Tag: carlos gómez

O mercado de abastos de Baiona acolleu, na mañá de hoxe, a presentación do programa de actividades do BaiNadal 2022, acto no que o alcalde Carlos Gómez estivo acompañado pola concelleira de Cultura, Miriam Costas e polo presidente de ACEBA (Asociación de Empresarios e Comerciantes de Baiona) Marcos Comesaña.

O Concello de Baiona, a través da Concellería de Servizos Sociais xestionada por Conchy Vara, volveu ha rubricar un convenio de colaboración coa academia local Royal Celtic Bay English Language School, centro Examinador de Referencia de Inglés do Trinity College London. Este proxecto, posto en marcha por primeira vez o curso pasado, ten como obxectivo o acceso ao estudo do idioma inglés da cidadanía.

A Concellería de Vías e Obras do Concello de Baiona, baixo a dirección de Óscar Martínez, atópase ultimando traballos de mellora nos distintos centros educativos do municipio ante o inicio do ano escolar e, nesta liña, levaronse a cabo distintas actuacións no CEIP Fontes-Baíña.

O Concello de Baiona presentou, na mañá de hoxe o programa do Baiverán 2022 que foi definido polo alcalde Carlos Gómez "como a reafirmación deste Goberno local pola cultura que ten que ser un piar básico da sociedade". O programa, explicado polo miúdo pola concelleira de Cultura, Miriam Costas Iriarte, abrangue dende interesantes e atractivos concertos "para todos os gustos e para todas as idades" ata as sesións de Cine na Rúa pasando por monólgos, exposicións, festivais, roteiros ou teatro e cun programa específico para as Festas da Virxe da Anunciada, patroa do municipio.

O Concello de Baiona continúa desenvolvendo o seu de mellora do alumeado público e a súa substitución por elementos máis eficientes e, nesa liña nestes últimos días traballouse no cambio das luminarias nas zonas de Cabreiro e Portelos en Baredo.

O Concello de Baiona, culminou os traballos de mellora da accesibilidade na zona da Figueira no Urgal, parroquia de Belesar. A obra, financiada a través do Plan Concellos da Deputación de Pontevedra, foi adxudicada por un importe de 43.497,10 euros.

A carabela Pinta ten nestas datas compañía no pantalán Cristobal García Sarmiento, lugar habitual de atraque xa que, xunto a ela atópase agora amarrado o barco pirata Wodnik. O baionés Pipo Vilar foi o artífice da parada deste navío en terras baionesas. O Wodnik partiu desde Cádiz, pasou por Palos de la Frontera e arribou no día de onte á vila mariñeira.

O Concello de Baiona vén, nun momento no que a economía trata de reinventarse, vén de apostar por novos conceptos como a economía azul. O blue growth ou crecemento azul é un concepto creado recentemente pola Comisión Europea dentro da súa estratexia atlántica, que aposta pola economía marítima como un dos principais impulsores do crecemento do futuro de Europa.

A Asociación de Jovenes Empresarios de Vigo, AJE Vigo, celebrará a gala de entrega dos seus premios Joven Empresario e Empresaria e Iniciativa Emprendedora o próximo 18 de novembro. Por primeira vez, este evento anual trasládase fóra de Vigo e terá lugar no Parador de Baiona.

O Concello de Baiona inicia a próxima semana os traballos de renovación das tubaxes de saneamento, auga potable e recollida de pluviais do barrio baionés da Percibilleira. Tamén levarán a cabo traballos de renovación do asfaltado de toda a zona. Un proxecto cun investimento de 186.184,55 euros con cargo ao Plan Concellos 2020 da Deputación de Pontevedra.

Nos museos, nos nomes das rúas, na lista de nomeamentos dos premios Nobel, nos libros de historia, na memoria colectiva, na memoria local… a pregunta é onde están as mulleres? A pesar dos obstáculos e a discriminación, moitas estiveron aí deixando a súa pegada na historia da humanidade, marcando un punto de inflexión na súa época.

O Concello de Baiona, a través da Concellería de Movilidad, organizou un programa de actividades para celebrar a Semana Europea da Mobilidade, que se vai a celebrar do 16 ao 22 de setembro. A concelleira Conchy Vara, presentou onte o programa que se desenvolverá baixo o lema 'Pola túa saúde, móvete de forma sostible'.

A web do Concello de Baiona (www.baiona.gal) ofrece unha nova sección, 'Ou teu alcalde responde', unha pestana que aparece na portada xunto cunha foto do actual presidente da Corporación, Carlos Gómez Prado, e na que tras cubrir un pequeno formulario, a cuidadanía poderá expresar as súas dúbidas, suxerencias, queixas, propostas, opinións ou facer unha solicitude de información directamente o alcalde de Baiona.

O Concello de Baiona iniciou unha campaña de reforzo da limpeza viaria a través da realización de distintos decapados das beirarrúas, que completan os labores habituais de limpeza viaria. Esta iniciativa, de carácter extraordinario, arrincou a mediados da semana pasada para realizar baldeos nas beirarrúas con equipos de limpeza con auga a presión e outros medios mecánicos.

O presidente da Mancomunidade do Val Miñor, o alcalde de Gondomar, Paco Ferreira, acompañado polos rexedores dos outros Concellos que integran esta entidade –Carlos Gómez, rexedor de Baiona, e Juan González, alcalde de Nigrán–, xunto a xefa territorial de Emprego e Igualdade da Xunta en Vigo, Marta Mariño, inauguraron onte o obradoiro 'Pedras do Miñor', enmarcado no Plan de Garantía Xuvenil, cofinanciado por l Fondo Social Europeo e a Iniciativa de Emprego xuvenil, cunha dotación de preto de 369.493 euros.

Cun espectacular solpor e fronte ao mar de Baiona e co fondo das Illas Cíes, a poesía, a voz e a música uníronse na noite deste luns en 'Palabr(A)', a actuación coa que Najla Shami fixo un chamamento claro, emotivo, doce e vibrante pola igualdade no baionés parque da Palma. Con temas cun marcado corte feminista, nos que tamén deixou ver a protesta social e a fusión de culturas, a artista removeu a conciencia das persoas asistentes a este concerto do programa 'Mulleres en Acción. Violencia Zero'

Percorrer a senda fluvial que transcorre a carón do Río da Fraga, situado preto do Monte Baredo, en Baiona, é unha actividade do máis atractiva tanto para a veciñanza de Baiona como para todas as persoas amantes da natureza que se achegan ao municipio do Val Miñor, un fermoso enclave que conta agora coa prolongación da súa pasarela gracias a unha achega de 167.300 euros do Plan Concellos da Deputación de Pontevedra.

Os participantes do proxecto 'Vincúlate' recibiron unha visita moi especial: un grupo de 16 mozos e mozas de idades comprendidas entre os 8 e os 15 anos, que forman parte do proxecto socioeducativo EncaixaT, levado a cabo polo Servizo de Educación e Apoio Familiar do Concello de Tomiño. Os tomiñeses e tomiñesas quixeron coñecer de primeira man o funcionamento deste pioneiro programa 'Vincúlate' posto en marcha polo Concello de Baiona.

O mantemento da estrada PO-552 chamada A Foz do Miñor, ou entrada norte ao Concello de Baiona, é competencia da Xunta pero, o departamento autonómico de estradas “non fai os deberes”. Así o expresa, o alcalde Carlos Gómez, quen decidiu facer público o malestar do Goberno local polo que considera "desidia e abandono por parte da Xunta".

Os alcaldes e alcaldesas da Guarda, Antonio Lomba; O Rosal, Ánxela Fernández Callís; Oia, Cristina Correa e Baiona, Carlos Gómez, xunto á concelleira de turismo de Nigrán, Cristina Dosil, mantiveron o pasado venres 9 de xullo unha reunión co director de Administración e Relación coas Asociacións de Amigos do Camiño de Santiago, Ildefonso de la Campa, para trasladarlle, de primeira man, algúns problemas relacionados co Camiño Portugués da Costa que, a xuízo dos edís, poden prexudicar ao propio Camiño da Costa e sobre todo á experiencia dos peregrinos.

A Casa da Navegación de Baiona acolle, dende o venres 2 de xullo, unha máis que interesante e recomendable exposición na que, baixo o título A Campaña do Argus amosa o traballo realizado polo reporteiro do National Geographic Magazine e oficial da Armada australiana, Alan Villiers, que en 1950 acompañou aos pescadores portugueses na pesca de bacallau nos caladoiros de Terranova, en Canadá. Villiers viviu máis de cinco meses como camarada dos pescadores lusos e amosa a súa historia e experiencia a bordo do Argus a través de impactantes fotografías.

A 'movida viguesa' dos anos 80 non so se cinguiu á cidade olívica, senón que tivo un efecto de dinamización musical e cultural que se deixou sentir nos municipios circundantes especialmente en Baiona na que, da man de empresarios e empresarias de 'la recta' que co seu traballo e esforzo conseguiron posicionar a localidade en parada obrigatoria do roteiro da famosa movida 'ochentera'.

“Un espazo cheo de vida, de vangarda, de cultura e de luz que abre as súas portas mostrando como si é posible facer actuacións sobresaíntes, pensadas co obxectivo de recuperar o espazo público para as persoas”. Así se pronunciou esta tarde a presidenta da Deputación, Carmela Silva, nos actos de inauguración do novo Multiusos-Mercado de Sabarís, en Baiona.

As actuacións para financiar este ano en Baiona a través da liña uno do Plan Concellos da Deputación xa están decididas. O Goberno que preside o socialista Carlos Gómez, investirá un total de 587.342,89 € en distintos proxectos entre os que se atopan os grandes investimentos que levarán a cabo ao longo do ano no municipio.

O Concello de Baiona a través da Concellería de Deportes deseñou unha axenda deportiva para este verán 2021 moi especial, tras un duro ano marcado pola crise sanitaria do coronavirus. Por este motivo, e dada as boas cifras, o Concello quere ofrecer á cidadanía unha axenda na que o deporte cambia de formato. Se a pandemia levouse por diante unha longa lista de eventos deportivos, Baiona 'tira' de imaxinación para atopar novas fórmulas que permitan, tanto á veciñanza como as persoas visitantes, gozar do deporte.

O Concello de Baiona vén de informar que unha vez pasados os prazos administrativos de exposición pública e para a presentación de alegacións, xa está aberto o prazo de presentación de solicitudes para os sectores do comercio, hostalaría e resturación, que serán resoltas por orde de entrada no Rexistro do Concello e que se poderán presentar a partir de mañá luns en horario de 9 h a 13 horas.

O Concello de Baiona, dentro dos obxectivos da Axenda 2030, vén de adherirse á campaña ‘Unha árbore por Europa’, un xesto co que o concello baionés sela este compromiso pola sustentabilidade. O alcalde, Carlos Gómez Prado, e a concelleira de Medio Ambiente, Rosa María Domínguez Roda plantaron un árbol no parque próximo á Escola Infantil A Galiña Azul do municipio.

O alcalde de Baiona, Carlos Gómez Prado, esixe á Consellería de Sanidade da Xunta de Galicia a cobertura necesaria para dar servizo ao Centro de Saúde de Baiona e do PAC da Xunqueira, que dá servizo ao Val Miñor, "fronte ao importante aumento de persoas usuarias que atraerá ata estes servizos sanitarios a tempada estival".

O vindeiro luns, día 31 de maio, reiniciarase a actividade do tradicional mercado de Sabarís con todos os postos que viñan sendo habituais e garantindo as medidas de seguridade fronte á covid-19 establecidas pola normativa vixente.

https://www.comarcasnarede.com/wp-content/uploads/2021/05/Campus-Veran.pdf

O alcalde de Baiona, Carlos Gómez, e o presidente do Consorcio de Turismo Ribeira Sacra, Luís Guitian, veñen de amoar o interese de ámbolos dous organismos de colaborar para para potenciar estas dúas contornas salientables dentro do ámbito turístico mundial. Por iso, aproveitarán a presentación do primeiro Encontro de Mercados Gastronómicos que promove a Praza de Abastos de Baiona os días 29 e 30 de maio, dedicado este ano aos produtos da Ribeira Sacra.

O xardín do Arquivo Histórico e Biblioteca Pública Municipal de Baiona é o lugar elixido para, o vindeiro luns 17, desenvolver un concerto homenaxe a Xela Arias, a quen neste 2021 dedícase o Día dás Letras Galegas.

A Casa da Navegación de Baiona conta nas súas instalacións cunha nova peza de alto valor histórico grazas á entrega, por parte de dúas cuidadanos baioneses, dunha áncora lítica. Trátase dunha áncora de granito que foi recuperada dos fondos mariños do municipio, –na zona da Carral en Cabo Silleiro– o pasado mes de novembro polos mariscadores José M. Durán Vicente e Iván González Rodríguez. A peza foi descuberta polo mergullador Iván González mentres faneaban ao ourizo.

O Concello de Baiona vén de dar por rematados os traballos de mellora da accesibilidade no Camiño Lameiriño, na Granxa, parroquia de Belesar. A obra, financiada a través do Plan Concellos da Deputación de Pontevedra e con fondos propios do Concello, consistía na reconstrución dun muro de contención derrubado hai anos e que "presentaba un perigo para as familias que residen nesta zona, xa que dificultaba o acceso ás vivendas".

O Concello de Baiona, a través da Concellería de Medio Ambiente e a empresa adxudicataria de recollida selectiva de residuos e xestión do Punto Limpo, vén de poñer en marcha un novo servizo gratuíto de recollida de obxectos voluminosos e de restos vexetais de xardinería doméstica, unha iniciativacoa que se busca acadar unha localidade máis limpa e saudable.

A Regata de Primavera do Monte Real Club de Iates de Baiona cumpre este ano o seu cuadraxésimo terceira edición coa celebración, a próxima fin de semana, de dúas regatas costeiras na ría de Vigo. A histórica cita do club baionés, unha das máis importantes da vela pesada en Galicia e unha das máis lonxevas do panorama náutico español, volve a escena patrocinada un ano máis por Repsol, ratificando así o apoio que, desde hai anos, a empresa enerxética presta ao deporte da vela.

O alcalde de Baiona, Carlos Gómez Prado, reuniuse onte co presidente da Federacion Provincial de Empresarios de Hosteleria de Pontevedra (Feprohos), César C. Sánchez-Ballesteros Fernández e o presidente da Asociación de Comerciantes e Empresarios de Baiona( ACEBA), Marcos Comesaña para tratar da posta en marcha dun proxecto conxunto de asesoramento ao sector servizos da vila para cumprir as medidas de seguridade respecto ao COVID 19.

O alcalde de Baiona, Carlos Gómez Prado, vendo que o ritmo de vacinación "non é o idóneo e ante as grandes aglomeracións que veñen producindo no IFEVI", fixo chegar ao Sergas "a total predisposición do Concello de Baiona" en colaborar en todo o que sexa necesario para facilitar que a campaña de vacinación masiva da poboación do Val Miñor, "axilícese e se leve a cabo no municipio".

O alcalde de Baiona, Carlos Gómez Prado, e concelleiras e concelleiros do grupo municipal socialista de Baiona mantivero no día de onte unha reunión de traballo coa deputada pola provincia de Pontevedra e portavoz de o PSOE na área de Transformacion Dixital no Congreso, Ángeles Marra. Durante o encontro, ambas as partes repasaron os investimentos aprobados este ano polo Estado en Baiona á vez que o grupo socialista local trasladáballe novas reivindicacións a Marra.

O Concello de Baiona continúa co seu plan para mellorar a iluminación pública da localidade. Nese sentido, nestes días procedeuse á substitución das luminarias do vial da estrada principal de acceso á localidade desde a rotonda que dá inicio á Avenida Urbana de Sabarís ata a rotonda do monumento do Rey Alfonso IX.