18.3 C
Pontevedra
Martes, 16 de Agosto de 2022
Máis
    HomeVal MiñorBaionaBaiona pon en marcha un novo servizo de recollida de obxectos voluminosos

    Baiona pon en marcha un novo servizo de recollida de obxectos voluminosos

    O Concello de Baiona, a través da Concellería de Medio Ambiente e a empresa adxudicataria de recollida selectiva de residuos e xestión do Punto Limpo, vén de poñer en marcha un novo servizo gratuíto de recollida de obxectos voluminosos e de restos vexetais de xardinería doméstica, unha iniciativacoa que se busca acadar unha localidade máis limpa e saudable.

    A partir de agora, usuarias e usuarios poderán concertar unha cita por medio do teléfono gratuíto 900 101 925, para que o servizo recolla eses obxectos domésticos que se queiran reciclar. O teléfono será atendido de 10:00 a 13:00 e fóra desas horas poderase deixar unha mensaxe no contestador ao que, segundo a Concellería de Medio Ambiente “darase resposta o máis axiña posible”.

    A través deste servizo os cidadáns poden solicitar a retirada, entre outros, de mobles, trastes, electrodomésticos de gran tamaño, así como distintos aveños voluminosos. Para iso, os veciños e veciñas deben chamar ao teléfono gratuíto do servizo, no que se toman os datos do punto de recollida e explícaselles en que franxa horaria deben depositar os residuos para a súa posterior retirada polo persoal do servizo.

    Con este servizo preténdese facilitar aos cidadáns unha adecuada xestión de certos residuos que, polo seu tamaño e características, non poden depositarse co resto de residuos domésticos e tampouco poden entregarse no punto limpo municipal situado en Baíña.

    A concelleira de Medio Ambiente, Rosa Domínguez Roda, destacou que “a colaboración cidadá é fundamental para o bo funcionamento deste servizo, xa que é imprescindible coñecer en que puntos van deixar os restos de voluminosos para incluílos no roteiro de recollida”.

    Por iso o alcalde de Baiona, Carlos Gómez, solicita “a colaboración veciñal para evitar o abandono de residuos na contorna dos contedores”. O rexedor local pide “evitar estas situacións, xa que este tipo de depósitos na vía pública só conseguen aumentar a contaminación no municipio e empeorar o aspecto das nosas rúas”.

    Carlos Gómez fai ese chamamento “ao civismo da cidadanía” logo de comprobar como, tanto no centro da vila coma nas zonas rurais, tense producido un incremento de puntos onde se depositan residuos voluminosos, como mobles ou electrodomésticos.

    Para a atención ao cidadán do novo servizo gratuíto posto en marcha cóntase co teléfono gratuíto 900 101 925 e coa páxina web municipal www.baiona.gal, na que os usuarios poidan ampliar a información sobre os diferentes servizos.

    O Concello de Baiona puxo xa en marcha unha campaña para dar a coñecer o novo servizo e distribuíronse folletos informativos polos buzóns das vivendas. Tamén colocáronse carteis informativos en distintos puntos do municipio para lembrar a prohibición de depositar calquera tipo de enser fóra dos contedores sen avisar previamente ao novo servio.

    COLABORACIÓNS

    Ramón D. Veiga, «Zoom»

    En ocasións, a literatura xorde dun puro divertimento, dun simple xogo que alicerza a escrita e do que o autor ou autora se fai partícipe dende o inicio. Hai exemplos numerosos ao respecto, ás veces concibidos como simples exercicios de estilo, outras, como argalladas transgresoras coas que experimentar un xeito determinado de escribir. O que hoxe traemos a este espazo parece encaixar perfectamente nese prantexamento lúdico.

    ¡Galicia negra!

    En estos últimos días, mejor dicho ya semanas, estamos volviendo a la cruda realidad de ver a nuestra Galicia de nuevo ennegrecida por el humo y por los incendios. No es algo que nos pille de sorpresa, por desgracia ya es algo habitual desde hace muchos años aunque, este año, se ha adelantando en el tiempo, ya que lo que solía ocurrir principalmente a finales de verano, debido a la climatología de este año, ya está sucediendo en estos meses.

    Galicia

    Onte, 25 de xullo, celebrouse na nosa comunidade o día da patria galega, polo que esta publicación vai adicala a ela. Este día festéxase oficialmente dende 1979, ainda que a orixe desta celebración remóntase a 1919.

    Un tour por Marruecos

    He estado un poco desaparecida, pero aquí estoy de nuevo 🙂 En mayo viajé junto con cuatro amigas a Marruecos, hicimos una escapada durante el puente de las Letras Galegas. Fue breve, pero intensa. Nos dió tiempo a aprovechar muy bien esos cinco días y a conocer un trocito de ese país tan especial.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    67 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS