17.2 C
Pontevedra
Sábado, 16 de Outubro de 2021
Máis
    HomeVal MiñorBaionaBaiona presenta 19 campus deportivos para o verán e a tradicional 'Semana...

    Baiona presenta 19 campus deportivos para o verán e a tradicional ‘Semana Azul’ que inclúe, como novidade, o ‘kite surf’

    O alcalde de Baiona, Carlos Gómez e a concelleira de Deportes, Miriam Costas, acompañados pola directora da oficina de Baiona de CaixaBank, Yolanda Pérez, presentaron esta mañá os Campus Deportivos de Verán e a tradicional ‘Semana azul’ que este ano inclúe a novidade do kite surf.

    A oferta deportiva destes campus está deseñada entre todos os clubs deportivos locais e ofrece un total de 19 modalidades incorporándose, como novidades, actividades tan novas como deportes urbanos, fútbol americano, pádel e tenis de mesa.

    Un campus de verán con máis modalidades deportivas

    Os Campus Deportivos de Verán ofertan, este ano, un maior número de modalidades. Así haberá actividades de fútbol, baloncesto, ciclismo, deportes olímpicos de combate, tenis, actividades de patín, ximnasia rítmica, multideporte, vela lixeira, windsurf, piragüismo, pádel surf, surf, skate, hip hop, tenis de mesa, fútbol americano, danza, atletismo, badminton, vóley praia e futbol sala. Serán actividades a desesenvolver durante 11 semanas a un prezo moi asequible grazas aos convenios asinados dende a Concellería de Deportes cos clubs deportivos locais, CaixaBank e a Fundación ‘La Caixa’.

    Cada un dos campus terán unha duración dunha semana, e desenvolveranse en horario de 10:00 h a 14:00 h aínda que, de cara a facilitar a conciliación laboral e familiar, estblécese un horario de entrada dos e das participantes dende as 9 horas.

    O campus Náuticom, pola súa banda, amplíase con catro quendas (mañá e tarde) para permitir a participación do maior número de nenos e nenas que poderán practicar vela lixeira (MRCYB), piragüismo (Club Piragüismo Baiona) e windsurf e pádel surf (WetSports Ladeira) e surf (Prado surf).

    En todos os Campus deportivos os asistentes recibirán un equipamento deportivo así como un tentempié a media mañá para repoñer forzas.

    Tamén acudiron ao acto para a foto de familia un representante de cada un dos clubs deportivos que deseñaron a oferta deportiva de forma conxunta coa Concellería de Deportes: Erizana CF, Club Baloncesto Baiona, Club de Loita Sabaris, Club de Tenis Baiona, Galicia en Danza, MRCYB, Club Piragüismo Baiona, Westsport Ladeira, Bahiña Fsala, Club de patín Baiona, Club Atletismo Baiona, Vigo Vóley, Club de Badminton Rosalia, Club Conquers de Fútbol americano, Club de tenis de mesa Vincios, Escola de surf de Prado, escola de Running de baiona, Academy Dance Vigo e Club de Ximnasia Rítmica Estela. Tamén representantes da Asociación Deportiva Naútica Rías Baixas (ADN) que participa na Semana Azul.

    A Concelleira de Cultura, Miriam Costas, destacou que durante todas as semanas de verán “contaremos nos Campus coa presenza de deportistas e técnicos de primeiro nivel nas distintas modalidades deportivas que desde, unha óptica divertida, transmitirán ás persoas participantes as súas experiencias, realizando xogos e tarefas que enriquecerán aos alumnos e alumnas”.

    Tanto o Alcalde como a Concelleira quere agradecer ás moitas entidades privadas e publicas que colaboran cos distintos campus xa que grazas ás súas importantes colaboracións é posible a organización dos mesmos.

    O rexedor fixo unha mención especial aos clubs por “a súa implicación co proxecto xa que sen a súa colaboración non sería posible ofertar un calendario e uns campus tan numerosos e interesantes para practicar deporte durante o verán en Baiona”.

    O prazo de inscrición está aberto desde o 1 de Xuño e para formular matricúlalas as persoas interesadas deberán entregar o formulario de inscrición cuberto nas oficinas de Deportes situadas no Pavillón Municipal de Baiona en horario de 9:00 h a 14:00 h ou de 18:00 h a 21:00 h. Para máis información, interesadas e interesados poden dirixirse ao teléfono 986 356 558 ou a través do correo electrónico deportes@baiona.gal. Na páxina web do Concello de Baiona www.baiona.gal poderase descargar o formulario de inscrición e o folleto informativo.

    Prezo: 200 € por 5 campus ou de 300 € para todos os campus dos meses de xullo e agosto, o que posibilita realizar actividades deportivas durante once semanas a un prezo moi alcanzable.

    Tamén se poderá realizar os campus que cada un seleccione individualmente pagando só a modalidade que prefira (consultar prezos por campus individualmente ou tarifas por irmáns). Nesta ligazón pode consultarse toda a información sobre os campus: prezos, datas e horarios

    Semana Azul 2021

    Doutra banda, no mesmo acto de presentación dos Campus de Verán, tivo lugar a presentación da Semana Azul 2021, a tradicional Campaña Escolar de Fomento de Deportes Náuticos, que organiza o Concello de Baiona de xeito totalmente gratuíto xa que o propio Concello subvenciona a totalidade dos cursos así como os pertinentes seguros para os escolares participantes.

    A actividade, organizada de xeito conxunto polas concellerías de Deportes e Actividades Marítimas de Baiona, desenvolverase os próximos días 23, 24, 25 de xuño nas nas novas instalacións de WetSport Ladeira e na propia praia como centro neurálxico do devandito programa.

    Nesta nova campaña do 2021, presenta moitas novidades e a primeira é a aglutinar a mesma en tres días en xornada de mañá e tarde e onde os participantes poderán desenvolver e penetrarse en deportes náuticos como vela lixeira, pádel surf, windsurf, piragüismo, surf e kitesurf.

    No caso do surf volve incorporar á campaña de fomento dos deportes náuticos e a oferta do kitesurf é totalmente nova sendo unha actividade que a través da asociacion adn iremos apoiando e incorporando á nosa oferta deportiva de mar.

    A idea é realizar xornadas continuas onde os participantes pasarán desde as 11.00 h ata as 18.00 h realizando deportes náuticos facendo unha breve parada ao medio día para tomar un bocadillo e repoñer forzas.

    O día 23 de xuño participarán escolares de 8 a 10 anos, o día 24 escolares de 11 a 13 anos, o día 25 de xuño participarán os escolares de máis de catorce anos.

    A Campaña consta de dous prazos de inscrición, o primeiro iníciase o 1 de xuño para os escolares dos centros públicos de Baiona e un segundo para partir do día 11 de xuño para o resto de escolares que queiran participar. Poderán participar todos aqueles interesados que cumpran os seguintes requisitos; saber nadar e ter entre máis de 8 anos. 10 dias non censados

    Está nova campaña nace coa intención de fomentar e achegar o mar como espazo de lecer e deporte aos máis novos e tentar desenvolver un hábito deportivo entre a nosa poboación ofrecendo a posibilidade de coñecer e dominar un espazo que pola nosa características xeográficas e culturais é de vital importancia no noso municipio.

    Coa posta en marcha da Semana Azul do 2021, tamén se abre o período de inscricións para todos aqueles interesados en realizar algún curso de iniciación das actividades deportivas náuticas que para o presente período de verán ten previsto desenvolver o Excmo. Concello de Baiona que son: #Ver Lixeira, Windsurf, Piragüismo e paddel surf.

    Na páxina web municipal www.baiona.gal poderase descargar o formulario de inscrición.

    Tarifas:

    COLABORACIÓNS

    Francisco Castro, «O cemiterio de barcos»

    Francisco Castro regresa de novo á novela xuvenil, un territorio no que xa ten demostrado que se desenvolve con soltura, para presentarnos unha narración que se move en dous planos diferentes.

    Bizcocho de plátano

    No sé si consumir plátano canario en este momento puede ser una pequeña ayuda a los palmeros que están pasando por esta situación tan dolorosa, que desde aquí cuesta imaginar; pero si con esto podemos aportar un granito de arena, lo haremos.

    ¡Ponga un volcán en su vida!

    Las generaciones actuales, sin lugar a dudas, van tener bastante que contarles a sus nietos. Hemos vivido una fuerte crisis económica (la de las famosas subprime), hemos padecido, y seguimos sufriendo, la primera gran epidemia global del siglo y ahora, además, tenemos el "maravilloso" espectáculo del volcán de La Palma, algo que no se podía ver en nuestro país desde hace muchos años, así que para llevar poco más de 21 años de siglo, pues no está nada mal, pero como sigamos a este ritmo...

    Receta saludable de veroño

    Primer domingo de otoño y último del mes de septiembre; con este día gris damos por terminada la temporada estival. Confío en que estéis preparados, y sobre todo mentalizados, para iniciar el año escolar con ganas (soy de las que siente que cuando llega septiembre comienza un “nuevo curso”, aunque ya hayan pasado años desde que terminé la universidad).

    Colaboradores

    Alberto Aliaga Sola
    12 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    5 POSTS0 COMMENTS
    Manrique Fernández
    46 POSTS0 COMMENTS
    Paz de la Peña
    35 POSTS0 COMMENTS
    Ricardo Canosa Bastos
    13 POSTS0 COMMENTS
    Roberto Mera
    2 POSTS0 COMMENTS