polas súas evidentes compoñentes pedagóxicas e pola súa capacidade para aprender a expresarnos en público e a empatizar con outros, tan distintos de nós, merecería un espazo de honra no noso curriculo educativo. Por iso non quero deixar pasar o inicio do novo curso escolar sen facer un par de recomendacións de pezas teatrais dirixidas aos máis pequenos da casa.

    Ramón D. Veiga, «Zoom»

    En ocasións, a literatura xorde dun puro divertimento, dun simple xogo que alicerza a escrita e do que o autor ou autora se fai partícipe dende o inicio. Hai exemplos numerosos ao respecto, ás veces concibidos como simples exercicios de estilo, outras, como argalladas transgresoras coas que experimentar un xeito determinado de escribir. O que hoxe traemos a este espazo parece encaixar perfectamente nese prantexamento lúdico.

    ¡Galicia negra!

    En estos últimos días, mejor dicho ya semanas, estamos volviendo a la cruda realidad de ver a nuestra Galicia de nuevo ennegrecida por el humo y por los incendios. No es algo que nos pille de sorpresa, por desgracia ya es algo habitual desde hace muchos años aunque, este año, se ha adelantando en el tiempo, ya que lo que solía ocurrir principalmente a finales de verano, debido a la climatología de este año, ya está sucediendo en estos meses.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    69 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS