13.7 C
Pontevedra
Sábado, 18 de Maio de 2024
Máis
    HomeVal MiñorBaionaBaiona continua co seu programa de mellora enerxética do alumeado público apostando...

    Baiona continua co seu programa de mellora enerxética do alumeado público apostando polos LED

    O Concello de Baiona continúa co seu plan para mellorar eficiencia enerxética mediante a iluminación pública da localidade. Nese sentido, nestes días procedeuse á substitución das luminarias do vial da estrada principal de acceso á localidade desde a rotonda que dá inicio á Avenida Urbana de Sabarís ata a rotonda do monumento do Rey Alfonso IX.

    En total estanse a substituir 58 puntos de luz do vial por tecnoloxía LED de alta calidade fabricada en Galicia, cunha resistencia especial á climatoloxía e á salitre mariña. As obras da iluminación están a levarse a cabo nestes días con fondos propios e con persoal do concello.

    O Concelleiro, Óscar Martínez, quen xestiona a Concellería de Alumeado Público, destaca que “o estado actual da rede de iluminación pública está totalmente desactualizada, existindo unha gran cantidade de lámpadas de gran consumo”.

    Neste caso en concreto –explica–, había 58 luminarias cun consumo de 200 W que estanse a substituír por unhas cun consumo unitario de 88 W. O cambio a tecnoloxía led ten como obxectivo conseguir unha iluminación de maior calidade, unha maior eficiencia enerxética e un aforro de enerxía”.

    O alcalde de Baiona, Carlos Gómez Prado, destacou pola súa banda que o obxectivo é seguir coas melloras enerxéticas no municipio “e dar continuidade á instalación de tecnoloxía led. Así se mellorará a eficiencia enerxética, substituíndo as luminarias desfasadas existentes por outras con mellor rendemento que supoñen un consumo de enerxía máis reducido e respectuoso co medio ambiente”.

    “Esta actuación busca unha mellora para os usuarios deste vial e para o Concello, que logrará reducir o consumo de electricidade ata un 70 % e reducir o gasto da luz que soporta o concello mensualmente”, explicou o alcalde baionés.

    Esta nova substitución de luminarias por tecnoloxía Led súmase á actuación realizada o paso mes de decembro no vial da estrada a Camposantos, desde a rotonda da saída a autoestrada en Rocamar ata o Rompeolas, onde se substituíron 42 puntos de luz.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.