14.5 C
Pontevedra
Martes, 19 de Marzo de 2024
Máis
    HomeVal MiñorBaionaBaiona inicia unha campaña de reforzo da limpeza viaria que inclúe o...

    Baiona inicia unha campaña de reforzo da limpeza viaria que inclúe o decapado de beirarrúas

    O Concello de Baiona iniciou unha campaña de reforzo da limpeza viaria a través da realización de distintos decapados das beirarrúas, que completan os labores habituais de limpeza viaria. Esta iniciativa, de carácter extraordinario, arrincou a mediados da semana pasada para realizar baldeos nas beirarrúas con equipos de limpeza con auga a presión e outros medios mecánicos.

    A semana pasada os labores de limpeza levaron a cabo no centro histórico da vila e que esta semana se dá continuidade co cepillado na rúa Elduayen, Alférez Barreiro, Coidade de Vigo ou Marqués de Quintar entre outras.

    “Imos facer un decapado intensivo de varias zonas do municipio, especialmente en beirarrúas e zonas peonís, e coa axuda de maquinaria especializada na limpeza destas características”, comenta a concelleira de Medio Ambiente, Rosa Domínguez Roda.

    Pola súa banda o alcalde, Carlos Gómez Prado, destaca que “o obxectivo deste reforzo é combater a acción xerada sobre as beirarrúas para iso realízase unha limpeza en profundidade da sucidade incrustada, graxas, restos de chicles, e sucidade persistentes aos procedementos normais de baldeo e varrido”.

    O equipo utilizado posúe unha impulsión de auga a presión e complétase cun reforzo de produtos desengrasantes.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.